- Дуния аламаты сен эсенг да, игиме деб айтма.
- Борчунг бар эсе, хурджунунга ойлаб узал.
- Миллетни бойну – базыкъ, аны бла кюрешген – джазыкъ.
- Ач къалгъандан, кеч къалгъан къолай.
- Къыйынлы джети элни къайгъысын этер.
- Тилчи тилден къаныкъмаз.
- Ойнай-ойнай кёз чыгъар.
- Уллу къашыкъ эрин джыртар.
- Ариу сёз – къылычдан джити.
- Акъыллы айтыр эди, акъылсыз къоймайды.
- Къонакъ аз олтурур, кёб сынар.
- Адамны артындан къара сабан сюрме.
- Рысхы – насыбха къор.
- Биреу къой излей, биреу той излей.
- Ашаса, ашамаса да, бёрюню ауузу – къан.
- Кёз – сюйген джерде, къол – ауругъан джерде.
- Къазанны башы ачыкъ болса, итге уят керекди.
- Къазанчы аман болса, къазаны къайнамаз.
- Къазанда болса, чолпугъа чыгъар.
- Ашхы сёз таш тешер.
- Бозанг болмагъан джерге, къалагъынгы сукъма.
- Ачны эсинде – аш.
- Келгинчи, къонакъ уялыр, келгенден сора, къонакъбай уялыр.
- Тик ёргени, тик энгишгеси да болады.
- Окъугъанны бети джарыкъ.
- Эки къатын алгъанны къулагъы тынгнгаймаз.
- Юйюнг бла джау болгъандан эсе, элинг бла джау бол.
- Чомартха хар кюн да байрамды.
- Эринчекге кюн узун.
- Керилген да, ургъан кибикди.
- Таукел къуру къалмаз.
- Экеулен сёлеше тура эселе, орталарына барыб кирме.
- Эркиши – от, тиширыу – суу.
- Сибиртки да сыйлы болду, кюрек да кюнлю болду.
- Хар зат кесини орнуна иги.
- Мураты болгъанны джюрек тебюую башхады.
- Кюн кёрмеген, кюн кёрсе, кюндюз чыракъ джандырыр.
- Къайгъы тюбю – тенгиз.
- Аз айтсам, кёб ангылагъыз.
- Ариуну – ауруу кёб.
- Ач келгенни – тойдур, кеч келгенни – къондур.
- Уллу къазанда бишген эт, чий къалмаз.
- Баргъанынга кёре болур келгенинг.
- Тюз сёз баргъан сууну тыяр.
- Тил – миллетни джаны.
- Джангыз торгъай джырламаз.
- Харам къарнашдан, халал тенг ашхы.
- Ёлюк кебинсиз къалмаз.
- Ишленмеклик адамлыкъды.
- Мени джылытмагъан кюн, меннге тиймесин!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72