- Элиб деген, элге болушур.
- Кесине гебен этелмеген, биреуге черен эте эди.
- Къулакъдан эсе, кёзге ышан.
- Сабийни джумушха джибер да, ызындан бар.
- Мал тутхан – май джалар.
- Ач бёрюге мекям джокъ.
- Атлыны кёрсе, джаяуну буту талыр.
- Арыгъан къош чамчы болур.
- Джогъун бар этген, барын бал этген.
- Адам боллукъ, атламындан белгили болур.
- Биреу ашаб къутулур, биреу джалаб тутулур.
- Ач отунчуну ачыуу – бурнунда.
- Адам туугъан джеринде, ит тойгъан джеринде.
- Душманны тышы – акъ, ичи – къара.
- Ётюрюк хапар аякъ тюбю бла джюрюйдю.
- Бал – татлы, балдан да бала – татлы.
- Къазанчы аман болса, къазаны къайнамаз.
- Ачыу алгъа келсе, акъыл артха къалады.
- Аманны къуугъан, аманлыкъ табар.
- Алтыннга тот къонмаз.
- Кюлме джашха – келир башха.
- Тенги кёбню джау алмаз, акъылы кёбню дау алмаз.
- Таула не мийик болсала да, аууш табылыр.
- Ашлыкъны арба юйге келтирир, чана базаргъа элтир.
- Айтылгъан буйрукъ, сёгюлмез
- Къартны сыйын кёрмеген, къартлыгъында сыйлы болмаз.
- Таякъ этден ётер, тил сюекден ётер.
- Ёгюзню мюйюзлери ауурлукъ этмейдиле.
- Джырчы джырчыгъа – къарнаш.
- Къартны бурнун сюрт да, оноугъа тут.
- Бир онгсуз адам адет чыгъарды, деб эштирик тюлсе.
- Ишленмеген джаш – джюгенсиз ат, ишленмеген къыз – тузсуз хант.
- Ашатыргъа иш – ашхы, ишлетирге аш – ашхы.
- Чомарт къолда мал къалмаз.
- Тамбла алтындан бюгюн багъыр ашхы.
- Къонакъ кёб келюучю юйню, къазаны отдан тюшмез.
- Окъуусуз билим – джокъ, билимсиз кюнюнг – джокъ.
- Къарт болгъан джерде, берекет болур, сабий болгъан джерде, оюн болур.
- Арбаз сайлама да, хоншу сайла.
- Азыгъы аз, алгъа къабар, аты аман, алгъа чабар.
- Байдан умут эте, джарлыдан ёгюз багъасы къорады.
- Чалманны аллы къалай башланса, арты да алай барады.
- Элни кючю – эмеген.
- Ашхы адам – халкъ байлыгъы, ашхы джер – джашау байлыгъы.
- Кесинге джетмегенни, кёб сёлешме.
- Къартха ушагъан джаш – акъыллы, джашха ушагъан къарт – тели.
- Харам къарнашдан, халал тенг ашхы.
- Татлы сёз – балдан татлы.
- Айырылгъанланы айю ашар, бёлюннгенлени бёрю ашар.
- Ачлыкъ отха секиртир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72