- Кёб джашагъан – кёб билир.
- Эки къатын алгъанны къулагъы тынгнгаймаз.
- Аманны эки битли тону болур, бирин сеннге кийдирир, бирин кеси киер.
- Къыйынлы джети элге оноу этер.
- Кёбню кёрген – кёб билир.
- Гыдай эчки суугъа къараб, мюйюзле кёрмесе, джашма алкъын, дегенди.
- Ариу сёзде ауруу джокъ.
- Джыгъылгъанны сырты джерден тоймаз.
- Ариу сёз – джаннга азыкъ, аман сёз – башха къазыкъ.
- Суугъа – таянма, джаугъа – ийнанма.
- Эринчекни аурууу – кёб.
- Къонакъ кёб келюучю юйню, къазаны отдан тюшмез.
- Башы ишлегенни, ауузу да ишлер.
- Тилчи бир сагъатха айлыкъ хата этер.
- Адеб джокъда, намыс джокъ.
- Кёб ант этген, кёб ётюрюк айтыр.
- Сёлеш деб шай берген, тохта деб, сом берген.
- Мен да «сен», дейме, сен да «кесим», дейсе.
- Кийим тукъум сордурур.
- Джарлы джети элни сёзюн этер.
- Къызын тута билмеген, тул этер, джашын тута билмеген, къул этер.
- Дуния аламаты сен эсенг да, игиме деб айтма.
- Татлы тилде – сёз ариу, чемер къолда – иш ариу.
- Айтхан – тынч, этген – къыйын.
- Насыб бютеу халкъны юлюшюдю.
- Ёгюзню мюйюзюнден тутадыла, адамны сёзюнден тутадыла.
- Джангыз торгъай джырламаз.
- Миллетни бойну – базыкъ, аны бла кюрешген – джазыкъ.
- Ауругъанны сау билмез, ач къарынны токъ билмез.
- Таукел адам тау тешер.
- Малны кют, джерни тюрт.
- Илму – джашауну джолу.
- Ауругъан – джашаудан умутчу.
- Айныгъанлы алты кюн, тогъайгъанлы тогъуз кюн.
- Айырылмаз джууугъунга, унутмаз сёзню айтма.
- Таякъ этден ётер, тил сюекден ётер.
- Сагъышы джокъ – джукъучу, акъылы джокъ – къаугъачы.
- Джигер – джаннга къыйынлыкъ.
- Бюгюн дуния кибик, тамбла ахыратды.
- Тамчы таш тешер.
- Биреуге кёлтюрген таягъынг, кесинги башынга урур.
- Aдам боллукъ, сыфатындан белгили.
- Терек ауса, отунчу – кёб.
- Ач бёрюге мекям джокъ.
- Аджашханны ызындагъы кёреди, джангылгъанны джанындагъы биледи.
- Чалманны аллы къалай башланса, арты да алай барады.
- Келлик заман – къартлыкъ келтирир, кетген заман – джашлыкъ ёлтюрюр.
- Борчунг бар эсе, хурджунунга ойлаб узал.
- Огъурлуну сёзю – суу, огъурсузну сёзю – уу.
- Тюкюрюк баш джармаз, налат кёз чыгъармаз!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72