Эльбрусоид :: Форум :: Архив форумов

Чомарт бергенин айтмаз.
Хар ишни да аллы къыйынды.
Гитче джилтин уллу элни джандырыр.
Тилчи бир сагъатха айлыкъ хата этер.
Ичимден чыкъды хата, къайры барайым сата?
Ачлыкъ отха секиртир.
Джарлы джети элни сёзюн этер.
Юй кюйдю да, кюйюз чыкъды, ортасындан тюйюш чыкъды.
Эрни эр этерик да, къара джер этерик да, тиширыуду.
Телиге акъыл салгъандан эсе, ёлгеннге джан салырса.
Борчунг бар эсе, хурджунунга ойлаб узал.
Суугъа – таянма, джаугъа – ийнанма.
Аманны къуугъан, аманлыкъ табар.
Башда акъыл болмаса, эки аякъгъа кюч джетер.
Чакъырылмагъан джерге барма, чакъырылгъан джерден къалма.
Акъыл неден да кючлюдю.
Чомартха Тейри да борчлуду.
Мен да «сен», дейме, сен да «кесим», дейсе.
Къулакъдан эсе, кёзге ышан.
Кёб ант этген, кёб ётюрюк айтыр.
Экеу тутушса, биреу джыгъылыр.
Кийим тукъум сордурур.
Киштикге къанат битсе, чыпчыкъ къалмаз эди.
Намыс сатылыб алынмайды.
Шапа кёб болса, аш татымсыз болур.
Ишлегенде эринме, ишде чолакъ кёрюнме.
Къуру гыбыт бек дыгъырдар.
Тойгъанлыкъ къойгъа джарашады.
Къыйынлы джети элни къайгъысын этер.
Хаухну атма, ёнгкючню сатма.
Суу кетер, таш къалыр.
Эл тойса, тоймагъан, эл къойса, къоймагъан.
Къыз келсе, джумуш эте келеди, къатын келсе, ушакъ эте келеди.
Билим – акъылны чырагъы.
Кёз – сюйген джерде, къол – ауругъан джерде.
Аурууну келиую тынч, кетиую – къыйын.
Эри аманны, къатыны – аман.
Хата – гитчеден.
Эки элинги тыйсанг, джети элде махталырса.
Билмейме деген – бир сёз
Абынмазлыкъ аякъ джокъ, джангылмазлыкъ джаякъ джокъ.
Ариу сёз – къылычдан джити.
Сабыр джетер муратха, сабырсыз къалыр уятха.
Битмегеннге сакъал – танг.
Айраннга суу къош, телиге джол бош.
Тёгюлген тюгел джыйылмайды.
Таугъа чыгъаллыкъ эсенг, тюзде къалма.
Джан саулукъ бермей, сан саулукъ бермезсе.
Билимден уллу байлыкъ джокъду.
Азыкъ аз болса, эртде орун сал.

Логин:
Пароль:
	Запомнить меня на этом компьютере

Забыли свой пароль?
Регистрация