- Бозанг болмагъан джерге, къалагъынгы сукъма.
- Бир онгсуз адам адет чыгъарды, деб эштирик тюлсе.
- Халкъгъа джарагъан, джарлы къалмаз.
- Накъырда – кертини келечиси.
- Байлыкъ тауусулур, билим тауусулмаз.
- Джол бла сёзню къыйыры джокъ.
- Ашлыкъны арба юйге келтирир, чана базаргъа элтир.
- Ач бёрюге мекям джокъ.
- Джылар джаш, атасыны сакъалы бла ойнар.
- Чабакъсыз кёлге къармакъ салгъанлыкъгъа, чабакъ тутмазса.
- Босагъа таш юйге кирмей эди, тыбыр таш эшикге чыкъмай эди.
- Ишни аллы бла къууанма да, арты бла къууан.
- Джангызны оту джарыкъ джанмаз!
- Суугъа – чабакъ, къаягъа – ыргъакъ.
- Намысы джокъну – дуниясы джокъ.
- Тойгъан антын унутур.
- Къатын байлыкъны сюер, эр саулукъну сюер.
- Огъурлуну сёзю – суу, огъурсузну сёзю – уу.
- Адеб джокъда, намыс джокъ.
- Кёл ашады да, кеси ашады.
- Байны къызы баймакъ болса да, юйде къалмаз!
- Иги – алгъыш этер, аман – къаргъыш этер.
- Мухардан ач ычхынмаз.
- Билген билмегенни юретген адетди.
- Иги адам абынса да, джангылмаз.
- Мал ёлсе, сюек къалыр, адам ёлсе, иши къалыр.
- Эл бла кёргенинг эрелей.
- Чомартха Тейри да борчлуду.
- Алим болгъандан эсе, адам болгъан къыйынды.
- Тюз сёз баргъан сууну тыяр.
- Тюкюрюк баш джармаз, налат кёз чыгъармаз!
- Тойгъа барсанг, тоюб бар, эски тонунгу къоюб бар.
- Кёлю джокъну – джолу джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Сабийликде юретмесенг, уллу болса – тюзелмез.
- Эл тойса, тоймагъан, эл къойса, къоймагъан.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къайгъы тюбю – тенгиз.
- Сютден ауузу кюйген, суугъа юфгюре эди.
- Ашыкъгъанны этеги бутуна чырмалыр.
- Нафысынгы айтханын этме, намысынгы айтханын эт.
- Хата – гитчеден.
- Сабий болмагъан джерде, мёлек болмаз.
- Эм уллу байлыкъ – джан саулукъ.
- Байлыкъ адамны сокъур этер.
- Кийиминг бла танылма, адамлыкъ бла таныл.
- Насыблы элин сюер, насыбсыз кесин сюер.
- Ач къарынны, токъ билмез
- Къазанда болса, чолпугъа чыгъар.
- Сыфатында болмагъаны, суратында болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72