- Рысхы – насыбха къор.
- Эрине къаргъыш этген къатын, эрнин къабар.
- Ойнай билмеген, уруб къачар.
- Ашлыкъ – бюртюкден, джюн – тюкден.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тилчи бир сагъатха айлыкъ хата этер.
- Чарсда алчыны эл кёреди.
- Айран тёгюлсе, джугъусу къалыр.
- Сабийликде юретмесенг, уллу болса – тюзелмез.
- Эки къатын алгъанны къулагъы тынгнгаймаз.
- Мал ёлсе, сюек къалыр, адам ёлсе, иши къалыр.
- Акъыллы – эл иеси, тели – эл баласы.
- Оюмсуз атлагъан, аджалсыз ёлюр.
- Тин – байлыгъынг, терен саулугъунг.
- Джыйырма къойну юч джыйырма эбзе кюте эди.
- Шайтан алдады, тюзлюк къаргъады.
- Этек чакъмакълары баш джаргъан, сёлешген сёзлери таш джаргъан.
- Ойнаб айтсанг да, эслеб айт.
- Баргъанынга кёре болур келгенинг.
- Чалманны аллы къалай башланса, арты да алай барады.
- Кёрмегеннге кебек – танг, битмегеннге сакъал – танг.
- Къатын къылыкъсыз, эр тынчлыкъсыз.
- Иги адамны бир сёзю эки болмаз.
- Тюзлюк тас болмайды.
- Тюкюрюк баш джармаз, налат кёз чыгъармаз!
- Гугурук къычырмаса да, тангны атары къалмаз.
- Малны кют, джерни тюрт.
- Кёб джат да, бек чаб.
- Джырчы ёлсе, джыры къалыр.
- Ач отунчуну ачыуу – бурнунда.
- Ёксюзню тилеги къабыл болур.
- Таукел тауну аудурур.
- Игини сыйлагъан адетди.
- Билими азны – ауузунда кирит.
- Юй кюйдю да, кюйюз чыкъды, ортасындан тюйюш чыкъды.
- Акъыл аздырмаз, билим тоздурмаз.
- Эркиши – от, тиширыу – суу.
- Сёз сёзню айтдырыр.
- Кюн кёрмеген, кюн кёрсе, кюндюз чыракъ джандырыр.
- Джаным-тиним – окъуу, билим.
- Алма терегинден кери кетмез.
- Мухарны эси – ашарыкъда.
- Арбаз къынгырды да, ийнек сауалмайма.
- Джарлы тюеге минсе да, ит къабар.
- Билим – акъылны чырагъы.
- Болджал ишни бёрю ашар.
- «Ёгюз, джаргъа джууукъ барма, меннге джюк боллукъса», - дегенди эшек.
- Бети къызарыучу адамны, джюреги харам болмаз.
- Акъыл сабырлыкъ берир.
- Уллу суу бла уллу ауруудан башынгы сакъла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72