- Аман адам этегингден тутса, кес да къач.
- Суу кетер, таш къалыр.
- Аман къатын сабий табса, бий болур…
- Эллинг бла джау болсанг да, юйюнг бла джау болма.
- Юй ишлеген балта эшикде къалыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Къая джолда джортма, ачыкъ сёзден къоркъма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ёнгкюч къууана барыр, джылай келир.
- Ойнай билмеген, оюн бузар.
- Ата джурт – алтын бешик.
- Эртде тургъан джылкъычыны эркек аты тай табар.
- Къайтырыкъ эшигинги, къаты уруб чыкъма.
- Телини эшигин, махтау джабар.
- Аллахха ийнаннган кишини, Аллах онгдурур ишин.
- Танг атмайма десе да, кюн къоярыкъ тюйюлдю.
- Чёбню кёлтюрсенг, тюбюнден сёз чыгъар.
- Эринчекни аурууу – кёб.
- Акъыл аздырмаз, билим тоздурмаз.
- Ёзденликни кёбю ётюрюк.
- Джашда акъыл джокъ, къартда къарыу джокъ.
- Хазыр ашха – терен къашыкъ.
- Тойгъан антын унутур.
- Тюз сёз баргъан сууну тыяр.
- Эл ауузу – элек, анга ийнаннган – халек.
- Акъдан къара болмаз.
- Иши джокъну, сыйы джокъ.
- Джаралыны джастыгъында сау ёлюр.
- Суу ичген шауданынга тюкюрме.
- Ойнай билмеген, уруб къачар.
- Ат басханны джер билед.
- Къозулугъунда тоймагъан, къойлугъунда тоймаз.
- Тойгъа барсанг, тоюб бар, эски тонунгу къоюб бар.
- Къар – келтирди, суу – элтди.
- Тойгъан джерге джети къайт.
- Тау башында, тау болмаз, джангыз терек, бау болмаз.
- Къыз тиширыу кеси юйюнде да къонакъды.
- Сёз садакъдан кючлюдю.
- Иги сеники эсе да, сюйген кесимикин этеме.
- Чакъырылмагъан къонакъ къачан кетерин сормаз.
- Киштикге къанат битсе, чыпчыкъ къалмаз эди.
- Халкъны юйю – туугъан джери.
- Алим болгъандан эсе, адам болгъан къыйынды.
- Билим – акъылны чырагъы.
- Уллу суу бла уллу ауруудан башынгы сакъла.
- Баланы адам этген анады.
- Чомартха Тейри да борчлуду.
- Къонагъы джокъну – шоху джокъ.
- Айырылмаз джууугъунга, унутмаз сёзню айтма.
- Дуния малгъа сатылма, кесингден телиге къатылма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72