- Аман адам этегингден тутса, кес да къач.
- Джиби бир къат джетмей эди да, эки къат тарта эди.
- Тилчи тилден къаныкъмаз.
- Къулакъдан эсе, кёзге ышан.
- Борчунг бар эсе, хурджунунга ойлаб узал.
- Джуртун къоругъан озар.
- Уллу къашыкъ эрин джыртар.
- Эм уллу байлыкъ – джан саулукъ.
- Абынмазлыкъ аякъ джокъ, джангылмазлыкъ джаякъ джокъ.
- Сабий кёргенин унутмаз.
- Эркишини аманы тиширыуну джылатыр.
- Сабыр джетер муратха, сабырсыз къалыр уятха.
- Кеси юйюмде мен да ханма.
- Сёз сёзню айтдырыр.
- Керек ташны ауурлугъу джокъ.
- Джети тилни билген джети кишиди.
- Айранны сюйген, ийнек тутар.
- Байлыкъдан саулукъ ашхыды.
- Ёлмесенг да, къарт дамы болмазса?
- Аман эсирсе, юйюн ояр.
- Харам къарнашдан, халал тенг ашхы.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ариу сёз аурууунгу алыр.
- Атлыны кёрсе, джаяуну буту талыр.
- Уллу атлама – абынырса, уллу къабма – къарылырса.
- Аууздан келген, къолдан келсе, ким да патчах болур эди.
- Аш хазыр болса, иш харам болур.
- Кирсизни – саны таза, халалны – къаны таза.
- Тили узунну, намысы – къысха.
- Акъыллы башны – тили къысха.
- Ариу сёз – къылычдан джити.
- Телини эшигин, махтау джабар.
- Иги адамны бир сёзю эки болмаз.
- Аджал соруб келмез, келсе, къайтыб кетмез.
- Ёксюзню къалачы уллу кёрюнюр.
- Къарнынг къанлынга кийирир.
- Хар адамгъа кеси миннген тау кибик.
- Бастасын ашагъан, хантусун да ичер.
- Тил бла келеди джыр да.
- Чакъырылмагъан къонакъ тёрге атламаз.
- Киштикге къанат битсе, чыпчыкъ къалмаз эди.
- Тёрдеги кюлсе, эшикдеги ышарыр.
- Урама да – ёледи, сатама да – келеди.
- Ариу сёз джыланны орнундан чыгъарыр.
- Келгинчи, къонакъ уялыр, келгенден сора, къонакъбай уялыр.
- Байлыкъ келсе, акъыл кетер.
- Кёл – къызбай, къол – батыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джюз элде джюз ёгюзюм болгъандан эсе, джюз джууугъум болсун.
- Тёрде – темир таякълы, къаяда – чыпчыкъ аякълы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72