- Чакъырылмагъан къонакъ тёрге атламаз.
- Ёнгкюч къууана барыр, джылай келир.
- Джырына кёре эжиую.
- Туз, гырджын аша, тюзлюк бла джаша.
- Ёлюр джаннга, ёкюл джокъ.
- Тилчи бир сагъатха айлыкъ хата этер.
- Билеги кючлю, бирни джыгъар, билими кючлю, мингни джыгъар.
- Ачыу алгъа келсе, акъыл артха къалады.
- Къаллай салам берсенг, аллай джууаб алырса.
- Таукел тауну аудурур.
- Сакъламагъан затынга джолукъсанг, не бек къууанаса, не бек ачыйса.
- Аманнга алтын чыдамаз.
- Джан саулукъ бермей, сан саулукъ бермезсе.
- Адам боллукъ, атламындан белгили болур.
- Къуллукъчума, деб махтанма, къуллукъ – хаух джамчыды!
- Аманны тукъумуна къарама, игини тукъумун сорма.
- Чомарт къолда мал къалмаз.
- Ёлмесенг да, къарт дамы болмазса?
- Джеринден айырылгъан – джети джылар, джуртундан айырылгъан – ёлгюнчю джылар.
- Юйюнгден чыкъдынг – кюнюнгден чыкъдынг.
- Ауругъан – джашаудан умутчу.
- Хар сёзню орну барды.
- Чарсда алчыны эл кёреди.
- Билим – акъылны чырагъы.
- Узун джолну барсанг, бюгюн келирсе, къысха джолну барсанг, тамбла келирсе.
- Тилде сюек болмаса да, сюек сындырыр.
- Ишленмеклик адамлыкъды.
- Айраннга суу къош, телиге джол бош.
- Уллу атлама – абынырса, уллу къабма – къарылырса.
- Эки къатын алгъан – эки ташны ортасына башын салгъан.
- Билмегенинги, билгеннге сор.
- Адамны артындан къара сабан сюрме.
- Къарнынг ауруса, ауузунгу тый
- Тамырсыз терекге таянма – джыгъылырса.
- Эркиши – от, тиширыу – суу.
- Ашхы сёз таш тешер.
- Билмейме деген – бир сёз
- Чомарт джарлы болмаз.
- Ёгюзню мюйюзлери ауурлукъ этмейдиле.
- Тюзлюк шохлукъну бегитир.
- Уллу сёлешме да, уллу къаб.
- Дуния малгъа сатылма, кесингден телиге къатылма.
- Телиге акъыл салгъандан эсе, ёлгеннге джан салырса.
- Ашыкъгъан cуу, тенгизге джетмез.
- Айранны сюйген, ийнек тутар.
- Халкъны джырын джырласанг, халкъ санга эжиу этер.
- Хунаны тюбюн къазсанг, юсюнге ауар.
- Къоркъакъны кёзю экили кёрюр.
- Этим кетсе да, сюегим къалыр.
- Мал кёб болса, джууукъ кёб болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72