- Тойгъандан сора, ашны сёкме.
- Къартны бурнун сюрт да, оноугъа тут.
- Насыб бютеу халкъны юлюшюдю.
- Махтаннган къыз, тойда джукълар.
- Акъыл бла адеб эгизледиле.
- Мен да «сен», дейме, сен да «кесим», дейсе.
- Кёб ант этген, кёб ётюрюк айтыр.
- Бети къызарыучу адамны, джюреги харам болмаз.
- Хазыр ашха – терен къашыкъ.
- Ауругъанны сау билмез, ач къарынны токъ билмез.
- Къаллай салам берсенг, аллай джууаб алырса.
- Азыкъ аз болса, эртде орун сал.
- Ёлюр джаннга, ёкюл джокъ.
- Юй кюйдю да, кюйюз чыкъды, ортасындан тюйюш чыкъды.
- Акъылсызны джууукъгъа алма, акъыллыны кенгнге салма.
- Мени джылытмагъан кюн, меннге тиймесин!
- Джашда акъыл джокъ, къартда къарыу джокъ.
- Иги джашны ышаны – аз сёлешиб, кёб тынгылар.
- Ач къарным, тынч къулагъым.
- Нёгерсизни джолу узун.
- Джырына кёре эжиую.
- Аллахдан тилесенг, кёб тиле.
- Иги сёз – джаннга азыкъ, аман сёз башха – къазыкъ.
- Рысхысына кёре, джаш ёсер, къышлыгъына кёре, мал ёсер.
- Къызын тута билмеген, тул этер, джашын тута билмеген, къул этер.
- Кёз – сюйген джерде, къол – ауругъан джерде.
- Намысы джокъну – дуниясы джокъ.
- Элде адам къалмаса, ит тахтагъа минер.
- Рысхы – сют юсюнде кёмюк кибикди.
- Харам къарнашдан, халал тенг ашхы.
- Тыш элде солтан болгъандан эсе, кесинги элде олтан болгъан игиди!
- Иги болса, тамадама – махтау, аман болса, меннге – айыб.
- Билим насыб берир, билим джолну керир.
- Экиндини кеч къылсанг, чабыб джетер ашхам.
- Тилчи бир сагъатха айлыкъ хата этер.
- Джангыз терек къынгыр ёсер.
- Ашлыкъ – бюртюкден, джюн – тюкден.
- Таукелге нюр джауар.
- Тил бла келеди джыр да.
- Джашны джигитлиги сорулур, къызны джигерлиги сорулур.
- Хата – гитчеден.
- Хунаны тюбюн къазсанг, юсюнге ауар.
- Чакъырылмагъан джерге барма, чакъырылгъан джерден къалма.
- Ана къойну – балагъа джандет.
- Рысхы джалгъанды: келген да этер, кетген да этер.
- Сабий болмагъан джерде, мёлек болмаз.
- Дууулдаса – бал чибин, къонса – къара чибин.
- Ариу джол аджал келтирмез.
- Эки итни арасына сюек атма, эки адамны арасында сёз чыгъарма.
- Ким бла джюрюсенг, аны кёзю бла кёрюнюрсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72