- Чомартны къолун джокълукъ байлар.
- Тойгъан джерден туугъан джер игиди.
- Ана кёлю – балада, бала кёлю – талада.
- Джаш болсун, къыз болсун, акъылы, саны тюз болсун.
- Аджашханны ызындагъы кёреди, джангылгъанны джанындагъы биледи.
- Бети – къучакълар, джюреги – бычакълар.
- Арбаз къынгырды да, ийнек сауалмайма.
- Аууздан келген, къолдан келсе, ким да патчах болур эди.
- Биреуге аманлыкъны тилеме да, кесинге ашхылыкъны тиле.
- Адам туугъан джеринде, ит тойгъан джеринде.
- Ашха уста, юйюнде болсун
- Кёлю джокъну – джолу джокъ.
- Ауурну тюбю бла, дженгилни башы бла джюрюген.
- Къарны аманнга къазан такъдырма, къолу аманнга от джакъдырма.
- Байлыкъ тауусулур, билим тауусулмаз.
- Накъырда – кертини келечиси.
- Эл элде бирер малынг болгъандан эсе, бирер тенгинг болсун.
- Гырджын – тепсини тамадасы.
- Адамны артындан къара сабан сюрме.
- Къозулугъунда тоймагъан, къойлугъунда тоймаз.
- Азыкъ аз болса, эртде орун сал.
- Джеринден айырылгъан – джети джылар, джуртундан айырылгъан – ёлгюнчю джылар.
- Билеги кючлю, бирни джыгъар, билими кючлю, мингни джыгъар.
- Джарашыу сюйген – джалынчакъ.
- Сагъышы джокъ – джукъучу, акъылы джокъ – къаугъачы.
- Тюзлюк шохлукъну бегитир.
- Кюн – узун, ёмюр – къысха.
- Ёлмесенг да, къарт дамы болмазса?
- Ханы къызы буюгъа-буюгъа киштик болду.
- Джети тилни билген джети кишиди.
- Айырылгъанланы айю ашар, бёлюннгенлени бёрю ашар.
- Ханнга да келеди хариблик.
- Ашхы тенг джолгъа салыр, аман тенг джолдан тайдырыр.
- Экиндини кеч къылсанг, чабыб джетер ашхам.
- Ауругъаннга – кийик саулукъ, джетген къызгъа – чилле джаулукъ.
- Аджашхан тёгерек айланыр.
- Джахил болса анасы, не билликди баласы?
- Айраннга суу къош, телиге джол бош.
- Сормай – алма, чакъырылмай – барма.
- Сууда джау джокъ, кёб сёзде магъана джокъ.
- Сакъламагъан затынга джолукъсанг, не бек къууанаса, не бек ачыйса.
- Ёксюзню тилеги къабыл болур.
- Арыгъан къош чамчы болур.
- Эрни эр этерик да, къара джер этерик да, тиширыуду.
- Кёл ашады да, кеси ашады.
- Ауругъан – джашаудан умутчу.
- Билим насыб берир, билим джолну керир.
- Тешик этген тынчды, аны джамагъан къыйынды.
- Кесине гебен этелмеген, биреуге черен эте эди.
- Бёрю да ач къалмасын, эчки да ашалмасын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72