- Айтханы чапыракъдан ётмеген.
- Ашарыкъда сайлагъаннга – чий гырджын.
- Суу ичген шауданынга тюкюрме.
- Тенги кёбню джау алмаз, акъылы кёбню дау алмаз.
- Босагъа таш юйге кирмей эди, тыбыр таш эшикге чыкъмай эди.
- Акъыллы эркиши атын махтар, акъылсыз эркиши къатынын махтар.
- Юйлю уругъа ит чабмаз.
- Джаз бир кюнню джатсанг, къыш талай кюнню абынырса.
- Джангызны оту джарыкъ джанмаз!
- Келлик заман – къартлыкъ келтирир, кетген заман – джашлыкъ ёлтюрюр.
- Кёбден умут этиб, аздан къуру къалма.
- Ёзденликни джайгъан – джокълукъ.
- Аджашханны ызындагъы кёреди, джангылгъанны джанындагъы биледи.
- Ёзденликни кёбю ётюрюк.
- Душманны тышы – акъ, ичи – къара.
- Ёлмесенг да, къарт дамы болмазса?
- Бермеген къол, алмайды.
- Эркишини аманы тиширыуну джылатыр.
- Акъдан къара болмаз.
- Ишленмеген джаш – джюгенсиз ат, ишленмеген къыз – тузсуз хант.
- Кюн кёрмеген, кюн кёрсе, кюндюз чыракъ джандырыр.
- Этим кетсе да, сюегим къалыр.
- Джумушакъ терекни къурт ашар.
- Эр сокъур болсун, къатын тилсиз болсун.
- Ауузу бла къуш тута айланады.
- Малны кют, джерни тюрт.
- Ёксюзню къалачы уллу кёрюнюр.
- Тулпарлыкъ, билекден тюл – джюрекден.
- Эрине къаргъыш этген къатын, эрнин къабар.
- Ачыкъ джюрекге джол – ачыкъ.
- Тойгъанлыкъ къойгъа джарашады.
- Рысхы – сют юсюнде кёмюк кибикди.
- Джаш къарыу бла кючлю, къарт акъыл бла кючлю.
- Билмейме деген – бир сёз
- Ёпкелегенни ашы татлы болады.
- От кюйдюрген, сау болса да, тот кюйдюрген, сау болмаз.
- Ишлегенде эринме, ишде чолакъ кёрюнме.
- Хата – гитчеден.
- Аманнга алтын чыдамаз.
- Джюрекге ариу – кёзге да ариу.
- Тойгъандан сора, ашны сёкме.
- Татлы тилде – сёз ариу, чемер къолда – иш ариу.
- Насыблы элин сюер, насыбсыз кесин сюер.
- Керти сёзге тёре джокъ.
- Къонакъны къачан кетерин сорма, къачан келлигин сор.
- Ишни ахырын ойламай, аллын башлама.
- Окъугъан – асыу, окъумагъан – джарсыу.
- Бек анасы джыламаз.
- Бал – татлы, балдан да бала – татлы.
- Эки ойлашыб, бир сёлешген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72