- Кёлю джокъну – джолу джокъ.
- Ишни ахырын ойламай, аллын башлама.
- Тойгъан антын унутур.
- Ата Джуртча джер болмаз, туугъан элча эл болмаз.
- Ашхы – джыяр, аман – джояр.
- Татлы тилде – сёз ариу, чемер къолда – иш ариу.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёлюк кебинсиз къалмаз.
- Билмезни кёзю кёрмез, этмезни къулагъы эшитмез.
- Ариу джол аджал келтирмез.
- Кёб джат да, бек чаб.
- Мал ёлсе, сюек къалыр, адам ёлсе, иши къалыр.
- Садакъачыны джаны – къапчыгъында.
- Мал кёб болса, джууукъ кёб болур.
- Таукел адам тау тешер.
- Мадар болса, къадар болур.
- Дженгил джетерикме деб, узун джолну къоюб, къысхасын барма.
- Ана къолу ачытмаз.
- Тойгъандан сора, ашны сёкме.
- Юйлю уругъа ит чабмаз.
- Тамбла алтындан бюгюн багъыр ашхы.
- Аз сёлеш, кёб ишле.
- Босагъагъа джууукъ орун болса, ашыгъыб тёрге озма.
- Чакъырылгъанны аты, чакъырылмагъанны багъасы болур.
- Эл ауузу – элек, анга ийнаннган – халек.
- Эки къатын алгъан – эки ташны ортасына башын салгъан.
- Магъанасыз сёз – тауушсуз сыбызгъы.
- Джангызны оту джарыкъ джанмаз!
- Джыйырма къойну юч джыйырма эбзе кюте эди.
- Чакъырылмагъан джерге барма, чакъырылгъан джерден къалма.
- Тюзлюк шохлукъну бегитир.
- Ишни аллы бла къууанма да, арты бла къууан.
- Аман адам элни бир-бирине джау этер.
- Ишге юренсин къоллары, халкъ бла болсун джоллары.
- Мал тутхан – май джалар.
- Къаллай салам берсенг, аллай джууаб алырса.
- Ата Джуртуму башы болмасам да, босагъасында ташы болайым.
- Эртде тургъан бла эртде юйленнген сокъуранмаз.
- Эр сокъур болсун, къатын тилсиз болсун.
- Сабий болмагъан джерде, мёлек болмаз.
- Окъугъан – асыу, окъумагъан – джарсыу.
- Ишленмеген джаш – джюгенсиз ат, ишленмеген къыз – тузсуз хант.
- Ашлыкъны арба юйге келтирир, чана базаргъа элтир.
- Эли джокъну – кёлю джокъ.
- Бозаны арты дауур болур.
- Рысхысына кёре, джаш ёсер, къышлыгъына кёре, мал ёсер.
- Аманнга игилик этсенг, юйюнге сау бармазса.
- Телини эшигин, махтау джабар.
- Къазанны башы ачыкъ болса, итге уят керекди.
- Ёпкелегенни ашы татлы болады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72