- Чомартха хар кюн да байрамды.
- Уллу къашыкъ эрин джыртар.
- Къарт айтханны этмеген, къартаймаз.
- Эртде тургъан джылкъычыны эркек аты тай табар.
- Айранын берсенг, челегин да къызгъанма.
- Эри аманны, къатыны – аман.
- Сууда джау джокъ, кёб сёзде магъана джокъ.
- Ышармагъан – кюлмез, кюлмеген – къууанчны билмез.
- Кёрмегеннге кебек – танг, битмегеннге сакъал – танг.
- Харам къарнашдан, халал тенг ашхы.
- Тойгъа барсанг, тоюб бар, эски тонунгу къоюб бар.
- Эл элде бирер малынг болгъандан эсе, бирер тенгинг болсун.
- Хар ишни да аллы къыйынды.
- Сёз садакъдан кючлюдю.
- Нафысынгы айтханын этме, намысынгы айтханын эт.
- Сютден ауузу кюйген, суугъа юфгюре эди.
- Адебсиз адам – джюгенсиз ат.
- Кёб джат да, бек чаб.
- Ата – билек, ана – джюрек!
- Кёзю сокъурдан – къоркъма, кёлю сокъурдан – къоркъ.
- Ишге юренсин къоллары, халкъ бла болсун джоллары.
- Айран ичген – къутулду, джугъусун джалагъан – тутулду.
- Агъач – джерни чырайы, кийим – эрни чырайы.
- Окъуу – билимни ачхычы, окъуу – дунияны бачхычы.
- Ёлген аслан – сау чычхан.
- Келинни – келгинчи, бёркню кийгинчи кёр.
- Тамырсыз терекге таянма – джыгъылырса.
- Джюрекге ариу – кёзге да ариу.
- Биреуню эскиси биреуге джангы болмайды.
- Акъылсызны джууукъгъа алма, акъыллыны кенгнге салма.
- Джырына кёре эжиую.
- Ханы къызы буюгъа-буюгъа киштик болду.
- Насыб бютеу халкъны юлюшюдю.
- Эл ауузу – элек, анга ийнаннган – халек.
- Миллетни бойну – базыкъ, аны бла кюрешген – джазыкъ.
- Экиндини кеч къылсанг, чабыб джетер ашхам.
- Ач къарным, тынч къулагъым.
- Къарыусузгъа кюлме, онгсузгъа тийме.
- Къонакъ хазыр болгъанлыкъгъа, къонакъбай хазыр тюлдю.
- Кёб къычыргъандан – къоркъма, тынч олтургъандан – къоркъ.
- Сакъалы текени да бар, мыйыгъы киштикни да бар.
- Билимсиз иш бармаз.
- Терслик кетер, тюзлюк джетер.
- Кёл ашады да, кеси ашады.
- Чомартха Тейри да борчлуду.
- Ёнгкюч къууана барыр, джылай келир.
- Зарда марда джокъ.
- Агъач халкъгъа алтынды, иссиликге салкъынды.
- Этни да ашады, бетни да ашады.
- Аз айтсам, кёб ангылагъыз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72