- Къарны аманнга къазан такъдырма, къолу аманнга от джакъдырма.
- Джукъу тёшек сайламайды.
- Келлик заман – къартлыкъ келтирир, кетген заман – джашлыкъ ёлтюрюр.
- Мадар болса, къадар болур.
- Джаз бир кюнню джатсанг, къыш талай кюнню абынырса.
- Джыгъылгъанны сырты джерден тоймаз.
- Арбаз сайлама да, хоншу сайла.
- Хантына кёре тузу, юйюне кёре къызы.
- Эринчекге кюн узун.
- Къумурсхала джыйылсала, пилни да джыгъадыла.
- Джюрек кёзден алгъа кёрюр.
- Этек чакъмакълары баш джаргъан, сёлешген сёзлери таш джаргъан.
- Аман къатын алгъан, арыр, иги къатын алгъан джарыр.
- Байдан умут эте, джарлыдан ёгюз багъасы къорады.
- Ата джурт – алтын бешик.
- Акъыл аздырмаз, билим тоздурмаз.
- Юйюнг бла джау болгъандан эсе, элинг бла джау бол.
- Тау башында, тау болмаз, джангыз терек, бау болмаз.
- Кюл тюбюндеги от кёрюнмейди.
- Ауузу бла къуш тута айланады.
- Биреу ашаб къутулур, биреу джалаб тутулур.
- Ашхы атаны – джашы ашхы, ашхы ананы – къызы ашхы.
- Джети тилни билген джети кишиди.
- Ашлыкъны арба юйге келтирир, чана базаргъа элтир.
- Къартха ушагъан джаш – акъыллы, джашха ушагъан къарт – тели.
- Гугук кесини атын айтыб къычыргъанча, мен, мен деб нек тураса?
- Ётюрюк хапар аякъ тюбю бла джюрюйдю.
- Башы джабылгъан челекге, кир тюшмез.
- Ана къойну – балагъа джандет.
- Таукелге нюр джауар.
- Намысы болмагъанны, сыйы болмаз.
- Билгенни къолу къарны джандырыр.
- Окъугъан озар, окъумагъан тозар.
- Аурууну келиую тынч, кетиую – къыйын.
- Башы ишлегенни, ауузу да ишлер.
- Сабийликде юретмесенг, уллу болса – тюзелмез.
- Гугурук къычырмаса да, тангны атары къалмаз.
- Аш иеси бла татлыды.
- Аллахдан тилесенг, кёб тиле.
- Мен да «сен», дейме, сен да «кесим», дейсе.
- Тойгъа барсанг, тоюб бар, эски тонунгу къоюб бар.
- Джырчы ёлсе, джыры къалыр.
- Адамны аманы адамны бети бла ойнар.
- Байма, деб да, къууанма, джарлыма, деб да, джылама.
- Джолда аягъынга сакъ бол, ушакъда тилинге сакъ бол.
- Къаллай салам берсенг, аллай джууаб алырса.
- Къарт бла баш аша, джаш бла аякъ аша.
- Аш хазыр болса, иш харам болур.
- Джангызны оту джарыкъ джанмаз!
- Ашхы сёз таш тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72