- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джыйырма къойну юч джыйырма эбзе кюте эди.
- Кенгеш болса, уруш болмаз.
- Танг атмайма десе да, кюн къоярыкъ тюйюлдю.
- Ёксюзню къалачы уллу кёрюнюр.
- Мухардан ач ычхынмаз.
- Ауурну тюбю бла, дженгилни башы бла джюрюген.
- Тойну къарнашы – харс, джырны къарнашы – эжиу.
- Кюлме джашха – келир башха.
- Джырчы ёлсе, джыры къалыр.
- Сабий болмагъан джерде, мёлек болмаз.
- Рысхысына кёре, джаш ёсер, къышлыгъына кёре, мал ёсер.
- Тёрде – темир таякълы, къаяда – чыпчыкъ аякълы.
- Кёпюр салгъан кеси ётер, уру къазгъан кеси кетер.
- Башсыз урчукъ тюзюне айланмаз.
- Аман хансны – урлугъу кёб.
- Башы джабылгъан челекге, кир тюшмез.
- Рысхы – сют юсюнде кёмюк кибикди.
- Биреуню тёрюнден, кесинги эшик артынг игиди.
- Къууут – джелге, берне – бошха.
- Сабий кёргенин унутмаз.
- Хоншуну тауугъу къаз кёрюнюр, келини къыз кёрюнюр.
- Билим къая тешер.
- Рысхы джалгъанды: келген да этер, кетген да этер.
- Бети бедерден, намыс сакълама.
- Бойнуму джети джерден кессенг да, мен ол ишни этеллик тюлме.
- Къайтырыкъ эшигинги, къаты уруб чыкъма.
- Этим кетсе да, сюегим къалыр.
- Кютгени беш эчки, сызгъыргъаны уа, джерни джарады.
- Джарлы джети элни сёзюн этер.
- Намысы болмагъанны, сыйы болмаз.
- Ашлыкъны арба юйге келтирир, чана базаргъа элтир.
- Джангызны оту джарыкъ джанмаз!
- Джылкъыдан – ат чыгъар, тукъумдан – джаш чыгъар.
- Ашха уста, юйюнде болсун
- Этек чакъмакълары баш джаргъан, сёлешген сёзлери таш джаргъан.
- Джеринден айырылгъан – джети джылар, джуртундан айырылгъан – ёлгюнчю джылар.
- Аш иеси бла татлыды.
- Башы ишлегенни, ауузу да ишлер.
- Этни бети бла шорпасы.
- Чомартны къолу берекет.
- Адеб этмеген, адеб кёрмез.
- Бир абыннган – минг сюрюнюр.
- Кийиминг бла танылма, адамлыкъ бла таныл.
- Ашда – бёрю, ишде – ёлю.
- Таш бла ургъанны, аш бла ур.
- Суу кетер, таш къалыр.
- Суугъа – таянма, джаугъа – ийнанма.
- Джашны джигитлиги сорулур, къызны джигерлиги сорулур.
- Иги сёз – джаннга азыкъ, аман сёз башха – къазыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72