- Тилсиз миллет джокъ болур.
- Кёл ашады да, кеси ашады.
- Сёлеш деб шай берген, тохта деб, сом берген.
- Кесинге джетмегенни, кёб сёлешме.
- Чомарт къолда мал къалмаз.
- Ичимден чыкъды хата, къайры барайым сата?
- Къарт бла баш аша, джаш бла аякъ аша.
- Тин – байлыгъынг, терен саулугъунг.
- Атлыны ашхысы, ат тизгининден билинир
- Кёзюнде тереги болгъан, чёбю болгъаннга кюле эди.
- Бичгенде ашыкъма, тикгенде ашыкъ.
- Тамчы таш тешер.
- Халкъгъа джарагъан, джарлы къалмаз.
- Малны кют, джерни тюрт.
- Къайгъыны сюйген, къайгъы табар.
- Тенгинг джокъ эсе – изле, бар эсе – сакъла!
- Ойнай-ойнай кёз чыгъар.
- Бал ашаргъа сюе эсенг, чибин ургъаннга тёз.
- Окъугъан озар, окъумагъан тозар.
- Зарда марда джокъ.
- Гугурук къычырмаса да, тангны атары къалмаз.
- Джарлыны тону джаз битер.
- Aдам боллукъ, сыфатындан белгили.
- Айранын берсенг, челегин да къызгъанма.
- Ат да турмайды бир териде.
- Тик ёргени, тик энгишгеси да болады.
- Аз сёлеш, кёб ишле.
- Къар – келтирди, суу – элтди.
- Кечеси – аяз, кюню – къыш, джарлы къаргъагъа бир аш тюш!
- Адам къыйынлыгъын кёлтюрюр, зауукълугъун кёлтюрмез.
- Билеги кючлю, бирни джыгъар, билими кючлю, мингни джыгъар.
- Бойнуму джети джерден кессенг да, мен ол ишни этеллик тюлме.
- Аз сёлешген, къайгъысыз турур.
- Аманнга алтын чыдамаз.
- Аз айтсам, кёб ангылагъыз.
- Тюз сёз баргъан сууну тыяр.
- Къызын тута билмеген, тул этер, джашын тута билмеген, къул этер.
- Аш берме да, къаш бер.
- Ач къарынны, токъ билмез
- Аманны къуугъан, аманлыкъ табар.
- Аш иеси бла татлыды.
- От кюйдюрген, сау болса да, тот кюйдюрген, сау болмаз.
- Тойчу джашха къарама, къойчу джашха къара.
- Адамны аманы адамны бети бла ойнар.
- Ышармагъан – кюлмез, кюлмеген – къууанчны билмез.
- Джыйырма къойну юч джыйырма эбзе кюте эди.
- Айтхан – тынч, этген – къыйын.
- Кийимни бир кюнню аясанг, минг кюннге джарар.
- Бет бетге къараса, бет да джерге къарар.
- Сабийни джумушха джибер да, ызындан бар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72