Эльбрусоид :: Форум :: Архив форумов

Адамны сабийин сюйген джюреги, бычакъча, джитиди.
Кютгени беш эчки, сызгъыргъаны уа, джерни джарады.
Башы джабылгъан челекге, кир тюшмез.
Ётюрюк хапар аякъ тюбю бла джюрюйдю.
Юйюнгден чыкъдынг – кюнюнгден чыкъдынг.
Элиб деген, элге болушур.
Бал ашаргъа сюе эсенг, чибин ургъаннга тёз.
Таугъа чыгъаллыкъ эсенг, тюзде къалма.
Бёрю да ач къалмасын, эчки да ашалмасын.
Сютню башын джалагъан къутулур, тюбюн ичген тутулур.
Кечеси – аяз, кюню – къыш, джарлы къаргъагъа бир аш тюш!
Минг тенг да азды, бир джау да кёбдю.
Биреуню эскиси биреуге джангы болмайды.
Олтуруб кёрюнмей эди да, ёрге туруб кёрюне эди.
Акъдан къара болмаз.
Джюрек кёзден алгъа кёрюр.
Ишлемеген – тишлемез.
Чыкълы кюнде чыкъмагъан, чыкъса къуру кирмеген.
Болджал ишни бёрю ашар.
Суу да къайтады чыкъгъан джерине.
Аджаллыгъа окъсуз шкок атылыр.
Ачлыкъда тары гырджын халыуадан татлы.
Къарнынг тойгъунчу аша да, белинг талгъынчы ишле.
Джаханимни кёрмей, джандетге кёл салмазса.
Къарнынг бла ёч алма.
Байлыкъ тауусулур, билим тауусулмаз.
Шайтан алдады, тюзлюк къаргъады.
Чомарт джарлы болмаз.
Джан саулукъ бермей, сан саулукъ бермезсе.
Кийиминг бла танылма, адамлыкъ бла таныл.
Ётген ёмюр – акъгъан суу.
Бек ашыкъгъан меннге джетсин, дегенди аракъы.
Нёгер болсанг, тенг бол, тенг болмасанг, кенг бол.
Биреуге аманлыкъны тилеме да, кесинге ашхылыкъны тиле.
Джангыз терек къынгыр ёсер.
Джыгъылгъанны сырты джерден тоймаз.
Адамны аты башхача, акъылы да башхады.
Иги – алгъыш этер, аман – къаргъыш этер.
Тиширыусуз юй – отсуз от джагъа.
Джашынгы кесинг юретмесенг, джашау юретир.
Накъырда – кертини келечиси.
Джуртун къоругъан озар.
Урунуу – насыбны анасы.
Бюгюн дуния кибик, тамбла ахыратды.
Чабакъ башындан чирийди.
Битмегеннге сакъал – танг.
Чомартны къолун джокълукъ байлар.
Берекет берсин деген джерде, берекет болур.
Ачылгъан эт джабылыр, кёрген кёз унутмаз.
Эте билген, этген этеди, эте билмеген, юретген этеди!

Логин:
Пароль:
	Запомнить меня на этом компьютере

Забыли свой пароль?
Регистрация