- Тил – кесген бычакъ, сёз – атылгъан окъ.
- Билимсиз иш бармаз.
- Азыкъ аз болса, эртде орун сал.
- Джаз бир кюнню джатсанг, къыш талай кюнню абынырса.
- Тюзлюк тас болмайды.
- Этим кетсе да, сюегим къалыр.
- Бети – къучакълар, джюреги – бычакълар.
- Эки къатын алгъанны къулагъы тынгнгаймаз.
- Билмейме деген – бир сёз
- Джолда аягъынга сакъ бол, ушакъда тилинге сакъ бол.
- Къонагъы джокъну – шоху джокъ.
- Эшекни не къадар тюйсенг да, ат болмаз.
- Таукелге нюр джауар.
- Абынмазлыкъ аякъ джокъ, джангылмазлыкъ джаякъ джокъ.
- Биреуню тёрюнден, кесинги эшик артынг игиди.
- Элде адам къалмаса, ит тахтагъа минер.
- Айранын берсенг, челегин да къызгъанма.
- Уллу къашыкъ эрин джыртар.
- Битмегеннге сакъал – танг.
- Терслик кетер, тюзлюк джетер.
- Таш ата билмеген, башына урур.
- Чакъырылмагъан къонакъ тёрге атламаз.
- Кёлю джокъну – джолу джокъ.
- Къатын байлыкъны сюер, эр саулукъну сюер.
- Къонакъны къачан кетерин сорма, къачан келлигин сор.
- Джигер – джаннга къыйынлыкъ.
- Джашынгы кесинг юретмесенг, джашау юретир.
- Ана къолу ачытмаз.
- Джангыз торгъай джырламаз.
- Къыз келсе, джумуш эте келеди, къатын келсе, ушакъ эте келеди.
- Чабакъгъа акъыл, табагъа тюшсе келеди.
- Аманны къуугъан, аманлыкъ табар.
- Бойнуму джети джерден кессенг да, мен ол ишни этеллик тюлме.
- Дуния мал дунияда къалады.
- Суу ичген шауданынга тюкюрме.
- Атадан ёксюз – бир ёксюз, анадан ёксюз – эки ёксюз.
- Арбаз сайлама да, хоншу сайла.
- Акъыл сабырлыкъ берир.
- Адеб этмеген, адеб кёрмез.
- Къолу уллу – асыу, аягъы уллу – джарсыу.
- Къарын къуру болса, джюрек уру болур.
- Тюкюрюк баш джармаз, налат кёз чыгъармаз!
- Ариу джол аджал келтирмез.
- Татлы сёз – балдан татлы.
- Тил бла келеди джыр да.
- Ана кёлю – балада, бала кёлю – талада.
- Чомартны къолун джокълукъ байлар.
- Магъанасыз сёз – тауушсуз сыбызгъы.
- Эл тойса, тоймагъан, эл къойса, къоймагъан.
- Джыйырма къойну юч джыйырма эбзе кюте эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72