Эльбрусоид :: Форум :: Архив форумов

Ётюрюкню къуйругъу – бир тутум.
Къыз чыгъаргъан – къызыл къымжа.
Эринчекни аурууу – кёб.
Сормай – алма, чакъырылмай – барма.
Джарашыу сюйген – джалынчакъ.
Адамны адамлыгъы къыйынлыкъда айгъакъланады.
Юй кюйдю да, кюйюз чыкъды, ортасындан тюйюш чыкъды.
Кечеси – аяз, кюню – къыш, джарлы къаргъагъа бир аш тюш!
Ашатыргъа иш – ашхы, ишлетирге аш – ашхы.
Махтаннган къыз, тойда джукълар.
Ариу сёзде ауруу джокъ.
Адамны сыфатына къарама, сёзюне къара.
Тас болгъан бычакъны сабы – алтын.
Къыз тиширыу кеси юйюнде да къонакъды.
Ишлемеген – тишлемез.
Аман киши кеси юйюнде – къонакъ.
Тамбла алтындан бюгюн багъыр ашхы.
Ёгюзню мюйюзюнден тутадыла, адамны сёзюнден тутадыла.
Хар зат кесини орнуна иги.
Эл бла кёргенинг эрелей.
Таукелге нюр джауар.
Аз сёлеш, кёб ишле.
Бети – къучакълар, джюреги – бычакълар.
Джыланны къуйругъундан басарынг келсе, аны башы болгъанын унутма.
Айран тёгюлсе, джугъусу къалыр.
Биреуню къыйынлыгъы бла кесинге джол ишлеме.
Булут кёкге джарашыу, уят бетге джарашыу.
Дуния малгъа сатылма, кесингден телиге къатылма.
Къарнынг къанлынга кийирир.
Мураты болгъанны джюрек тебюую башхады.
Ёзденликни кёбю ётюрюк.
Душманны тышы – акъ, ичи – къара.
Джарлы джети элни сёзюн этер.
Къоркъакъны кёзю экили кёрюр.
Къонакъны къачан кетерин сорма, къачан келлигин сор.
Ашлыкъны арба юйге келтирир, чана базаргъа элтир.
Ачылгъан эт джабылыр, кёрген кёз унутмаз.
Ашхы атаны – джашы ашхы, ашхы ананы – къызы ашхы.
Аш кетер да бет къалыр.
Мал тутхан – май джалар.
Элни кючю – эмеген.
Тилчи бир сагъатха айлыкъ хата этер.
Джылыгъа джылан илешир.
Къонакъ хазыр болгъанлыкъгъа, къонакъбай хазыр тюлдю.
Сакъ юйюне сау барыр.
Ишленмеклик адамлыкъды.
Адам къаллай бир ишленмесе, аллай бир кесин уллу кёреди.
Ишге юренсин къоллары, халкъ бла болсун джоллары.
Aдам боллукъ, сыфатындан белгили.
Кёпюр салгъан кеси ётер, уру къазгъан кеси кетер.

Логин:
Пароль:
	Запомнить меня на этом компьютере

Забыли свой пароль?
Регистрация