- Байлыкъ тауусулур, билим тауусулмаз.
- Билгенни къолу къарны джандырыр.
- Кенгеш болса, уруш болмаз.
- Башсыз урчукъ тюзюне айланмаз.
- Тыш элде солтан болгъандан эсе, кесинги элде олтан болгъан игиди!
- Кесинге джетмегенни, кёб сёлешме.
- Кирсизни – саны таза, халалны – къаны таза.
- Ата – баланы уясы.
- Эр абынмай, эл танымаз.
- Ашхы сёз таш тешер.
- Ач къарным, тынч къулагъым.
- Мал ёлсе, сюек къалыр, адам ёлсе, иши къалыр.
- Азыкълы ат арымаз, къатыны аман джарымаз.
- Ачлыкъ отха секиртир.
- Сакъ юйюне сау барыр.
- Насыблы элин сюер, насыбсыз кесин сюер.
- Ауругъан – джашаудан умутчу.
- Ашын ашагъанынгы, башын да сыйла.
- Кёлсюзден сёзсюз тууар.
- Адебсиз адам – джюгенсиз ат.
- Ойнаб айтсанг да, эслеб айт.
- Къанны къан бла джуума, аманны аман бла къуума.
- Ёксюзню тилеги къабыл болур.
- Эм уллу байлыкъ – джан саулукъ.
- Билимден уллу байлыкъ джокъду.
- Тёзгеннге, джабылгъан эшик ачылыр.
- Кийимни бир кюнню аясанг, минг кюннге джарар.
- Эртде тургъан бла эртде юйленнген сокъуранмаз.
- Башланнган иш битер, къымылдагъан тиш тюшер.
- Чомарт бергенин айтмаз.
- Кёзню ачылгъаны – иги, ауузну джабылгъаны – иги.
- Джангызны оту джарыкъ джанмаз!
- Къызын тута билмеген, тул этер, джашын тута билмеген, къул этер.
- Уллу къазанда бишген эт, чий къалмаз.
- Ашхылыкъ джерде джатмайды, аманлыкъ суугъа батмайды.
- Айраннга суу къош, телиге джол бош.
- Гугук кесини атын айтыб къычыргъанча, мен, мен деб нек тураса?
- Аз сёлешген, къайгъысыз турур.
- Къартны бурнун сюрт да, оноугъа тут.
- Терек ауса, отунчу – кёб.
- Сангырау къулакъ эл бузар.
- Чомарт джарлы болмаз.
- Джукъу тёшек сайламайды.
- Хаухну атма, ёнгкючню сатма.
- Ашарыкъда сайлагъаннга – чий гырджын.
- Къаллай салам берсенг, аллай джууаб алырса.
- Дуния аламаты сен эсенг да, игиме деб айтма.
- Орундукъ тюбюнде атылсам да, орта джиликме, де да айлан.
- Айтхан – тынч, этген – къыйын.
- Экеулен сёлеше тура эселе, орталарына барыб кирме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72