- Биреуге аманлыкъны тилеме да, кесинге ашхылыкъны тиле.
- Акъыл сабырлыкъ берир.
- Джыгъылгъанны сырты джерден тоймаз.
- Керек ташны ауурлугъу джокъ.
- Тешигини къатында, чычхан да батыр болур.
- Орундукъ тюбюнде атылсам да, орта джиликме, де да айлан.
- Адебни адебсизден юрен.
- Джарлы джети элни сёзюн этер.
- Билимсиз иш бармаз.
- Аман къатын сабий табса, бий болур…
- Бозаны арты дауур болур.
- Уллу къашыкъ эрин джыртар.
- От этилмеген джерден тютюн чыкъмайды.
- Аш кетер да бет къалыр.
- Къыз келсе, джумуш эте келеди, къатын келсе, ушакъ эте келеди.
- Ана къойну – балагъа джандет.
- Ач къалгъандан, кеч къалгъан къолай.
- Тас болгъан бычакъны сабы – алтын.
- Нарт сёз – тилни бети.
- Ариу сёз аурууунгу алыр.
- Ариуну – ауруу кёб.
- Адам туугъан джеринде, ит тойгъан джеринде.
- Байлыкъ келсе, акъыл кетер.
- Мухардан ач ычхынмаз.
- Чомартха Тейри да борчлуду.
- Мал кёб болса, джууукъ кёб болур.
- Къыйынлы джети элни къайгъысын этер.
- Халкъны джырын джырласанг, халкъ санга эжиу этер.
- Башсыз урчукъ тюзюне айланмаз.
- Адеби болмагъан къыз – тузсуз хант.
- Кесине гебен этелмеген, биреуге черен эте эди.
- Къыйынлы джети элге оноу этер.
- Эм уллу байлыкъ – джан саулукъ.
- Биреуге аманлыкъ этиб, кесинге игилик табмазса.
- Хаухну атма, ёнгкючню сатма.
- Сагъышы джокъ – джукъучу, акъылы джокъ – къаугъачы.
- Ачыу алгъа келсе, акъыл артха къалады.
- Джумушакъ сёз къаты таякъны сындырыр.
- Элиб деген, элге болушур.
- Къулакъдан эсе, кёзге ышан.
- Сабийликде юретмесенг, уллу болса – тюзелмез.
- Къызын тута билмеген, тул этер, джашын тута билмеген, къул этер.
- Джарашыу сюйген – джалынчакъ.
- Кюл тюбюндеги от кёрюнмейди.
- Махтаннган къыз, тойда джукълар.
- Тура эдим джата, къайдан чыкъды хата?
- Башда акъыл болмаса, эки аякъгъа кюч джетер.
- Гугурук къычырмаса да, тангны атары къалмаз.
- Айтылгъан сёз ызына къайтмаз.
- Ётюрюкню башын керти кесер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72