Эльбрусоид :: Форум :: Архив форумов

Аз айтсам, кёб ангылагъыз.
Адам къаллай бир ишленмесе, аллай бир кесин уллу кёреди.
Чарсда алчыны эл кёреди.
Чакъырылмагъан къонакъ тёрге атламаз.
Иги сёз – джаннга азыкъ, аман сёз башха – къазыкъ.
Айран тёгюлсе, джугъусу къалыр.
Бир онгсуз адам адет чыгъарды, деб эштирик тюлсе.
Тил бла келеди джыр да.
Адам сёзге тынгыла, акъыл сёзню ангыла.
Хата – гитчеден.
Сыфатында болмагъаны, суратында болмаз.
Адамны аманы адамны бети бла ойнар.
Нарт сёз къарт болмаз.
Джангызны оту джарыкъ джанмаз!
Малны кют, джерни тюрт.
Акъыллы – эл иеси, тели – эл баласы.
От этилмеген джерден тютюн чыкъмайды.
Ойнай билмеген, оюн бузар.
Ишлегенден, къарагъан уста.
Биреу къой излей, биреу той излей.
Экеу тутушса, биреу джыгъылыр.
Ачны эсинде – аш.
Мени джылытмагъан кюн, меннге тиймесин!
Ашхы адам – халкъ байлыгъы, ашхы джер – джашау байлыгъы.
Ауузу аманнга «иги», деме.
Накъырданы арты керти болур.
Мураты болгъанны джюрек тебюую башхады.
Джерни букъусу кёкге къонмаз.
Эшекге миннген – биринчи айыб, андан джыгъылгъан – экинчи айыб.
Тамырсыз терекге таянма – джыгъылырса.
Аманны тукъумуна къарама, игини тукъумун сорма.
Къанны къан бла джуума, аманны аман бла къуума.
Ариу джол аджал келтирмез.
Къонагъы джокъну – шоху джокъ.
Бал чибинни ургъаны – ачы, балы – татлы.
Тиширыусуз юй – отсуз от джагъа.
Баш – акъыл ючюн, акъылман – халкъ ючюн.
Тура эдим джата, къайдан чыкъды хата?
Тюзню ётмеги тюзде къалса да, тас болмаз.
Сютню башын джалагъан къутулур, тюбюн ичген тутулур.
Тойгъан антын унутур.
Кенгеш болса, уруш болмаз.
Окъдан джара эртде-кеч болса да бителир, сёз джара, ёмюрге къалыр.
Къолунгдан къуймакъ ашатсанг да, атаны борчундан къутулмазса.
Эртде тургъан джылкъычыны эркек аты тай табар.
Билим ат болуб да чабар, къуш болуб да учар.
Кийим тукъум сордурур.
Къатын къылыкъсыз, эр тынчлыкъсыз.
Хар адамгъа кеси миннген тау кибик.
Хар зат кесини орнуна иги.

Логин:
Пароль:
	Запомнить меня на этом компьютере

Забыли свой пароль?
Регистрация