- Къонакъ болсанг, ийнакъ бол.
- Алим болгъандан эсе, адам болгъан къыйынды.
- Къызбайны юйюне дери сюрсенг, батыр болур.
- Алтыннга тот къонмаз.
- Къуллукъчума, деб махтанма, къуллукъ – хаух джамчыды!
- Адамны артындан къара сабан сюрме.
- Къумурсхала джыйылсала, пилни да джыгъадыла.
- Азыгъы аз, алгъа къабар, аты аман, алгъа чабар.
- Адебсиз адам – джюгенсиз ат.
- Къыз чыгъаргъан – къызыл къымжа.
- Нафысынгы айтханын этме, намысынгы айтханын эт.
- Иги адам абынса да, джангылмаз.
- Мал ёлсе, сюек къалыр, адам ёлсе, иши къалыр.
- Джигер – джаннга къыйынлыкъ.
- Аманнга да, игиге да оноусуз къатышма.
- Байлыкъ тауусулур, билим тауусулмаз.
- Шапа кёб болса, аш татымсыз болур.
- Тюзню ётмеги тюзде къалса да, тас болмаз.
- Къыз тиширыу кеси юйюнде да къонакъды.
- Кёбге таш атма.
- Джашлыкъ этмеген, башлыкъ этмез.
- Борчунг бар эсе, хурджунунга ойлаб узал.
- Эте билген, этген этеди, эте билмеген, юретген этеди!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къуру гыбыт бек дыгъырдар.
- Юйлю уругъа ит чабмаз.
- Кюлме джашха – келир башха.
- Джашны джигитлиги сорулур, къызны джигерлиги сорулур.
- Иги сеники эсе да, сюйген кесимикин этеме.
- Агъач – джерни чырайы, кийим – эрни чырайы.
- Къарнынг къанлынга кийирир.
- Акъыл бла адеб эгизледиле.
- Бек ашыкъгъан меннге джетсин, дегенди аракъы.
- Тамчы таш тешер.
- Эл элде бирер малынг болгъандан эсе, бирер тенгинг болсун.
- Ханы къызы буюгъа-буюгъа киштик болду.
- Кёлсюзден сёзсюз тууар.
- Джерни букъусу кёкге къонмаз.
- Аманны эки битли тону болур, бирин сеннге кийдирир, бирин кеси киер.
- Оюмсуз атлагъан, аджалсыз ёлюр.
- Ауузу бла къуш тута айланады.
- Элиб деген, элге болушур.
- Ариуну – ауруу кёб.
- Ашатыргъа иш – ашхы, ишлетирге аш – ашхы.
- Аякъларынгы джууургъанынга кёре узат.
- Кёб къычыргъандан – къоркъма, тынч олтургъандан – къоркъ.
- Бет бетге къараса, бет да джерге къарар.
- Тура эдим джата, къайдан чыкъды хата?
- Тешик этген тынчды, аны джамагъан къыйынды.
- Ётюрюкчюню шагъаты – къатында.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72