- Ана кёлю – балада, бала кёлю – талада.
- Ойнаб айтсанг да, эслеб айт.
- Аш берме да, къаш бер.
- Эринчекге кюн узун.
- Дуния малгъа сатылма, кесингден телиге къатылма.
- Тюзню ётмеги тюзде къалса да, тас болмаз.
- Къоркъакъны кёзю экили кёрюр.
- Аманны эки битли тону болур, бирин сеннге кийдирир, бирин кеси киер.
- Телини эшигин, махтау джабар.
- Таш ата билмеген, башына урур.
- Джыйырма къойну юч джыйырма эбзе кюте эди.
- Зар адамны насыбы болмаз.
- Эркишини аманы тиширыуну джылатыр.
- Этим кетсе да, сюегим къалыр.
- Сёз къанатсыз учар.
- Арба аугъандан сора, джол кёргюзтюучю кёб болур.
- Намыс болмагъан джерде, насыб болмаз.
- Хаухну атма, ёнгкючню сатма.
- Тас болгъан бычакъны сабы – алтын.
- Айырылгъанланы айю ашар, бёлюннгенлени бёрю ашар.
- Башы джабылгъан челекге, кир тюшмез.
- Ашатыргъа иш – ашхы, ишлетирге аш – ашхы.
- Керилген да, ургъан кибикди.
- Эки къатын алгъанны къулагъы тынгнгаймаз.
- Ач келгенни – тойдур, кеч келгенни – къондур.
- Асхат ашлыкъ сата, юйдегиси ачдан къата.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Акъыл бла адеб эгизледиле.
- Ашхы тенг джолгъа салыр, аман тенг джолдан тайдырыр.
- Ишни аллы бла къууанма да, арты бла къууан.
- Аурууну келиую тынч, кетиую – къыйын.
- Джаралыны джастыгъында сау ёлюр.
- Юйюнг бла джау болгъандан эсе, элинг бла джау бол.
- Ач, тоймам, дейди, тойгъан, ач болмам, дейди.
- Садакъачыны джаны – къапчыгъында.
- Къарнынг тойгъунчу аша да, белинг талгъынчы ишле.
- Эм уллу байлыкъ – джан саулукъ.
- Огъурлуну сёзю – суу, огъурсузну сёзю – уу.
- Джаз бир кюнню джатсанг, къыш талай кюнню абынырса.
- Уллу къазанда бишген эт, чий къалмаз.
- Айранны сюйген, ийнек тутар.
- Мураты болгъанны джюрек тебюую башхады.
- Адамны джюреги нени кёрюрге сюйсе, кёзю да аны кёрюрге ёч болады.
- Сакъалы текени да бар, мыйыгъы киштикни да бар.
- Кёз – сюйген джерде, къол – ауругъан джерде.
- Ашыкъгъан cуу, тенгизге джетмез.
- Ашына кёре табагъы, балына кёре къалагъы.
- Сёз – кюмюш, джыр – алтын.
- Агъач халкъгъа алтынды, иссиликге салкъынды.
- Айтханы чапыракъдан ётмеген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72