- Хар адамгъа кеси миннген тау кибик.
- Абынмазлыкъ аякъ джокъ, джангылмазлыкъ джаякъ джокъ.
- Джарлы эскисин джамаса, къууаныр.
- Аллахдан тилесенг, кёб тиле.
- Айтылгъан сёз ызына къайтмаз.
- «Ма», - дегенни билмесенг, «бер», - дегенни билмезсе.
- Шайтан алдады, тюзлюк къаргъады.
- Соргъан айыб тюлдю, билмеген айыбды.
- Ачны эсинде – аш.
- Аманнга алтын чыдамаз.
- Акъыл бла адеб эгизледиле.
- Адамны сабийин сюйген джюреги, бычакъча, джитиди.
- Джол бла сёзню къыйыры джокъ.
- Тамчы таш тешер.
- Уллу сёлешме да, уллу къаб.
- Ана – юйню кюн джарыгъы.
- Джарашыу сюйген – джалынчакъ.
- Орну джокъну – сыйы джокъ.
- Биреу къой излей, биреу той излей.
- Ичимден чыкъды хата, къайры барайым сата?
- Кютгени беш эчки, сызгъыргъаны уа, джерни джарады.
- Аш хазыр болса, иш харам болур.
- Адамны аты башхача, акъылы да башхады.
- Уруну арты – къуру.
- Хунаны тюбюн къазсанг, юсюнге ауар.
- Кийимни бичсенг, кенг бич, тар этген къыйын тюлдю.
- Къууут – джелге, берне – бошха.
- Ишлегенде эринме, ишде чолакъ кёрюнме.
- Ашхы адам – халкъ байлыгъы, ашхы джер – джашау байлыгъы.
- Ауругъан – джашаудан умутчу.
- Ёлген аслан – сау чычхан.
- Сыфатында болмагъаны, суратында болмаз.
- Джахил болса анасы, не билликди баласы?
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сёз сёзню айтдырыр.
- Тойгъан джерге джети къайт.
- Чакъырылмагъан джерге барма, чакъырылгъан джерден къалма.
- Эл тойса, тоймагъан, эл къойса, къоймагъан.
- Алма терегинден кери кетмез.
- Нёгерсизни джолу узун.
- Къонагъы джокъну – шоху джокъ.
- Элге къуллукъ этмеген, элге ие болмаз.
- Къазанчы аман болса, къазаны къайнамаз.
- Ашхылыкъ джерде джатмайды, аманлыкъ суугъа батмайды.
- Сёз – кюмюш, джыр – алтын.
- Урунуу – насыбны анасы.
- Кюл тюбюндеги от кёрюнмейди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Келгинчи, къонакъ уялыр, келгенден сора, къонакъбай уялыр.
- Уллу сёзде уят джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72