- Иги адам абынса да, джангылмаз.
- Джаш къарыу бла кючлю, къарт акъыл бла кючлю.
- Итли къонакъ джарашмаз.
- Кесине оноу эте билмеген, халкъына да эте билмез.
- Кюл тюбюндеги от кёрюнмейди.
- Минг тенг да азды, бир джау да кёбдю.
- Джуртун къоругъан озар.
- Къызбайны юйюне дери сюрсенг, батыр болур.
- Ойнай билмеген, уруб къачар.
- Джылар джаш, атасыны сакъалы бла ойнар.
- Уллу къашыкъ эрин джыртар.
- Джаз бир кюнню джатсанг, къыш талай кюнню абынырса.
- Тюзлюк шохлукъну бегитир.
- Ичимден чыкъды хата, къайры барайым сата?
- Ёлген эшек бёрюден къоркъмайды.
- Бир абыннган – минг сюрюнюр.
- Чыкълы кюнде чыкъмагъан, чыкъса къуру кирмеген.
- Хар зат кесини орнуна иги.
- Кирсизни – саны таза, халалны – къаны таза.
- Къызын тута билмеген, тул этер, джашын тута билмеген, къул этер.
- Ёгюзню мюйюзюнден тутадыла, адамны сёзюнден тутадыла.
- Айырылгъанланы айю ашар, бёлюннгенлени бёрю ашар.
- Ишленмеклик адамлыкъды.
- Арба аугъандан сора, джол кёргюзтюучю кёб болур.
- Эллинг бла джау болсанг да, юйюнг бла джау болма.
- Кёб къычыргъандан – къоркъма, тынч олтургъандан – къоркъ.
- Ашарыкъда сайлагъаннга – чий гырджын.
- Джашлыкъ этмеген, башлыкъ этмез.
- Адеб джокъда, намыс джокъ.
- Ауругъан – джашаудан умутчу.
- Къая джолда джортма, ачыкъ сёзден къоркъма.
- Къарыусузгъа кюлме, онгсузгъа тийме.
- Уруну арты – къуру.
- Кёбден умут этиб, аздан къуру къалма.
- Биреуню тёрюнден, кесинги эшик артынг игиди.
- Махтаннган къыз, тойда джукълар.
- Билмезни кёзю кёрмез, этмезни къулагъы эшитмез.
- Эл тойса, тоймагъан, эл къойса, къоймагъан.
- Къан бла кирген, джан бла чыгъар.
- Ауругъанны сау билмез, ач къарынны токъ билмез.
- Туз, гырджын аша, тюзлюк бла джаша.
- Ишге юренсин къоллары, халкъ бла болсун джоллары.
- Ашхылыкъ джерде джатмайды, аманлыкъ суугъа батмайды.
- Ханы къызы буюгъа-буюгъа киштик болду.
- Чабакъсыз кёлге къармакъ салгъанлыкъгъа, чабакъ тутмазса.
- Кеси юйюмде мен да ханма.
- Айран тёгюлсе, джугъусу къалыр.
- Эринчекге кюн узун.
- Башсыз урчукъ тюзюне айланмаз.
- Тёрдеги кюлсе, эшикдеги ышарыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72