- Миллетни бойну – базыкъ, аны бла кюрешген – джазыкъ.
- Ата – баланы уясы.
- Кийим тукъум сордурур.
- Арпа, будай – ащды, алтын, кюмюш а – ташды.
- Чакъырылмагъан къонакъ къачан кетерин сормаз.
- Ата Джуртун танымагъан, атасын да танымаз.
- Айраннга суу къош, телиге джол бош.
- Ашха уста, юйюнде болсун
- Сёз къанатсыз учар.
- Аджашханны ызындагъы кёреди, джангылгъанны джанындагъы биледи.
- Къуллукъчума, деб махтанма, къуллукъ – хаух джамчыды!
- Татлы тилде – сёз ариу, чемер къолда – иш ариу.
- Ач къарным, тынч къулагъым.
- Къар – келтирди, суу – элтди.
- Биреуге аманлыкъны тилеме да, кесинге ашхылыкъны тиле.
- Таукел тауну аудурур.
- Кёз – сюйген джерде, къол – ауругъан джерде.
- Аурууну келиую тынч, кетиую – къыйын.
- Уллу къазанда бишген эт, чий къалмаз.
- Тик ёргени, тик энгишгеси да болады.
- Аууз сакълагъан – джан сакълар.
- Ойнай билмеген, оюн бузар.
- Уллу суу бла уллу ауруудан башынгы сакъла.
- Бастасын ашагъан, хантусун да ичер.
- Къызын тута билмеген, тул этер, джашын тута билмеген, къул этер.
- Ёлген ийнек сютлю болур.
- Алтыда кюлмеген, алтмышда кюлмез.
- Ёзденликни джайгъан – джокълукъ.
- Билими азны – ауузунда кирит.
- Джаш къарыу бла кючлю, къарт акъыл бла кючлю.
- Рысхы – сют юсюнде кёмюк кибикди.
- Акъыллы – эл иеси, тели – эл баласы.
- Тилчи тилден къаныкъмаз.
- Кёлсюзден сёзсюз тууар.
- Кёб джат да, бек чаб.
- Сыфатында болмагъаны, суратында болмаз.
- Таш ата билмеген, башына урур.
- Акъдан къара болмаз.
- Билимли ёлмез, билимсиз кёрмез.
- Таякъ этден ётер, тил сюекден ётер.
- Аджаллыгъа окъсуз шкок атылыр.
- Билимден уллу байлыкъ джокъду.
- Тели турса – той бузар.
- Эшекге миннген – биринчи айыб, андан джыгъылгъан – экинчи айыб.
- Алтыннга тот къонмаз.
- Джыланны къуйругъундан басарынг келсе, аны башы болгъанын унутма.
- Эртде тургъан бла эртде юйленнген сокъуранмаз.
- Сакъламагъан затынга джолукъсанг, не бек къууанаса, не бек ачыйса.
- Тин – байлыгъынг, терен саулугъунг.
- Айранны сюйген, ийнек тутар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72