- Уллу сёлешме да, уллу къаб.
- «Ёгюз, джаргъа джууукъ барма, меннге джюк боллукъса», - дегенди эшек.
- Хатерли къул болур.
- Къарны аманнга къазан такъдырма, къолу аманнга от джакъдырма.
- Ата Джуртун танымагъан, атасын да танымаз.
- Билим къая тешер.
- Тойгъан джерге джети къайт.
- Окъугъанны бети джарыкъ.
- Ашына кёре табагъы, балына кёре къалагъы.
- Чомартха хар кюн да байрамды.
- Аз сёлеш, кёб ишле.
- Ариу сёзде ауруу джокъ.
- Иги сёз – джаннга азыкъ, аман сёз башха – къазыкъ.
- Билимсиз иш бармаз.
- Бичгенде ашыкъма, тикгенде ашыкъ.
- Къар – келтирди, суу – элтди.
- Адам сёзге тынгыла, акъыл сёзню ангыла.
- Къарыусузгъа кюлме, онгсузгъа тийме.
- Айтхан – тынч, этген – къыйын.
- Дуния малгъа сатылма, кесингден телиге къатылма.
- Хансыз джомакъ болмаз.
- Джарашыу сюйген – джалынчакъ.
- Ётюрюкчюню шагъаты – къатында.
- Джыланны къуйругъундан басарынг келсе, аны башы болгъанын унутма.
- Бёрю да ач къалмасын, эчки да ашалмасын.
- Ургъан суудан башынгы сакъла.
- Эркишини аманы тиширыуну джылатыр.
- Бюгюн дуния кибик, тамбла ахыратды.
- Билим ат болуб да чабар, къуш болуб да учар.
- Гугук кесини атын айтыб къычыргъанча, мен, мен деб нек тураса?
- Джыйырма къойну юч джыйырма эбзе кюте эди.
- Келгинчи, къонакъ уялыр, келгенден сора, къонакъбай уялыр.
- Таукел къуру къалмаз.
- Джылар джаш, атасыны сакъалы бла ойнар.
- Ашыкъгъан cуу, тенгизге джетмез.
- Къартны бурнун сюрт да, оноугъа тут.
- Ата Джуртуму башы болмасам да, босагъасында ташы болайым.
- Адамны сабийин сюйген джюреги, бычакъча, джитиди.
- Хазыр ашха – терен къашыкъ.
- Тамчы таш тешер.
- Ёлюр джаннга, ёкюл джокъ.
- Джарлыны тону джаз битер.
- Сабий кёргенин унутмаз.
- Аман адамны тепсинге олтуртсанг, къызынгы тилер.
- Ач да бол, токъ да бол – намысынга бек бол.
- Аджал соруб келмез, келсе, къайтыб кетмез.
- Билим – акъылны чырагъы.
- Къайгъыны сюйген, къайгъы табар.
- Эри аманны, къатыны – аман.
- Адамгъа аман кюн соруб келмейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72