Эльбрусоид :: Форум :: Архив форумов

Кёб джат да, бек чаб.
Билмегенинги, билгеннге сор.
Окъугъан озар, окъумагъан тозар.
Нарт сёз къарт болмаз.
Ач бёрюге мекям джокъ.
Юре билмеген ит, къонакъ келтирир.
Ишлемеген – тишлемез.
Айтылгъан буйрукъ, сёгюлмез
Ашхы тенг джолгъа салыр, аман тенг джолдан тайдырыр.
Кесинг сынамагъан затны, адамгъа буюрма.
Къыйынлы джети элни къайгъысын этер.
Кютгени беш эчки, сызгъыргъаны уа, джерни джарады.
Аз айтсам, кёб ангылагъыз.
Татлы тилде – сёз ариу, чемер къолда – иш ариу.
От этилмеген джерден тютюн чыкъмайды.
Чомартны къолун джокълукъ байлар.
Эринчекге кюн узун.
Эри аманны, къатыны – аман.
Накъырданы арты керти болур.
Тойгъандан сора, ашны сёкме.
Атынг аманнга чыкъгъандан эсе, джанынг тамагъынгдан чыкъсын.
Ашхылыкъ джерде джатмайды, аманлыкъ суугъа батмайды.
Онгсузну – джакъла, тенгликни – сакъла.
Алгъанда – джууукъ, бергенде – джау.
Атлыны ашхысы, ат тизгининден билинир
Мени джылытмагъан кюн, меннге тиймесин!
Тёзгеннге, джабылгъан эшик ачылыр.
Ашда – бёрю, ишде – ёлю.
Адеб этмеген, адеб кёрмез.
Терслик кетер, тюзлюк джетер.
Чакъырылгъанны аты, чакъырылмагъанны багъасы болур.
Байлыкъ келсе, акъыл кетер.
Айран тёгюлсе, джугъусу къалыр.
Къатыны харакетли болса, эри къымсыз болур.
Эр абынмай, эл танымаз.
Кёл ашады да, кеси ашады.
Чакъырылмагъан джерге барма, чакъырылгъан джерден къалма.
Тил джюрекге джол ишлейди.
Джылар джаш, атасыны сакъалы бла ойнар.
Аман къатын алгъан, арыр, иги къатын алгъан джарыр.
Чабар ат – джетген къыз.
Кимни – тили, тиши онглу, кимни – къолу, иши онглу.
Сабий болмагъан джерде, мёлек болмаз.
Бетинги сатма, малынгы сат.
Окъдан джара эртде-кеч болса да бителир, сёз джара, ёмюрге къалыр.
Ата Джуртча джер болмаз, туугъан элча эл болмаз.
Нарт сёз – тилни бети.
Кесине гебен этелмеген, биреуге черен эте эди.
Билмейме деген – бир сёз
Тойгъан антын унутур.

Логин:
Пароль:
	Запомнить меня на этом компьютере

Забыли свой пароль?
Регистрация