- Тин – байлыгъынг, терен саулугъунг.
- Къартны сыйын кёрмеген, къартлыгъында сыйлы болмаз.
- Мал кёб болса, джууукъ кёб болур.
- Ойнай билмеген, уруб къачар.
- Абынмазлыкъ аякъ джокъ, джангылмазлыкъ джаякъ джокъ.
- Чабар ат – джетген къыз.
- Ачлыкъ отха секиртир.
- Эл тойса, тоймагъан, эл къойса, къоймагъан.
- Джылар джаш, атасыны сакъалы бла ойнар.
- Азыкълы ат арымаз, къатыны аман джарымаз.
- Кёз – сюйген джерде, къол – ауругъан джерде.
- Уллу къашыкъ эрин джыртар.
- Этни да ашады, бетни да ашады.
- Нёгерсизни джолу узун.
- Къралынгы – душмандан, башынгы от бла суудан сакъла.
- Чакъырылмай келген къонакъ сыйланмай кетер.
- Джарлы эскисин джамаса, къууаныр.
- Къазанда болса, чолпугъа чыгъар.
- Душманны тышы – акъ, ичи – къара.
- Мухарны эси – ашарыкъда.
- Ата Джуртуму башы болмасам да, босагъасында ташы болайым.
- Билимли ёлмез, билимсиз кёрмез.
- Тилсиз миллет джокъ болур.
- Джаханимни кёрмей, джандетге кёл салмазса.
- Айтылгъан сёз ызына къайтмаз.
- Этни бети бла шорпасы.
- Суу да къайтады чыкъгъан джерине.
- Адебсиз адам – джюгенсиз ат.
- Сыфатында болмагъаны, суратында болмаз.
- Къонакъ аман болса, къонакъбай джунчур
- Суугъа – чабакъ, къаягъа – ыргъакъ.
- Ишленмеклик адамлыкъды.
- Джаз бир кюнню джатсанг, къыш талай кюнню абынырса.
- Нёгер болсанг, тенг бол, тенг болмасанг, кенг бол.
- Артына баргъанны, къатына барма.
- Ашлыкъ – бюртюкден, джюн – тюкден.
- Кёзден кетген, кёлден да кетеди.
- Иесиз малны бёрю ашар.
- Къумурсхала джыйылсала, пилни да джыгъадыла.
- Бет бетге къараса, бет да джерге къарар.
- Башда акъыл болмаса, эки аякъгъа кюч джетер.
- Джыланны къуйругъундан басарынг келсе, аны башы болгъанын унутма.
- Таш ата билмеген, башына урур.
- Байлыкъ келсе, акъыл кетер.
- Телиге акъыл салгъандан эсе, ёлгеннге джан салырса.
- Уруну арты – къуру.
- Къарнынг къанлынга кийирир.
- Ишин билген, аны сыйын чыгъарады.
- Бойнуму джети джерден кессенг да, мен ол ишни этеллик тюлме.
- Ишни ахырын ойламай, аллын башлама.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72