- Байны оноуу, джарлыгъа джарамаз.
- Бек ашыкъгъан меннге джетсин, дегенди аракъы.
- Ач бёрюге мекям джокъ.
- Бир онгсуз адам адет чыгъарды, деб эштирик тюлсе.
- Къатыны харакетли болса, эри къымсыз болур.
- Ёксюзню къалачы уллу кёрюнюр.
- Эркиши – от, тиширыу – суу.
- Аман къатын сабий табса, бий болур…
- Эркишиге тары кебек танг кёрюнюр.
- Адебни адебсизден юрен.
- Аллахдан тилесенг, кёб тиле.
- Эл бла кёргенинг эрелей.
- Элни кючю – эмеген.
- Сютден ауузу кюйген, суугъа юфгюре эди.
- Атлыны ашхысы, ат тизгининден билинир
- Адамны аманы адамны бети бла ойнар.
- Ётюрюкню къуйругъу – бир тутум.
- Къуллукъчума, деб махтанма, къуллукъ – хаух джамчыды!
- Ач уят къоймаз.
- Чабакъгъа акъыл, табагъа тюшсе келеди.
- Чарсда алчыны эл кёреди.
- Уллу айтханны этмеген – уллаймаз.
- Аякъларынгы джууургъанынга кёре узат.
- Бёрю да ач къалмасын, эчки да ашалмасын.
- Джюрекге ариу – кёзге да ариу.
- Байлыкъ адамны сокъур этер.
- Ётген ёмюр – акъгъан суу.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Халкъны юйю – туугъан джери.
- Тёрени джагъы джокъ.
- Керилген да, ургъан кибикди.
- Азыгъы аз, алгъа къабар, аты аман, алгъа чабар.
- Ашха уста, юйюнде болсун
- Кийимни бир кюнню аясанг, минг кюннге джарар.
- Кесине оноу эте билмеген, халкъына да эте билмез.
- Ачыкъ джюрекге джол – ачыкъ.
- Джерни букъусу кёкге къонмаз.
- Билим насыб берир, билим джолну керир.
- Эркишини аманы тиширыуну джылатыр.
- Чакъырылмай келген къонакъ сыйланмай кетер.
- Ишни аллы бла къууанма да, арты бла къууан.
- Джарлыны эшигин махтагъан джабар.
- Уруну арты – къуру.
- Тюзню ётмеги тюзде къалса да, тас болмаз.
- Тынгылагъан тынгы бузар.
- Къалгъан ишге къар джауар.
- Тойгъанлыкъ къойгъа джарашады.
- Ышармагъан – кюлмез, кюлмеген – къууанчны билмез.
- Шапа кёб болса, аш татымсыз болур.
- Эте билген, этген этеди, эте билмеген, юретген этеди!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72