- Акъдан къара болмаз.
- Эл элде бирер малынг болгъандан эсе, бирер тенгинг болсун.
- Чарсда алчыны эл кёреди.
- Адам боллукъ, атламындан белгили болур.
- Ашхы – джыяр, аман – джояр.
- Ашхы сёз таш тешер.
- Сабыр джетер муратха, сабырсыз къалыр уятха.
- Къуллукъчума, деб махтанма, къуллукъ – хаух джамчыды!
- Биреуню эскиси биреуге джангы болмайды.
- Ата Джуртуму башы болмасам да, босагъасында ташы болайым.
- Халкъгъа джарагъан, джарлы къалмаз.
- Телиге от эт десенг, юйюнге от салыр.
- Кёз – сюйген джерде, къол – ауругъан джерде.
- Мен да «сен», дейме, сен да «кесим», дейсе.
- Эл ауузу – элия.
- Суу да къайтады чыкъгъан джерине.
- Тамбла алтындан бюгюн багъыр ашхы.
- Къанны къан бла джуума, аманны аман бла къуума.
- Шайтан алдады, тюзлюк къаргъады.
- Ёзденликни джайгъан – джокълукъ.
- Ачыу алгъа келсе, акъыл артха къалады.
- Урама да – ёледи, сатама да – келеди.
- Чалманны аллы къалай башланса, арты да алай барады.
- Байлыкъ келсе, акъыл кетер.
- Аш кетер да бет къалыр.
- Къан бла кирген, джан бла чыгъар.
- Къызбайны юйюне дери сюрсенг, батыр болур.
- Ётюрюк хапар аякъ тюбю бла джюрюйдю.
- Халкъны юйю – туугъан джери.
- Эркиши – от, тиширыу – суу.
- Бичгенде ашыкъма, тикгенде ашыкъ.
- Джумушакъ терекни къурт ашар.
- Тойгъан джерге джети къайт.
- Таукел адам тау тешер.
- Адамгъа аман кюн соруб келмейди.
- Ариу сёз аурууунгу алыр.
- Къайтырыкъ эшигинги, къаты уруб чыкъма.
- Къонакъ аман болса, къонакъбай джунчур
- Адамны сыфатына къарама, сёзюне къара.
- Къартха ушагъан джаш – акъыллы, джашха ушагъан къарт – тели.
- Суугъа – чабакъ, къаягъа – ыргъакъ.
- Окъуусуз билим – джокъ, билимсиз кюнюнг – джокъ.
- Адеб джокъда, намыс джокъ.
- Юреннген ауруу къалмаз.
- Айтхан сёзюне табылгъан.
- Къызны минг тилер, бир алыр.
- Аман къатын алгъан, арыр, иги къатын алгъан джарыр.
- Нарт сёз къарт болмаз.
- Аманнга игилик этсенг, юйюнге сау бармазса.
- Ёлген ийнек сютлю болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72