- Чомартны къолу берекет.
- Кесинг сынамагъан затны, адамгъа буюрма.
- Ата – билек, ана – джюрек!
- Керилген да, ургъан кибикди.
- Тил – кесген бычакъ, сёз – атылгъан окъ.
- Халкъны джырын джырласанг, халкъ санга эжиу этер.
- Тюзню ётмеги тюзде къалса да, тас болмаз.
- Бастасын ашагъан, хантусун да ичер.
- Мураты болгъанны джюрек тебюую башхады.
- Чоюнну башы ачыкъ болса, итге уят керекди.
- Эрни эр этерик да, къара джер этерик да, тиширыуду.
- Къыйынлы джети элни къайгъысын этер.
- Ашда – бёрю, ишде – ёлю.
- Мал кёб болса, джууукъ кёб болур.
- Ата Джуртча джер болмаз, туугъан элча эл болмаз.
- Эркишиге тары кебек танг кёрюнюр.
- Тойгъан джерден туугъан джер игиди.
- Эри аманны, къатыны – аман.
- Мухардан ач ычхынмаз.
- Айтхан – тынч, этген – къыйын.
- Болджал ишни бёрю ашар.
- Мен да «сен», дейме, сен да «кесим», дейсе.
- Эли джокъну – кёлю джокъ.
- Душманны тышы – акъ, ичи – къара.
- Сагъышы джокъ – джукъучу, акъылы джокъ – къаугъачы.
- Джукъу тёшек сайламайды.
- Баргъанынга кёре болур келгенинг.
- Ишин билген, аны сыйын чыгъарады.
- Тенгинг джокъ эсе – изле, бар эсе – сакъла!
- Кийим тукъум сордурур.
- Чалманны аллы къалай башланса, арты да алай барады.
- Мадар болса, къадар болур.
- Урама да – ёледи, сатама да – келеди.
- Татлы сёз – балдан татлы.
- Аууздан келген, къолдан келсе, ким да патчах болур эди.
- Нафысынгы айтханын этме, намысынгы айтханын эт.
- Баланы адам этген анады.
- Намысы болмагъанны, сыйы болмаз.
- Чакъырылмагъан къонакъ къачан кетерин сормаз.
- Ёксюзню къалачы уллу кёрюнюр.
- Чакъырылмагъан къонакъ – орунсуз.
- Къызгъанчдан ычхыныр, мухардан ычхынмаз.
- Ата джурт – алтын бешик.
- Тюкюрюк баш джармаз, налат кёз чыгъармаз!
- Ач уят къоймаз.
- Хар ишни да аллы къыйынды.
- Эртде тургъан джылкъычыны эркек аты тай табар.
- Эл ауузу – элия.
- Иги болса, тамадама – махтау, аман болса, меннге – айыб.
- Къумурсхала джыйылсала, пилни да джыгъадыла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72