- Сууда джау джокъ, кёб сёзде магъана джокъ.
- Сёз къанатсыз учар.
- Малны кют, джерни тюрт.
- Кёкдеги болмаса, джердегин кёрмейди.
- Биреуге аманлыкъны тилеме да, кесинге ашхылыкъны тиле.
- Джумушакъ терекни къурт ашар.
- Ёлюр джаннга, ёкюл джокъ.
- Байлыкъ болгъан джерде, тынчлыкъ джокъду.
- Кечеси – аяз, кюню – къыш, джарлы къаргъагъа бир аш тюш!
- Юй ишлеген балта эшикде къалыр.
- Эшекни не къадар тюйсенг да, ат болмаз.
- Ач отунчуну ачыуу – бурнунда.
- Ариу – кёзге, акъыл – джюрекге.
- Ёпкелегенни ашы татлы болады.
- Къарнынг къанлынга кийирир.
- Кёб ант этген, кёб ётюрюк айтыр.
- Билим – акъылны чырагъы.
- Таула не мийик болсала да, аууш табылыр.
- Алма терегинден кери кетмез.
- Къарнынг ауруса, ауузунгу тый
- Айыбны суу бла джууалмазса.
- Биреуню тёрюнден, кесинги эшик артынг игиди.
- Шекер бла туз – бир болмаз, ушамагъан – юй болмаз.
- Ышармагъан – кюлмез, кюлмеген – къууанчны билмез.
- Чакъырылмагъан къонакъ къачан кетерин сормаз.
- Къыз тиширыу кеси юйюнде да къонакъды.
- Джаш къарыу бла кючлю, къарт акъыл бла кючлю.
- Къазанчы аман болса, къазаны къайнамаз.
- Юй кюйдю да, кюйюз чыкъды, ортасындан тюйюш чыкъды.
- Ана кёлю – балада, бала кёлю – талада.
- Ашхы адам – халкъ байлыгъы, ашхы джер – джашау байлыгъы.
- Тёзгеннге, джабылгъан эшик ачылыр.
- Суугъа – чабакъ, къаягъа – ыргъакъ.
- Къолу уллу – асыу, аягъы уллу – джарсыу.
- Ашлыкъ – бюртюкден, джюн – тюкден.
- Ётген ёмюр – акъгъан суу.
- Тойгъа барсанг, тоюб бар, эски тонунгу къоюб бар.
- Акъыл къартда, джашда тюйюлдю – башдады.
- Хата – гитчеден.
- Ашхылыкъ джерде джатмайды, аманлыкъ суугъа батмайды.
- Огъурлуну сёзю – суу, огъурсузну сёзю – уу.
- Ата Джуртуму башы болмасам да, босагъасында ташы болайым.
- Аман хансны – урлугъу кёб.
- Къар – келтирди, суу – элтди.
- Тулпарлыкъ, билекден тюл – джюрекден.
- Нёгерсизни джолу узун.
- Баш – акъыл ючюн, акъылман – халкъ ючюн.
- Джаралыны джастыгъында сау ёлюр.
- Къайгъы тюбю – тенгиз.
- Экеу тутушса, биреу джыгъылыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72