- Тойгъа барсанг, тоюб бар, эски тонунгу къоюб бар.
- Терслик кетер, тюзлюк джетер.
- Чакъырылмагъан джерге барма, чакъырылгъан джерден къалма.
- Джумушакъ сёз къаты таякъны сындырыр.
- Баш – акъыл ючюн, акъылман – халкъ ючюн.
- Адам сёзюнден белгили.
- Юйлю уругъа ит чабмаз.
- Ёлюк кебинсиз къалмаз.
- Танг атмайма десе да, кюн къоярыкъ тюйюлдю.
- Харам къарнашдан, халал тенг ашхы.
- Чакъырылмагъан къонакъ тёрге атламаз.
- Аманны къуугъан, аманлыкъ табар.
- Адамны бетине къарама, адетине къара.
- От кюйдюрген, сау болса да, тот кюйдюрген, сау болмаз.
- Къартха ушагъан джаш – акъыллы, джашха ушагъан къарт – тели.
- Джаш болсун, къыз болсун, акъылы, саны тюз болсун.
- Иги болса, тамадама – махтау, аман болса, меннге – айыб.
- Акъыллы эркиши атын махтар, акъылсыз эркиши къатынын махтар.
- Урама да – ёледи, сатама да – келеди.
- Чабакъгъа акъыл, табагъа тюшсе келеди.
- Къуллукъчума, деб махтанма, къуллукъ – хаух джамчыды!
- Къуру гыбыт бек дыгъырдар.
- Ойнай билмеген, уруб къачар.
- Тили узунну, намысы – къысха.
- Таукел адам тау тешер.
- Ачны эсинде – аш.
- Къарнынг ауруса, ауузунгу тый
- Эте билген, этген этеди, эте билмеген, юретген этеди!
- Магъанасыз сёз – тауушсуз сыбызгъы.
- Кютгени беш эчки, сызгъыргъаны уа, джерни джарады.
- Аман къатын алгъан, арыр, иги къатын алгъан джарыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёлюр джаннга, ёкюл джокъ.
- Эшекни не къадар тюйсенг да, ат болмаз.
- Таукел къуру къалмаз.
- Шекер бла туз – бир болмаз, ушамагъан – юй болмаз.
- Байлыкъ болгъан джерде, тынчлыкъ джокъду.
- Ким бла джюрюсенг, аны кёзю бла кёрюнюрсе.
- Джахил болса анасы, не билликди баласы?
- Айран тёгюлсе, джугъусу къалыр.
- Адамны аты башхача, акъылы да башхады.
- Къарнынг тойгъунчу аша да, белинг талгъынчы ишле.
- Тюз сёз баргъан сууну тыяр.
- Насыб бютеу халкъны юлюшюдю.
- Джарлы джети элни сёзюн этер.
- Эл бла кёргенинг эрелей.
- Ач келгенни – тойдур, кеч келгенни – къондур.
- Зар адам ашынгы ашар, кесинги сатар.
- Хата – гитчеден.
- Уллу сёлешме да, уллу къаб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72