- Кюлме джашха – келир башха.
- Бети – къучакълар, джюреги – бычакълар.
- Эте билген, этген этеди, эте билмеген, юретген этеди!
- Ачлыкъ отха секиртир.
- Сууда джау джокъ, кёб сёзде магъана джокъ.
- Къан бла кирген, джан бла чыгъар.
- Биреуге аманлыкъ этиб, кесинге игилик табмазса.
- Сабийни джумушха джибер да, ызындан бар.
- Айраннга суу къош, телиге джол бош.
- Кесине оноу эте билмеген, халкъына да эте билмез.
- Байлыкъдан саулукъ ашхыды.
- Сёз – кюмюш, джыр – алтын.
- Ёлген аслан – сау чычхан.
- Накъырда – кертини келечиси.
- Аман киши кеси юйюнде – къонакъ.
- Джашны джигитлиги сорулур, къызны джигерлиги сорулур.
- Биреуню къыйынлыгъы бла кесинге джол ишлеме.
- Ашхылыкъ джерде джатмайды, аманлыкъ суугъа батмайды.
- Къарнынг ауруса, ауузунгу тый
- Тик ёргени, тик энгишгеси да болады.
- Тилсиз миллет джокъ болур.
- Адамны бетине къарама, адетине къара.
- Магъанасыз сёз – тауушсуз сыбызгъы.
- Эртде тургъан джылкъычыны эркек аты тай табар.
- Башланнган иш битер, къымылдагъан тиш тюшер.
- Джарлы джети элни сёзюн этер.
- Элиб деген, элге болушур.
- Бек ашыкъгъан меннге джетсин, дегенди аракъы.
- Уллу сёзде уят джокъ.
- Къарт болгъан джерде, берекет болур, сабий болгъан джерде, оюн болур.
- Ауругъанны сау билмез, ач къарынны токъ билмез.
- Ана кёлю – балада, бала кёлю – талада.
- Атынг аманнга чыкъгъандан эсе, джанынг тамагъынгдан чыкъсын.
- Къартны сыйын кёрмеген, къартлыгъында сыйлы болмаз.
- Хазыр ашха – терен къашыкъ.
- Мухардан ач ычхынмаз.
- Джылкъыдан – ат чыгъар, тукъумдан – джаш чыгъар.
- Айтылгъан сёз ызына къайтмаз.
- Тенгинг джокъ эсе – изле, бар эсе – сакъла!
- Ашхы – джыяр, аман – джояр.
- Билмезни кёзю кёрмез, этмезни къулагъы эшитмез.
- Ёгюзню мюйюзюнден тутадыла, адамны сёзюнден тутадыла.
- Кийиминг бла танылма, адамлыкъ бла таныл.
- Айыбны суу бла джууалмазса.
- Таш бла ургъанны, аш бла ур.
- Ашхы болсанг, атынг чыгъар, аман болсанг, джанынг чыгъар.
- Эли джокъну – кёлю джокъ.
- Гугурук къычырмаса да, тангны атары къалмаз.
- Къарнынг тойгъунчу аша да, белинг талгъынчы ишле.
- Мал тутхан – май джалар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72