- Алтыннга тот къонмаз.
- Ата Джуртча джер болмаз, туугъан элча эл болмаз.
- Суугъа – чабакъ, къаягъа – ыргъакъ.
- Айтылгъан сёз ызына къайтмаз.
- Эки ойлашыб, бир сёлешген.
- Бети – къучакълар, джюреги – бычакълар.
- Бойнуму джети джерден кессенг да, мен ол ишни этеллик тюлме.
- Мухарны эси – ашарыкъда.
- Сёлеш деб шай берген, тохта деб, сом берген.
- Керек ташны ауурлугъу джокъ.
- Акъыл аздырмаз, билим тоздурмаз.
- Билим къая тешер.
- Таукел тауну аудурур.
- Тёзген – тёш ашар!
- Джырчы джырчыгъа – къарнаш.
- Джарлыны эшигин махтагъан джабар.
- Мухар, кеси тойса да, кёзю тоймаз.
- Джыланны къуйругъундан басарынг келсе, аны башы болгъанын унутма.
- Юй ишлеген балта эшикде къалыр.
- Ата джурт – алтын бешик.
- Айтхан – тынч, этген – къыйын.
- Намыс болмагъан джерде, насыб болмаз.
- Айтхан сёзюне табылгъан.
- Ашлыкъ – бюртюкден, джюн – тюкден.
- Хансыз джомакъ болмаз.
- Ханнга да келеди хариблик.
- Шапа кёб болса, аш татымсыз болур.
- Тюзлюк шохлукъну бегитир.
- Минг тенг да азды, бир джау да кёбдю.
- Адам боллукъ, атламындан белгили болур.
- Аманнга алтын чыдамаз.
- Джырына кёре эжиую.
- Тёрде – темир таякълы, къаяда – чыпчыкъ аякълы.
- Сабыр джетер муратха, сабырсыз къалыр уятха.
- Хантына кёре тузу, юйюне кёре къызы.
- Хатерли къул болур.
- Орну джокъну – сыйы джокъ.
- Иги адамны бир сёзю эки болмаз.
- Кесинг сынамагъан затны, адамгъа буюрма.
- Айтханы чапыракъдан ётмеген.
- Булут кёкге джарашыу, уят бетге джарашыу.
- Адамны аманы адамны бети бла ойнар.
- Биреуню тёрюнден, кесинги эшик артынг игиди.
- Ач келгенни – тойдур, кеч келгенни – къондур.
- Билеги кючлю, бирни джыгъар, билими кючлю, мингни джыгъар.
- Ауузу бла къуш тута айланады.
- Ёлмесенг да, къарт дамы болмазса?
- Аманны къуугъан, аманлыкъ табар.
- Къумурсхала джыйылсала, пилни да джыгъадыла.
- Бал чибинни ургъаны – ачы, балы – татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72