- Джолунга кёре – джюрюшюнг, джагъанга кёре – юлюшюнг.
- Арбаз къынгырды да, ийнек сауалмайма.
- Къонакъ аз олтурур, кёб сынар.
- Мадар болса, къадар болур.
- Рысхысына кёре, джаш ёсер, къышлыгъына кёре, мал ёсер.
- Джырчы джырчыгъа – къарнаш.
- Атынг аманнга чыкъгъандан эсе, джанынг тамагъынгдан чыкъсын.
- Аманнга алтын чыдамаз.
- Дуния мал дунияда къалады.
- Сютню башын джалагъан къутулур, тюбюн ичген тутулур.
- Къошда джокъгъа – юлюш джокъ.
- Ата – билек, ана – джюрек!
- Узун джолну барсанг, бюгюн келирсе, къысха джолну барсанг, тамбла келирсе.
- Тилде сюек болмаса да, сюек сындырыр.
- Тешигини къатында, чычхан да батыр болур.
- Ёлген аслан – сау чычхан.
- Кийиминг бла танылма, адамлыкъ бла таныл.
- Онгсузну – джакъла, тенгликни – сакъла.
- Джаралыны джастыгъында сау ёлюр.
- Билим насыб берир, билим джолну керир.
- Сакъламагъан затынга джолукъсанг, не бек къууанаса, не бек ачыйса.
- Сабийни джумушха джибер да, ызындан бар.
- Кюлме джашха – келир башха.
- Джарлы джети элни сёзюн этер.
- Эки итни арасына сюек атма, эки адамны арасында сёз чыгъарма.
- Тенгни тенглиги джашай барсанг билинир.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джуртун къоругъан озар.
- Кюн – узун, ёмюр – къысха.
- Билмегенинги, билгеннге сор.
- Кюл тюбюндеги от кёрюнмейди.
- Адамны артындан къара сабан сюрме.
- Рысхы джалгъанды: келген да этер, кетген да этер.
- Адам боллукъ, атламындан белгили болур.
- Къартха ушагъан джаш – акъыллы, джашха ушагъан къарт – тели.
- Кеси юйюмде мен да ханма.
- Адебсиз адам – джюгенсиз ат.
- Ашхы – джыяр, аман – джояр.
- Айтханы чапыракъдан ётмеген.
- Кесине оноу эте билмеген, халкъына да эте билмез.
- Ариуну – ауруу кёб.
- Хар адамгъа кеси миннген тау кибик.
- Кёлсюзден сёзсюз тууар.
- Азыкъ аз болса, эртде орун сал.
- Дуния аламаты сен эсенг да, игиме деб айтма.
- Ойнай билмеген, оюн бузар.
- Джаз бир кюнню джатсанг, къыш талай кюнню абынырса.
- Туз, гырджын аша, тюзлюк бла джаша.
- Юйюнгден чыкъдынг – кюнюнгден чыкъдынг.
- Ашына кёре табагъы, балына кёре къалагъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72