- Гыдай эчки суугъа къараб, мюйюзле кёрмесе, джашма алкъын, дегенди.
- Къар – келтирди, суу – элтди.
- Намысы болмагъанны, сыйы болмаз.
- Ач бёрюге мекям джокъ.
- Дуния малгъа сатылма, кесингден телиге къатылма.
- Адамны сабийин сюйген джюреги, бычакъча, джитиди.
- Къонакъ аз олтурур, кёб сынар.
- Азыкъ аз болса, эртде орун сал.
- Джылыгъа джылан илешир.
- Ачны эсинде – аш.
- Джарлы джети элни сёзюн этер.
- Мухарны эси – ашарыкъда.
- Элге къуллукъ этмеген, элге ие болмаз.
- Орундукъ тюбюнде атылсам да, орта джиликме, де да айлан.
- Башланнган иш битер, къымылдагъан тиш тюшер.
- Артына баргъанны, къатына барма.
- Джукъу тёшек сайламайды.
- Сабыр джетер муратха, сабырсыз къалыр уятха.
- Тил – кесген бычакъ, сёз – атылгъан окъ.
- Къызын тута билмеген, тул этер, джашын тута билмеген, къул этер.
- Алтыда кюлмеген, алтмышда кюлмез.
- Бастасын ашагъан, хантусун да ичер.
- Уясында не кёрсе, учханында аны этер.
- Ашда – бёрю, ишде – ёлю.
- Джангыз торгъай джырламаз.
- Аманнга да, игиге да оноусуз къатышма.
- Биреуню эскиси биреуге джангы болмайды.
- Дуния аламаты сен эсенг да, игиме деб айтма.
- Эринчекге кюн узун.
- Эр абынмай, эл танымаз.
- Ишлегенде эринме, ишде чолакъ кёрюнме.
- Эл тойса, тоймагъан, эл къойса, къоймагъан.
- Ёзденликни джайгъан – джокълукъ.
- Тёгюлген тюгел джыйылмайды.
- Джолунга кёре – джюрюшюнг, джагъанга кёре – юлюшюнг.
- Сютню башын джалагъан къутулур, тюбюн ичген тутулур.
- Кюн кёрмеген, кюн кёрсе, кюндюз чыракъ джандырыр.
- Бёрю да ач къалмасын, эчки да ашалмасын.
- Ариу – кёзге, акъыл – джюрекге.
- Чомартны къолу берекет.
- Тюз сёз баргъан сууну тыяр.
- Чомарт къолда мал къалмаз.
- Тюзню ётмеги тюзде къалса да, тас болмаз.
- Ауузу аманнга «иги», деме.
- Ариу джол аджал келтирмез.
- Бек ашыкъгъан меннге джетсин, дегенди аракъы.
- Джогъун бар этген, барын бал этген.
- Тенгинг джокъ эсе – изле, бар эсе – сакъла!
- Зар адамны насыбы болмаз.
- Джырчы джырчыгъа – къарнаш.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72