- Чакъырылмагъан къонакъ – орунсуз.
- Эри аманны, къатыны – аман.
- Керти сёзге тёре джокъ.
- Айтылгъан буйрукъ, сёгюлмез
- Тёрдеги кюлсе, эшикдеги ышарыр.
- Махтаннган къыз, тойда джукълар.
- Хаухну атма, ёнгкючню сатма.
- Кийим тукъум сордурур.
- Чыкълы кюнде чыкъмагъан, чыкъса къуру кирмеген.
- Къартны бурнун сюрт да, оноугъа тут.
- Кёзю сокъурдан – къоркъма, кёлю сокъурдан – къоркъ.
- Аманны эки битли тону болур, бирин сеннге кийдирир, бирин кеси киер.
- Ана къолу ачытмаз.
- Окъумагъан сокъурду, сокъур ташха абыныр!
- Ашхы – джыяр, аман – джояр.
- Эрни эр этерик да, къара джер этерик да, тиширыуду.
- Чакъырылмай келген къонакъ сыйланмай кетер.
- Оюмсуз атлагъан, аджалсыз ёлюр.
- Телиге от эт десенг, юйюнге от салыр.
- Мураты болгъанны джюрек тебюую башхады.
- Адамны аманы адамны бети бла ойнар.
- Тюзлюк шохлукъну бегитир.
- Джарлы тюеге минсе да, ит къабар.
- Билимден уллу байлыкъ джокъду.
- Уясында не кёрсе, учханында аны этер.
- Иги болса, тамадама – махтау, аман болса, меннге – айыб.
- Уллу айтханны этмеген – уллаймаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Башланнган иш битер, къымылдагъан тиш тюшер.
- Кёлсюзден сёзсюз тууар.
- Тешигини къатында, чычхан да батыр болур.
- Къазанны башы ачыкъ болса, итге уят керекди.
- Тойчу джашха къарама, къойчу джашха къара.
- Башы джабылгъан челекге, кир тюшмез.
- Ач бёрюге мекям джокъ.
- Миллетни бойну – базыкъ, аны бла кюрешген – джазыкъ.
- Ана – юйню кюн джарыгъы.
- Кёбню кёрген – кёб билир.
- Сибиртки да сыйлы болду, кюрек да кюнлю болду.
- Ариу – кёзге, акъыл – джюрекге.
- Бёрю да ач къалмасын, эчки да ашалмасын.
- Адеб джокъда, намыс джокъ.
- Аман киши кеси юйюнде – къонакъ.
- Ишин билген, аны сыйын чыгъарады.
- Айранын берсенг, челегин да къызгъанма.
- Таула не мийик болсала да, аууш табылыр.
- Кёб джашагъан – кёб билир.
- Термилгенинги табмазса, кюлгенинге тюберсе.
- Аджашханны ызындагъы кёреди, джангылгъанны джанындагъы биледи.
- Айырылгъанланы айю ашар, бёлюннгенлени бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72