- Уллу сёлешме да, уллу къаб.
- Адам къаллай бир ишленмесе, аллай бир кесин уллу кёреди.
- Тюкюрюк баш джармаз, налат кёз чыгъармаз!
- Окъдан джара эртде-кеч болса да бителир, сёз джара, ёмюрге къалыр.
- Кёбню кёрген – кёб билир.
- Иги адам абынса да, джангылмаз.
- Джюрекге ариу – кёзге да ариу.
- Ашыкъгъанны этеги бутуна чырмалыр.
- Экеу тутушса, биреу джыгъылыр.
- Алгъанда – джууукъ, бергенде – джау.
- Къолунгдан къуймакъ ашатсанг да, атаны борчундан къутулмазса.
- Къарт бла баш аша, джаш бла аякъ аша.
- Джарлыны эшигин махтагъан джабар.
- Ашына кёре табагъы, балына кёре къалагъы.
- Ариу сёз – джаннга азыкъ, аман сёз – башха къазыкъ.
- Кёб къычыргъандан – къоркъма, тынч олтургъандан – къоркъ.
- Бет бетге къараса, бет да джерге къарар.
- Ханнга да келеди хариблик.
- Билимден уллу байлыкъ джокъду.
- Джукъу тёшек сайламайды.
- Къан бла кирген, джан бла чыгъар.
- Баланы адам этген анады.
- Джан саулукъ бермей, сан саулукъ бермезсе.
- Бети бедерден, намыс сакълама.
- Аман адамны тепсинге олтуртсанг, къызынгы тилер.
- Ауругъанны сау билмез, ач къарынны токъ билмез.
- Таукел адам тау тешер.
- Ётюрюкню къуйругъу – бир тутум.
- Аллахдан тилесенг, кёб тиле.
- Ашаса, ашамаса да, бёрюню ауузу – къан.
- Ишни аллы бла къууанма да, арты бла къууан.
- Ашха уста, юйюнде болсун
- Кёз – сюйген джерде, къол – ауругъан джерде.
- Битмегеннге сакъал – танг.
- Этек чакъмакълары баш джаргъан, сёлешген сёзлери таш джаргъан.
- Халкъны джырын джырласанг, халкъ санга эжиу этер.
- Арбаз къынгырды да, ийнек сауалмайма.
- Кёлю джокъну – джолу джокъ.
- Хантына кёре тузу, юйюне кёре къызы.
- Къыйынлы джети элни къайгъысын этер.
- Ариу сёзде ауруу джокъ.
- Къайтырыкъ эшигинги, къаты уруб чыкъма.
- Тас болгъан бычакъны сабы – алтын.
- Мураты болгъанны джюрек тебюую башхады.
- Юре билмеген ит, къонакъ келтирир.
- Эл элде бирер малынг болгъандан эсе, бирер тенгинг болсун.
- Кесинг сынамагъан затны, адамгъа буюрма.
- Тили узунну, намысы – къысха.
- Ёлмесенг да, къарт дамы болмазса?
- Сёз сёзню айтдырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72