- Аджашхан тёгерек айланыр.
- Билмезни кёзю кёрмез, этмезни къулагъы эшитмез.
- Чомартха хар кюн да байрамды.
- Насыб бютеу халкъны юлюшюдю.
- Уллу суу бла уллу ауруудан башынгы сакъла.
- От кюйдюрген, сау болса да, тот кюйдюрген, сау болмаз.
- Джахил болса анасы, не билликди баласы?
- Сыфатында болмагъаны, суратында болмаз.
- Джан саулукъ бермей, сан саулукъ бермезсе.
- Эл ауузу – элек, анга ийнаннган – халек.
- Окъугъан озар, окъумагъан тозар.
- Ашхы болсанг, атынг чыгъар, аман болсанг, джанынг чыгъар.
- Айтхан – тынч, этген – къыйын.
- Тамбла алтындан бюгюн багъыр ашхы.
- Алим болгъандан эсе, адам болгъан къыйынды.
- Хантына кёре тузу, юйюне кёре къызы.
- Биреуню тёрюнден, кесинги эшик артынг игиди.
- Окъуу – билимни ачхычы, окъуу – дунияны бачхычы.
- Кёбню кёрген – кёб билир.
- Адамны артындан къара сабан сюрме.
- Алма терегинден кери кетмез.
- Биреуге кёлтюрген таягъынг, кесинги башынга урур.
- Берекет берсин деген джерде, берекет болур.
- Ариу сёзде ауруу джокъ.
- Тил – миллетни джаны.
- Иги адам абынса да, джангылмаз.
- Экеулен сёлеше тура эселе, орталарына барыб кирме.
- Сёлеш деб шай берген, тохта деб, сом берген.
- Рысхы джалгъанды: келген да этер, кетген да этер.
- Телини эшигин, махтау джабар.
- Джарлыны тону джаз битер.
- Баш – акъыл ючюн, акъылман – халкъ ючюн.
- Керек ташны ауурлугъу джокъ.
- Ата Джуртча джер болмаз, туугъан элча эл болмаз.
- Къатыны харакетли болса, эри къымсыз болур.
- Къыз чыгъаргъан – къызыл къымжа.
- Уллу сёлешме да, уллу къаб.
- Юйюнг бла джау болгъандан эсе, элинг бла джау бол.
- Кюлме джашха – келир башха.
- Джукъу тёшек сайламайды.
- Тюкюрюк баш джармаз, налат кёз чыгъармаз!
- Сабыр джетер муратха, сабырсыз къалыр уятха.
- Элиб деген, элге болушур.
- Ойнай билмеген, оюн бузар.
- Къоркъакъны кёзю экили кёрюр.
- Намысы джокъну – дуниясы джокъ.
- Бозанг болмагъан джерге, къалагъынгы сукъма.
- Таш бла ургъанны, аш бла ур.
- Онгсузну – джакъла, тенгликни – сакъла.
- Аш берме да, къаш бер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72