- Къобан да къуру да къобханлай турмайды, адам да къуру да патчахлай турмайды.
- Джарлы джети элни сёзюн этер.
- Ёзденликни кёбю ётюрюк.
- Кесине оноу эте билмеген, халкъына да эте билмез.
- Дженгил джетерикме деб, узун джолну къоюб, къысхасын барма.
- Байны оноуу, джарлыгъа джарамаз.
- Башынга джетмегенни сорма.
- Ач – эснер, ат – кишнер.
- Биреуге аманлыкъ этиб, кесинге игилик табмазса.
- Таякъ этден ётер, тил сюекден ётер.
- Чарсда алчыны эл кёреди.
- Тулпарлыкъ, билекден тюл – джюрекден.
- Ашыкъгъан cуу, тенгизге джетмез.
- Юреннген ауруу къалмаз.
- Къаллай салам берсенг, аллай джууаб алырса.
- Чабар ат – джетген къыз.
- Къыз тиширыу кеси юйюнде да къонакъды.
- Уллу суу бла уллу ауруудан башынгы сакъла.
- Ашхы адам – халкъ байлыгъы, ашхы джер – джашау байлыгъы.
- Джашынгы кесинг юретмесенг, джашау юретир.
- Этек чакъмакълары баш джаргъан, сёлешген сёзлери таш джаргъан.
- Къошда джокъгъа – юлюш джокъ.
- Тёрде – темир таякълы, къаяда – чыпчыкъ аякълы.
- Адам туугъан джеринде, ит тойгъан джеринде.
- Кёзню ачылгъаны – иги, ауузну джабылгъаны – иги.
- Эркишини аманы тиширыуну джылатыр.
- Тойгъан антын унутур.
- Чалманны аллы къалай башланса, арты да алай барады.
- Орундукъ тюбюнде атылсам да, орта джиликме, де да айлан.
- Ойнаб айтсанг да, эслеб айт.
- Нарт сёз къарт болмаз.
- Къар – келтирди, суу – элтди.
- Акъыл сабырлыкъ берир.
- Билмегенинги, билгеннге сор.
- Кечеси – аяз, кюню – къыш, джарлы къаргъагъа бир аш тюш!
- Къартны сыйын кёрмеген, къартлыгъында сыйлы болмаз.
- Джылыгъа джылан илешир.
- Къартха ушагъан джаш – акъыллы, джашха ушагъан къарт – тели.
- Халкъгъа джарагъан, джарлы къалмаз.
- Къызбайны юйюне дери сюрсенг, батыр болур.
- Сескекли кесин билдирир.
- Чакъырылмагъан къонакъ – орунсуз.
- Таш ата билмеген, башына урур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Азыкъ аз болса, эртде орун сал.
- Гитче джилтин уллу элни джандырыр.
- Окъуусуз билим – джокъ, билимсиз кюнюнг – джокъ.
- Ким бла джюрюсенг, аны кёзю бла кёрюнюрсе.
- Накъырда – кертини келечиси.
- Къан бла кирген, джан бла чыгъар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72