Эльбрусоид :: Форум :: Архив форумов

Иги бла джюрюсенг, джетерсе муратынга, аман бла джюрюсенг, къалырса уятха.
Насыб бютеу халкъны юлюшюдю.
Ургъан суудан башынгы сакъла.
От кюйдюрген, сау болса да, тот кюйдюрген, сау болмаз.
Ушамагъан – джукъмаз.
Керти сёзге тёре джокъ.
Джашлыкъ этмеген, башлыкъ этмез.
Келлик заман – къартлыкъ келтирир, кетген заман – джашлыкъ ёлтюрюр.
Атадан ёксюз – бир ёксюз, анадан ёксюз – эки ёксюз.
Ёлюр джаннга, ёкюл джокъ.
Ата – баланы уясы.
Адебсиз адам – джюгенсиз ат.
Тёзген – тёш ашар!
Ёлмесенг да, къарт дамы болмазса?
Акъыл бла адеб эгизледиле.
Ач, тоймам, дейди, тойгъан, ач болмам, дейди.
Кёл ашады да, кеси ашады.
Башынга джетмегенни сорма.
Чомартха Тейри да борчлуду.
Магъанасыз сёз – тауушсуз сыбызгъы.
Айтхан сёзюне табылгъан.
Ауурну тюбю бла, дженгилни башы бла джюрюген.
Къыз келсе, джумуш эте келеди, къатын келсе, ушакъ эте келеди.
Ишленмеклик адамлыкъды.
Аманны тукъумуна къарама, игини тукъумун сорма.
Эринчекни эр алмаз, эр алса да, кёл салмаз, кёл салса да, кёб бармаз!
Кёкдеги болмаса, джердегин кёрмейди.
Сёз – кюмюш, джыр – алтын.
Джыйырма къойну юч джыйырма эбзе кюте эди.
Хар адамгъа кеси миннген тау кибик.
Суу кетер, таш къалыр.
Билеги кючлю, бирни джыгъар, билими кючлю, мингни джыгъар.
Эски джаугъа ышанма.
Джети тилни билген джети кишиди.
Ишлемеген – тишлемез.
Биреу къой излей, биреу той излей.
Aдам боллукъ, сыфатындан белгили.
Бети – къучакълар, джюреги – бычакълар.
Сёз къанатсыз учар.
Ёнгкюч къууана барыр, джылай келир.
Чыбыкълыкъда бюгюлмеген, къазыкълыкъда бюгюлмей эди.
Илму – джашауну джолу.
Билим ат болуб да чабар, къуш болуб да учар.
Къая джолда джортма, ачыкъ сёзден къоркъма.
Сабий болмагъан джерде, мёлек болмаз.
Аджалсыз ёлюм болмаз.
Къарыусузгъа кюлме, онгсузгъа тийме.
Келинин тута билмеген, къул этер, къызын тута билмеген, тул этер.
Ашлыкъны арба юйге келтирир, чана базаргъа элтир.
Джаз бир кюнню джатсанг, къыш талай кюнню абынырса.

Логин:
Пароль:
	Запомнить меня на этом компьютере

Забыли свой пароль?
Регистрация