- Аман киши кеси юйюнде – къонакъ.
- Джюрек кёзден алгъа кёрюр.
- Адам къаллай бир ишленмесе, аллай бир кесин уллу кёреди.
- Джогъун бар этген, барын бал этген.
- Ёлген аслан – сау чычхан.
- Эринчекни аурууу – кёб.
- Кийим тукъум сордурур.
- Джырчы ёлсе, джыры къалыр.
- Акъыл сабырлыкъ берир.
- Айырылгъанланы айю ашар, бёлюннгенлени бёрю ашар.
- Ашыкъгъан cуу, тенгизге джетмез.
- Татлы тилде – сёз ариу, чемер къолда – иш ариу.
- Джыгъылгъанны сырты джерден тоймаз.
- Ашхы болсанг, атынг чыгъар, аман болсанг, джанынг чыгъар.
- Билмезни кёзю кёрмез, этмезни къулагъы эшитмез.
- Чыкълы кюнде чыкъмагъан, чыкъса къуру кирмеген.
- Айтханы чапыракъдан ётмеген.
- Аурууну келиую тынч, кетиую – къыйын.
- Кеси юйюмде мен да ханма.
- Зар адам ашынгы ашар, кесинги сатар.
- Адамны джюреги нени кёрюрге сюйсе, кёзю да аны кёрюрге ёч болады.
- Акъыл неден да кючлюдю.
- Ана къойну – балагъа джандет.
- Нарт сёз къарт болмаз.
- Къарны аманнга къазан такъдырма, къолу аманнга от джакъдырма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джолунга кёре – джюрюшюнг, джагъанга кёре – юлюшюнг.
- Ётюрюк хапар аякъ тюбю бла джюрюйдю.
- Адамны аты башхача, акъылы да башхады.
- Джерни букъусу кёкге къонмаз.
- Айтхан – тынч, этген – къыйын.
- Аллахдан тилесенг, кёб тиле.
- Ариу – кёзге, акъыл – джюрекге.
- Накъырданы арты керти болур.
- Къонакъ болсанг, ийнакъ бол.
- Мал кёб болса, джууукъ кёб болур.
- Башланнган иш битер, къымылдагъан тиш тюшер.
- Эли джокъну – кёлю джокъ.
- Тойну къарнашы – харс, джырны къарнашы – эжиу.
- Сёз – кюмюш, джыр – алтын.
- Къайгъы тюбю – тенгиз.
- Тойгъан джерге джети къайт.
- Суу да къайтады чыкъгъан джерине.
- Ишни ахырын ойламай, аллын башлама.
- Иги адам абынса да, джангылмаз.
- Адамны адамлыгъы къыйынлыкъда айгъакъланады.
- Биреуге кёлтюрген таягъынг, кесинги башынга урур.
- Бермеген къол, алмайды.
- Ёлюр джаннга, ёкюл джокъ.
- Таугъа чыгъаллыкъ эсенг, тюзде къалма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72