- Тенги кёбню джау алмаз, акъылы кёбню дау алмаз.
- Джарлы тюеге минсе да, ит къабар.
- Олтуруб кёрюнмей эди да, ёрге туруб кёрюне эди.
- Къарнынг бла ёч алма.
- Юре билмеген ит, къонакъ келтирир.
- Эл элде бирер малынг болгъандан эсе, бирер тенгинг болсун.
- Башсыз урчукъ тюзюне айланмаз.
- Къыз чыгъаргъан – къызыл къымжа.
- Сёз – кюмюш, джыр – алтын.
- Джангыз терек къынгыр ёсер.
- Окъугъанны бети джарыкъ.
- Джолда аягъынга сакъ бол, ушакъда тилинге сакъ бол.
- Тил джюрекге джол ишлейди.
- Эл ауузу – элек, анга ийнаннган – халек.
- Билим ат болуб да чабар, къуш болуб да учар.
- Танг атмайма десе да, кюн къоярыкъ тюйюлдю.
- Кийимни бичсенг, кенг бич, тар этген къыйын тюлдю.
- Тюкюрюк баш джармаз, налат кёз чыгъармаз!
- Керти сёзге тёре джокъ.
- Элге къуллукъ этмеген, элге ие болмаз.
- Сагъышы джокъ – джукъучу, акъылы джокъ – къаугъачы.
- Чомартны къолун джокълукъ байлар.
- Ауузу аманнга «иги», деме.
- Баш – акъыл ючюн, акъылман – халкъ ючюн.
- Тойгъа барсанг, тоюб бар, эски тонунгу къоюб бар.
- Ауузу бла къуш тута айланады.
- Аман адам элни бир-бирине джау этер.
- Окъумагъан сокъурду, сокъур ташха абыныр!
- Эте билген, этген этеди, эте билмеген, юретген этеди!
- Ишлерге уял да, ашаргъа табма.
- Тау башында, тау болмаз, джангыз терек, бау болмаз.
- Билимли ёлмез, билимсиз кёрмез.
- Ариу сёз – къылычдан джити.
- Ёлюк кебинсиз къалмаз.
- Башы ишлегенни, ауузу да ишлер.
- Тойгъан джерден туугъан джер игиди.
- Джан саулукъ бермей, сан саулукъ бермезсе.
- Хар ишни да аллы къыйынды.
- Акъдан къара болмаз.
- Татлы сёз – балдан татлы.
- Билим – акъылны чырагъы.
- Къартха ушагъан джаш – акъыллы, джашха ушагъан къарт – тели.
- Тенгинг джокъ эсе – изле, бар эсе – сакъла!
- Къызын тута билмеген, тул этер, джашын тута билмеген, къул этер.
- Этим кетсе да, сюегим къалыр.
- Биреуню эскиси биреуге джангы болмайды.
- Дуния малгъа сатылма, кесингден телиге къатылма.
- Зар адамны насыбы болмаз.
- Тюзлюк тас болмайды.
- Джети тилни билген джети кишиди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72