- Эл тойса, тоймагъан, эл къойса, къоймагъан.
- Ач къарным, тынч къулагъым.
- Эки итни арасына сюек атма, эки адамны арасында сёз чыгъарма.
- Тешик этген тынчды, аны джамагъан къыйынды.
- Тамчы таш тешер.
- Тилде сюек болмаса да, сюек сындырыр.
- Башланнган иш битер, къымылдагъан тиш тюшер.
- Адебни адебсизден юрен.
- Ишлемеген – тишлемез.
- Арба аугъандан сора, джол кёргюзтюучю кёб болур.
- Мухарны эси – ашарыкъда.
- Чомарт къонакъ юй иесин сыйлар.
- Адам сёзге тынгыла, акъыл сёзню ангыла.
- Адамгъа аман кюн соруб келмейди.
- Хар сёзню орну барды.
- Къонакъ аман болса, къонакъбай джунчур
- Этим кетсе да, сюегим къалыр.
- Тилсиз миллет джокъ болур.
- Билим насыб берир, билим джолну керир.
- «Ма», - дегенни билмесенг, «бер», - дегенни билмезсе.
- Джюз элде джюз ёгюзюм болгъандан эсе, джюз джууугъум болсун.
- Ашыкъгъанны этеги бутуна чырмалыр.
- Этни да ашады, бетни да ашады.
- Къобан да къуру да къобханлай турмайды, адам да къуру да патчахлай турмайды.
- Эринчекни эр алмаз, эр алса да, кёл салмаз, кёл салса да, кёб бармаз!
- Ачылгъан эт джабылыр, кёрген кёз унутмаз.
- Аджалсыз ёлюм болмаз.
- Бал – татлы, балдан да бала – татлы.
- Окъуусуз билим – джокъ, билимсиз кюнюнг – джокъ.
- Джетген къыз джерли эшекни танымаз.
- Джарлыны тону джаз битер.
- Ишлегенден, къарагъан уста.
- Уллу сёзде уят джокъ.
- Ишни ахырын ойламай, аллын башлама.
- Халкъны юйю – туугъан джери.
- Бёрю да ач къалмасын, эчки да ашалмасын.
- Джаш болсун, къыз болсун, акъылы, саны тюз болсун.
- Джан саулукъ бермей, сан саулукъ бермезсе.
- Аман киши кеси юйюнде – къонакъ.
- Ётюрюкден тюбю джокъ, кёлтюрюрге джиби джокъ.
- Ётюрюкню къуйругъу – бир тутум.
- Иги бла джюрюсенг, джетерсе муратынга, аман бла джюрюсенг, къалырса уятха.
- Магъанасыз сёз – тауушсуз сыбызгъы.
- Аман къатын алгъан, арыр, иги къатын алгъан джарыр.
- Иги адамны бир сёзю эки болмаз.
- Аджал соруб келмез, келсе, къайтыб кетмез.
- Чёбню кёлтюрсенг, тюбюнден сёз чыгъар.
- Ана къойну – балагъа джандет.
- Ашатыргъа иш – ашхы, ишлетирге аш – ашхы.
- Гырджын – тепсини тамадасы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72