- Ишлемеген – тишлемез.
- Босагъагъа джууукъ орун болса, ашыгъыб тёрге озма.
- Джаханимни кёрмей, джандетге кёл салмазса.
- Акъыл аздырмаз, билим тоздурмаз.
- Байны оноуу, джарлыгъа джарамаз.
- Адамны артындан къара сабан сюрме.
- Кёб къычыргъандан – къоркъма, тынч олтургъандан – къоркъ.
- Рысхы джалгъанды: келген да этер, кетген да этер.
- Аман къатын алгъан, арыр, иги къатын алгъан джарыр.
- Джолда аягъынга сакъ бол, ушакъда тилинге сакъ бол.
- Тин – байлыгъынг, терен саулугъунг.
- Бир абыннган – минг сюрюнюр.
- Ким бла джюрюсенг, аны кёзю бла кёрюнюрсе.
- Ашхы сёз таш тешер.
- Уллу айтханны этмеген – уллаймаз.
- Чомарт джарлы болмаз.
- Къонакъ болсанг, ийнакъ бол.
- Ёлмесенг да, къарт дамы болмазса?
- Акъыллы эркиши атын махтар, акъылсыз эркиши къатынын махтар.
- Сёз – кюмюш, джыр – алтын.
- Чыбыкълыкъда бюгюлмеген, къазыкълыкъда бюгюлмей эди.
- Джахил болса анасы, не билликди баласы?
- Игини сыйлагъан адетди.
- Сабий кёргенин унутмаз.
- Джарлы эскисин джамаса, къууаныр.
- Ауурну тюбю бла, дженгилни башы бла джюрюген.
- Ачыу алгъа келсе, акъыл артха къалады.
- Ачны эсинде – аш.
- Баш болса, бёрк табылыр.
- Эллинг бла джау болсанг да, юйюнг бла джау болма.
- Джарлы джети элни сёзюн этер.
- Эркишиге тары кебек танг кёрюнюр.
- Тил джюрекге джол ишлейди.
- Халкъгъа джарагъан, джарлы къалмаз.
- Керилген да, ургъан кибикди.
- Къуллукъчума, деб махтанма, къуллукъ – хаух джамчыды!
- Агъач халкъгъа алтынды, иссиликге салкъынды.
- Керек ташны ауурлугъу джокъ.
- Ичимден чыкъды хата, къайры барайым сата?
- Хоншуну тауугъу къаз кёрюнюр, келини къыз кёрюнюр.
- Ашхы болсанг, атынг чыгъар, аман болсанг, джанынг чыгъар.
- Сагъыш – къартлыкъгъа сюйюмчю.
- Байлыкъ болгъан джерде, тынчлыкъ джокъду.
- Элге къуллукъ этмеген, элге ие болмаз.
- Эски джаугъа ышанма.
- Телиге акъыл салгъандан эсе, ёлгеннге джан салырса.
- Билгенни къолу къарны джандырыр.
- Тилчи тилден къаныкъмаз.
- Айраннга суу къош, телиге джол бош.
- Джумушакъ терекни къурт ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72