- Урама да – ёледи, сатама да – келеди.
- Къонагъы джокъну – шоху джокъ.
- Джюрекден джюрекге джол барды.
- Хар сёзню орну барды.
- Гугурук къычырмаса да, тангны атары къалмаз.
- Сёз – кюмюш, джыр – алтын.
- Тойгъан джерден туугъан джер игиди.
- Тилсиз миллет джокъ болур.
- Айран ичген – къутулду, джугъусун джалагъан – тутулду.
- Тау башында, тау болмаз, джангыз терек, бау болмаз.
- Ашхы адам – халкъ байлыгъы, ашхы джер – джашау байлыгъы.
- Къатын къылыкъсыз, эр тынчлыкъсыз.
- Игиге айтсанг – билир, аманнга айтсанг – кюлюр.
- Кёзюнде тереги болгъан, чёбю болгъаннга кюле эди.
- Ач отунчуну ачыуу – бурнунда.
- Къолунгдан къуймакъ ашатсанг да, атаны борчундан къутулмазса.
- Адам боллукъ, атламындан белгили болур.
- Къая джолда джортма, ачыкъ сёзден къоркъма.
- Кийимни бир кюнню аясанг, минг кюннге джарар.
- Юре билмеген ит, къонакъ келтирир.
- Уясында не кёрсе, учханында аны этер.
- Юйюнгден чыкъдынг – кюнюнгден чыкъдынг.
- Биреуню тёрюнден, кесинги эшик артынг игиди.
- Нёгерсизни джолу узун.
- Ашхы болсанг, атынг чыгъар, аман болсанг, джанынг чыгъар.
- Кечеси – аяз, кюню – къыш, джарлы къаргъагъа бир аш тюш!
- Бозаны арты дауур болур.
- Аджашханны ызындагъы кёреди, джангылгъанны джанындагъы биледи.
- Чыкълы кюнде чыкъмагъан, чыкъса къуру кирмеген.
- Ариуну – ауруу кёб.
- Адамны бетине къарама, адетине къара.
- Джыгъылгъанны сырты джерден тоймаз.
- Эли джокъну – кёлю джокъ.
- Сёлеш деб шай берген, тохта деб, сом берген.
- Къайгъыны сюйген, къайгъы табар.
- Юреннген ауруу къалмаз.
- Ашхылыкъ джерде джатмайды, аманлыкъ суугъа батмайды.
- Аджал соруб келмез, келсе, къайтыб кетмез.
- Шекер бла туз – бир болмаз, ушамагъан – юй болмаз.
- Ойнай билмеген, оюн бузар.
- Айырылгъанланы айю ашар, бёлюннгенлени бёрю ашар.
- Кюл тюбюндеги от кёрюнмейди.
- Айтхан сёзюне табылгъан.
- Ышармагъан – кюлмез, кюлмеген – къууанчны билмез.
- Билим насыб берир, билим джолну керир.
- Кёпюр салгъан кеси ётер, уру къазгъан кеси кетер.
- Дуния мал дунияда къалады.
- Байлыкъ келсе, акъыл кетер.
- Арбаз къынгырды да, ийнек сауалмайма.
- Мураты болгъанны джюрек тебюую башхады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72