- Окъдан джара эртде-кеч болса да бителир, сёз джара, ёмюрге къалыр.
- Миллетни бойну – базыкъ, аны бла кюрешген – джазыкъ.
- Эл ауузу – элия.
- Арба аугъандан сора, джол кёргюзтюучю кёб болур.
- Джуртун къоругъан озар.
- Юйюнгден чыкъдынг – кюнюнгден чыкъдынг.
- Къызны минг тилер, бир алыр.
- Джиби бир къат джетмей эди да, эки къат тарта эди.
- Аурууну келиую тынч, кетиую – къыйын.
- Кёзю сокъурдан – къоркъма, кёлю сокъурдан – къоркъ.
- Чакъырылмагъан къонакъ къачан кетерин сормаз.
- Кёрмегеннге кебек – танг, битмегеннге сакъал – танг.
- Ашына кёре табагъы, балына кёре къалагъы.
- Ашхы – джыяр, аман – джояр.
- Сютню башын джалагъан къутулур, тюбюн ичген тутулур.
- Ханнга да келеди хариблик.
- Къалгъан ишге къар джауар.
- Эм ашхы къайын ана мамукъ бла башынгы тешер.
- Ашхы тенг джолгъа салыр, аман тенг джолдан тайдырыр.
- Айныгъанлы алты кюн, тогъайгъанлы тогъуз кюн.
- Джаным-тиним – окъуу, билим.
- Ишлемеген – тишлемез.
- Тулпарлыкъ, билекден тюл – джюрекден.
- Терслик кетер, тюзлюк джетер.
- «Ма», - дегенни билмесенг, «бер», - дегенни билмезсе.
- Таугъа чыгъаллыкъ эсенг, тюзде къалма.
- Уллу къашыкъ эрин джыртар.
- Кёб джашагъан – кёб билир.
- Ашда уялгъан – мухар, ишде уялгъан – хомух.
- Биреуге аманлыкъны тилеме да, кесинге ашхылыкъны тиле.
- Къарт бла баш аша, джаш бла аякъ аша.
- Эринчекни аурууу – кёб.
- Эринчекни эр алмаз, эр алса да, кёл салмаз, кёл салса да, кёб бармаз!
- Минг тенг да азды, бир джау да кёбдю.
- Уллу айтханны этмеген – уллаймаз.
- Адамны аты башхача, акъылы да башхады.
- Аллахдан тилесенг, кёб тиле.
- Джаз бир кюнню джатсанг, къыш талай кюнню абынырса.
- Уллу сёзде уят джокъ.
- Эл тойса, тоймагъан, эл къойса, къоймагъан.
- Окъугъан – асыу, окъумагъан – джарсыу.
- Телини эшигин, махтау джабар.
- Бичгенде ашыкъма, тикгенде ашыкъ.
- Адамны джюреги нени кёрюрге сюйсе, кёзю да аны кёрюрге ёч болады.
- Кенгеш болса, уруш болмаз.
- Сабыр джетер муратха, сабырсыз къалыр уятха.
- Халкъны джырын джырласанг, халкъ санга эжиу этер.
- Тилчи тилден къаныкъмаз.
- Шекер бла туз – бир болмаз, ушамагъан – юй болмаз.
- Чыкълы кюнде чыкъмагъан, чыкъса къуру кирмеген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72