- Ёлген ийнек сютлю болур.
- Ач уят къоймаз.
- Адам къаллай бир ишленмесе, аллай бир кесин уллу кёреди.
- Джумушакъ сёз къаты таякъны сындырыр.
- Къайтырыкъ эшигинги, къаты уруб чыкъма.
- Эски джаугъа ышанма.
- Сууда джау джокъ, кёб сёзде магъана джокъ.
- Халкъны юйю – туугъан джери.
- Джигер – джаннга къыйынлыкъ.
- Джарлы эскисин джамаса, къууаныр.
- Бети бедерден, намыс сакълама.
- Тойчу джашха къарама, къойчу джашха къара.
- Ач отунчуну ачыуу – бурнунда.
- Ишни аллы бла къууанма да, арты бла къууан.
- Аш иеси бла татлыды.
- Тилсиз миллет джокъ болур.
- Кёб ант этген, кёб ётюрюк айтыр.
- Ариу сёз – къылычдан джити.
- Билим ат болуб да чабар, къуш болуб да учар.
- Келинни – келгинчи, бёркню кийгинчи кёр.
- Бетинги сатма, малынгы сат.
- Джарлы джети элни сёзюн этер.
- Мураты болгъанны джюрек тебюую башхады.
- Чомартха хар кюн да байрамды.
- Чакъырылмай келген къонакъ сыйланмай кетер.
- Ауузу аманнга «иги», деме.
- Къолу уллу – асыу, аягъы уллу – джарсыу.
- Ауузу бла къуш тута айланады.
- Атлыны кёрсе, джаяуну буту талыр.
- Аз сёлешген, къайгъысыз турур.
- Атынг аманнга чыкъгъандан эсе, джанынг тамагъынгдан чыкъсын.
- Таугъа чыгъаллыкъ эсенг, тюзде къалма.
- Ёзденликни кёбю ётюрюк.
- Татлы тилде – сёз ариу, чемер къолда – иш ариу.
- Къозулугъунда тоймагъан, къойлугъунда тоймаз.
- Сакъламагъан затынга джолукъсанг, не бек къууанаса, не бек ачыйса.
- Олтуруб кёрюнмей эди да, ёрге туруб кёрюне эди.
- Кийим тукъум сордурур.
- Эри аманны, къатыны – аман.
- Харам къарнашдан, халал тенг ашхы.
- Аууздан келген, къолдан келсе, ким да патчах болур эди.
- Къонакъ аз олтурур, кёб сынар.
- Къолунгдан къуймакъ ашатсанг да, атаны борчундан къутулмазса.
- Ашына кёре табагъы, балына кёре къалагъы.
- Кюн – узун, ёмюр – къысха.
- Байдан умут эте, джарлыдан ёгюз багъасы къорады.
- Халкъгъа джарагъан, джарлы къалмаз.
- Тёрени джагъы джокъ.
- Билим къая тешер.
- Ашхы адам – халкъ байлыгъы, ашхы джер – джашау байлыгъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72