- Ишни аллы бла къууанма да, арты бла къууан.
- Эски джаугъа ышанма.
- Къартны сыйын кёрмеген, къартлыгъында сыйлы болмаз.
- Иги болса, тамадама – махтау, аман болса, меннге – айыб.
- Ургъан суудан башынгы сакъла.
- Сабий болмагъан джерде, мёлек болмаз.
- Мал ёлсе, сюек къалыр, адам ёлсе, иши къалыр.
- Кёлю джокъну – джолу джокъ.
- Азыкълы ат арымаз, къатыны аман джарымаз.
- Ач да бол, токъ да бол – намысынга бек бол.
- Бал – татлы, балдан да бала – татлы.
- Ач отунчуну ачыуу – бурнунда.
- Чакъырылмай келген къонакъ сыйланмай кетер.
- Джаным-тиним – окъуу, билим.
- Аз сёлеш, кёб ишле.
- Билим насыб берир, билим джолну керир.
- Ойнай билмеген, оюн бузар.
- Тёгюлген тюгел джыйылмайды.
- Болджал ишни бёрю ашар.
- Ётюрюкден тюбю джокъ, кёлтюрюрге джиби джокъ.
- Кёзюнде тереги болгъан, чёбю болгъаннга кюле эди.
- Ёпкелегенни ашы татлы болады.
- Телини эшигин, махтау джабар.
- Тенги кёбню джау алмаз, акъылы кёбню дау алмаз.
- Джыланны къуйругъундан басарынг келсе, аны башы болгъанын унутма.
- Ачыкъ джюрекге джол – ачыкъ.
- Азыкъ аз болса, эртде орун сал.
- Аджалсыз ёлюм болмаз.
- Къарнынг ауруса, ауузунгу тый
- Ашлыкъны арба юйге келтирир, чана базаргъа элтир.
- Ариуну – ауруу кёб.
- Джырчы джырчыгъа – къарнаш.
- Элиб деген, элге болушур.
- Тюзлюк тас болмайды.
- Тешигини къатында, чычхан да батыр болур.
- Чомартха Тейри да борчлуду.
- Тойгъа барсанг, тоюб бар, эски тонунгу къоюб бар.
- Ёлген эшек бёрюден къоркъмайды.
- Байма, деб да, къууанма, джарлыма, деб да, джылама.
- Акъыл неден да кючлюдю.
- Билмезни кёзю кёрмез, этмезни къулагъы эшитмез.
- Азыгъы аз, алгъа къабар, аты аман, алгъа чабар.
- Кёзден кетген, кёлден да кетеди.
- Ётюрюк хапар аякъ тюбю бла джюрюйдю.
- Айранын берсенг, челегин да къызгъанма.
- Тенгинг джокъ эсе – изле, бар эсе – сакъла!
- Сёз садакъдан кючлюдю.
- Элге къуллукъ этмеген, элге ие болмаз.
- Юйлю уругъа ит чабмаз.
- Ариу – кёзге, акъыл – джюрекге.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72