- Кесинг сынамагъан затны, адамгъа буюрма.
- Кёб ант этген, кёб ётюрюк айтыр.
- Билим ат болуб да чабар, къуш болуб да учар.
- Ата Джуртуму башы болмасам да, босагъасында ташы болайым.
- Алтыда кюлмеген, алтмышда кюлмез.
- Аууздан келген, къолдан келсе, ким да патчах болур эди.
- Билим къая тешер.
- Кесине гебен этелмеген, биреуге черен эте эди.
- Ачлыкъ отха секиртир.
- Мухарны эси – ашарыкъда.
- Тилчи бир сагъатха айлыкъ хата этер.
- Чомарт джарлы болмаз.
- Билген билмегенни юретген адетди.
- Тыш элде солтан болгъандан эсе, кесинги элде олтан болгъан игиди!
- Онгсузну – джакъла, тенгликни – сакъла.
- Азыкълы ат арымаз, къатыны аман джарымаз.
- Нарт сёз – тилни бети.
- Айтылгъан сёз ызына къайтмаз.
- Ёксюзню тилеги къабыл болур.
- Адеб базарда сатылмаз.
- Илму – джашауну джолу.
- Адебсиз адам – джюгенсиз ат.
- Къарнынг бла ёч алма.
- Термилгенинги табмазса, кюлгенинге тюберсе.
- От этилмеген джерден тютюн чыкъмайды.
- Терслик кетер, тюзлюк джетер.
- Къарын къуру болса, джюрек уру болур.
- Эл ауузу – элия.
- Айранын берсенг, челегин да къызгъанма.
- Юйюнгден чыкъдынг – кюнюнгден чыкъдынг.
- Юйюнг бла джау болгъандан эсе, элинг бла джау бол.
- Насыблы элин сюер, насыбсыз кесин сюер.
- Джол бла сёзню къыйыры джокъ.
- Кёлю джокъну – джолу джокъ.
- Ата – билек, ана – джюрек!
- Хаухну атма, ёнгкючню сатма.
- Эшекге миннген – биринчи айыб, андан джыгъылгъан – экинчи айыб.
- Ханнга да келеди хариблик.
- Ачлыкъда тары гырджын халыуадан татлы.
- Накъырда – кертини келечиси.
- Адам къыйынлыгъын кёлтюрюр, зауукълугъун кёлтюрмез.
- Татлы тилде – сёз ариу, чемер къолда – иш ариу.
- Иесиз малны бёрю ашар.
- Адебни адебсизден юрен.
- Иги адамны бир сёзю эки болмаз.
- Босагъагъа джууукъ орун болса, ашыгъыб тёрге озма.
- Тин – байлыгъынг, терен саулугъунг.
- Тилчи тилден къаныкъмаз.
- Кёз – сюйген джерде, къол – ауругъан джерде.
- Этим кетсе да, сюегим къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72