- Юй ишлеген балта эшикде къалыр.
- Къарыусузгъа кюлме, онгсузгъа тийме.
- Тойгъа алгъа да барма, тойда артха да къалма.
- Айырылгъанланы айю ашар, бёлюннгенлени бёрю ашар.
- Билимсиз иш бармаз.
- Къралынгы – душмандан, башынгы от бла суудан сакъла.
- Сютню башын джалагъан къутулур, тюбюн ичген тутулур.
- Дуния аламаты сен эсенг да, игиме деб айтма.
- Бек анасы джыламаз.
- Иги сеники эсе да, сюйген кесимикин этеме.
- Эринчекни эр алмаз, эр алса да, кёл салмаз, кёл салса да, кёб бармаз!
- Атадан ёксюз – бир ёксюз, анадан ёксюз – эки ёксюз.
- Къонакъ аз олтурур, кёб сынар.
- Джарлы эскисин джамаса, къууаныр.
- Ач отунчуну ачыуу – бурнунда.
- Эки ойлашыб, бир сёлешген.
- Ат да турмайды бир териде.
- Къонакъ хазыр болгъанлыкъгъа, къонакъбай хазыр тюлдю.
- Рысхысына кёре, джаш ёсер, къышлыгъына кёре, мал ёсер.
- Ышармагъан – кюлмез, кюлмеген – къууанчны билмез.
- Эки къатын алгъан – эки ташны ортасына башын салгъан.
- Эри аманны, къатыны – аман.
- Билгенни къолу къарны джандырыр.
- Эринчекни аурууу – кёб.
- Уллу суу бла уллу ауруудан башынгы сакъла.
- Ана къолу ачытмаз.
- Хаухну атма, ёнгкючню сатма.
- Минг тенг да азды, бир джау да кёбдю.
- Сескекли кесин билдирир.
- Алтыда кюлмеген, алтмышда кюлмез.
- Ёзденликни джайгъан – джокълукъ.
- Юй кюйдю да, кюйюз чыкъды, ортасындан тюйюш чыкъды.
- Хар зат кесини орнуна иги.
- Тешик этген тынчды, аны джамагъан къыйынды.
- Ойнай билмеген, оюн бузар.
- Аманнга алтын чыдамаз.
- Сёз сёзню айтдырыр.
- Тил – миллетни джаны.
- Ариу сёзде ауруу джокъ.
- Эл ауузу – элия.
- Ишни ахырын ойламай, аллын башлама.
- Зар адамны насыбы болмаз.
- Джылкъыдан – ат чыгъар, тукъумдан – джаш чыгъар.
- Туз, гырджын аша, тюзлюк бла джаша.
- Къонагъы джокъну – шоху джокъ.
- Къанны къан бла джуума, аманны аман бла къуума.
- Орундукъ тюбюнде атылсам да, орта джиликме, де да айлан.
- Мал тутхан – май джалар.
- Джырына кёре эжиую.
- Суу ичген шауданынга тюкюрме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72