- Ишленмеген джаш – джюгенсиз ат, ишленмеген къыз – тузсуз хант.
- Билим насыб берир, билим джолну керир.
- Бюгюн дуния кибик, тамбла ахыратды.
- Таула не мийик болсала да, аууш табылыр.
- Телиге от эт десенг, юйюнге от салыр.
- Чакъырылмагъан къонакъ – орунсуз.
- Этни да ашады, бетни да ашады.
- Биреуге аманлыкъны тилеме да, кесинге ашхылыкъны тиле.
- Уллу сёлешме да, уллу къаб.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къыз тиширыу кеси юйюнде да къонакъды.
- Кёкдеги болмаса, джердегин кёрмейди.
- Нёгерсизни джолу узун.
- Аджаллыгъа окъсуз шкок атылыр.
- Уясында не кёрсе, учханында аны этер.
- Ач къарынны, токъ билмез
- Намыс сатылыб алынмайды.
- Баланы адам этген анады.
- Чабакъ башындан чирийди.
- Ариу сёз – джаннга азыкъ, аман сёз – башха къазыкъ.
- Тёрде – темир таякълы, къаяда – чыпчыкъ аякълы.
- Сёз къанатсыз учар.
- Кийим тукъум сордурур.
- Къонагъынгы артмагъын алма да, алгъышын ал.
- Чакъырылмагъан къонакъ къачан кетерин сормаз.
- Джылыгъа джылан илешир.
- Керек ташны ауурлугъу джокъ.
- Ата Джуртча джер болмаз, туугъан элча эл болмаз.
- Башы джабылгъан челекге, кир тюшмез.
- Къарт болгъан джерде, берекет болур, сабий болгъан джерде, оюн болур.
- Алтыннга тот къонмаз.
- Айырылмаз джууугъунга, унутмаз сёзню айтма.
- Бети къызарыучу адамны, джюреги харам болмаз.
- Къууут – джелге, берне – бошха.
- Дженгил джетерикме деб, узун джолну къоюб, къысхасын барма.
- Къонакъ аман болса, къонакъбай джунчур
- Терслик кетер, тюзлюк джетер.
- Ёмюрлюк шохлукъну джел элтмез.
- Ашхы адам – халкъ байлыгъы, ашхы джер – джашау байлыгъы.
- Сакъламагъан затынга джолукъсанг, не бек къууанаса, не бек ачыйса.
- Байлыкъ келсе, акъыл кетер.
- Магъанасыз сёз – тауушсуз сыбызгъы.
- Ата Джуртуму башы болмасам да, босагъасында ташы болайым.
- Азыгъы аз, алгъа къабар, аты аман, алгъа чабар.
- Алгъанда – джууукъ, бергенде – джау.
- Ётген ёмюр – акъгъан суу.
- Къазанны башы ачыкъ болса, итге уят керекди.
- Джарлы тюеге минсе да, ит къабар.
- Айранын берсенг, челегин да къызгъанма.
- Джауумдан сора, кюн кюйдюрюр, ётюрюкден сора, айыб кюйдюрюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72