- Бозанг болмагъан джерге, къалагъынгы сукъма.
- Аман адам элни бир-бирине джау этер.
- Биреуге аманлыкъны тилеме да, кесинге ашхылыкъны тиле.
- Ёмюрлюк шохлукъну джел элтмез.
- Элиб деген, элге болушур.
- Ата Джуртуму башы болмасам да, босагъасында ташы болайым.
- Акъыллы – эл иеси, тели – эл баласы.
- Шапа кёб болса, аш татымсыз болур.
- Ачыкъ джюрекге джол – ачыкъ.
- Кюлме джашха – келир башха.
- Тюзлюк шохлукъну бегитир.
- Ата Джуртун танымагъан, атасын да танымаз.
- Кёзю сокъурдан – къоркъма, кёлю сокъурдан – къоркъ.
- Кийимни бир кюнню аясанг, минг кюннге джарар.
- Хар сёзню орну барды.
- Соргъан айыб тюлдю, билмеген айыбды.
- Тойгъа алгъа да барма, тойда артха да къалма.
- Хунаны тюбюн къазсанг, юсюнге ауар.
- Алтыда кюлмеген, алтмышда кюлмез.
- Этим кетсе да, сюегим къалыр.
- Джаш къарыу бла кючлю, къарт акъыл бла кючлю.
- Сибиртки да сыйлы болду, кюрек да кюнлю болду.
- Азыгъы аз, алгъа къабар, аты аман, алгъа чабар.
- Сормай – алма, чакъырылмай – барма.
- Кёб ант этген, кёб ётюрюк айтыр.
- Телини эшигин, махтау джабар.
- Къалгъан ишге къар джауар.
- Ата Джуртча джер болмаз, туугъан элча эл болмаз.
- Къайтырыкъ эшигинги, къаты уруб чыкъма.
- Рысхы – сют юсюнде кёмюк кибикди.
- Джюрекден джюрекге джол барды.
- Джаханимни кёрмей, джандетге кёл салмазса.
- Ишин билген, аны сыйын чыгъарады.
- Джашны джигитлиги сорулур, къызны джигерлиги сорулур.
- Аш иеси бла татлыды.
- Къаллай салам берсенг, аллай джууаб алырса.
- Биреу ашаб къутулур, биреу джалаб тутулур.
- Ач, тоймам, дейди, тойгъан, ач болмам, дейди.
- Адам къыйынлыгъын кёлтюрюр, зауукълугъун кёлтюрмез.
- Таугъа чыгъаллыкъ эсенг, тюзде къалма.
- Джыйырма къойну юч джыйырма эбзе кюте эди.
- Ата – баланы уясы.
- Гыдай эчки суугъа къараб, мюйюзле кёрмесе, джашма алкъын, дегенди.
- Иги болса, тамадама – махтау, аман болса, меннге – айыб.
- Джиби бир къат джетмей эди да, эки къат тарта эди.
- Мураты болгъанны джюрек тебюую башхады.
- Хаухну атма, ёнгкючню сатма.
- Билмегенинги, билгеннге сор.
- Кечеси – аяз, кюню – къыш, джарлы къаргъагъа бир аш тюш!
- Ана – юйню кюн джарыгъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72