- Мадар болса, къадар болур.
- Уллу суу бла уллу ауруудан башынгы сакъла.
- Чабакъсыз кёлге къармакъ салгъанлыкъгъа, чабакъ тутмазса.
- Кийимни бир кюнню аясанг, минг кюннге джарар.
- Башынга джетмегенни сорма.
- Къарнынг тойгъунчу аша да, белинг талгъынчы ишле.
- Ётюрюкден тюбю джокъ, кёлтюрюрге джиби джокъ.
- Аманны къуугъан, аманлыкъ табар.
- Тил – кесген бычакъ, сёз – атылгъан окъ.
- Ишлегенден, къарагъан уста.
- Ашын ашагъанынгы, башын да сыйла.
- Тилчи бир сагъатха айлыкъ хата этер.
- Чоюнну башы ачыкъ болса, итге уят керекди.
- Ач къарынны, токъ билмез
- Тёрдеги кюлсе, эшикдеги ышарыр.
- Айыбны суу бла джууалмазса.
- Таукел тауну аудурур.
- Аз сёлеш, кёб ишле.
- Ёзденликни кёбю ётюрюк.
- Эки ойлашыб, бир сёлешген.
- Адам къаллай бир ишленмесе, аллай бир кесин уллу кёреди.
- Соргъан айыб тюлдю, билмеген айыбды.
- Окъуу – билимни ачхычы, окъуу – дунияны бачхычы.
- Хар адамгъа кеси миннген тау кибик.
- Джолда аягъынга сакъ бол, ушакъда тилинге сакъ бол.
- Аманнга игилик этсенг, юйюнге сау бармазса.
- Эм ашхы къайын ана мамукъ бла башынгы тешер.
- Ауурну тюбю бла, дженгилни башы бла джюрюген.
- Келинин тута билмеген, къул этер, къызын тута билмеген, тул этер.
- Эллинг бла джау болсанг да, юйюнг бла джау болма.
- Ат да турмайды бир териде.
- Къайтырыкъ эшигинги, къаты уруб чыкъма.
- Миллетни бойну – базыкъ, аны бла кюрешген – джазыкъ.
- Сёз садакъдан кючлюдю.
- Чомартха хар кюн да байрамды.
- Зар адамны насыбы болмаз.
- Нафысынгы айтханын этме, намысынгы айтханын эт.
- Чакъырылмагъан къонакъ къачан кетерин сормаз.
- Аманнга да, игиге да оноусуз къатышма.
- Къалгъан ишге къар джауар.
- Къартха ушагъан джаш – акъыллы, джашха ушагъан къарт – тели.
- Тели турса – той бузар.
- Ётюрюкню башын керти кесер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тойгъан джерден туугъан джер игиди.
- Алма терегинден кери кетмез.
- Орну джокъну – сыйы джокъ.
- Къызны минг тилер, бир алыр.
- Адеб этмеген, адеб кёрмез.
- Бет бетге къараса, бет да джерге къарар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72