- Ёпкелегенни ашы татлы болады.
- Ушамагъан – джукъмаз.
- Башы джабылгъан челекге, кир тюшмез.
- Кийим тукъум сордурур.
- Арыгъан къош чамчы болур.
- Ач – эснер, ат – кишнер.
- Бет бетге къараса, бет да джерге къарар.
- Ауузу аманнга «иги», деме.
- Адамны джюреги нени кёрюрге сюйсе, кёзю да аны кёрюрге ёч болады.
- Керти сёзге тёре джокъ.
- Ата Джуртча джер болмаз, туугъан элча эл болмаз.
- Джашынгы кесинг юретмесенг, джашау юретир.
- Джарлы эскисин джамаса, къууаныр.
- Ашха уста, юйюнде болсун
- Джюрекден джюрекге джол барды.
- Тюзлюк тас болмайды.
- Джарлыны тону джаз битер.
- Насыб бютеу халкъны юлюшюдю.
- Сибиртки да сыйлы болду, кюрек да кюнлю болду.
- Тилчи тилден къаныкъмаз.
- Чыбыкълыкъда бюгюлмеген, къазыкълыкъда бюгюлмей эди.
- Адамны артындан къара сабан сюрме.
- Уллу суу бла уллу ауруудан башынгы сакъла.
- Ойнай билмеген, оюн бузар.
- Рысхы джалгъанды: келген да этер, кетген да этер.
- Ач келгенни – тойдур, кеч келгенни – къондур.
- Киштикге къанат битсе, чыпчыкъ къалмаз эди.
- Арба аугъандан сора, джол кёргюзтюучю кёб болур.
- Аш хазыр болса, иш харам болур.
- Иши джокъну, сыйы джокъ.
- Огъурлуну сёзю – суу, огъурсузну сёзю – уу.
- Гугурук къычырмаса да, тангны атары къалмаз.
- Дуния мал дунияда къалады.
- Эшекни не къадар тюйсенг да, ат болмаз.
- Джарлыны эшигин махтагъан джабар.
- Керек ташны ауурлугъу джокъ.
- Игини сыйлагъан адетди.
- Къатыны харакетли болса, эри къымсыз болур.
- Татлы тилде – сёз ариу, чемер къолда – иш ариу.
- Къарт айтханны этмеген, къартаймаз.
- Ёлген аслан – сау чычхан.
- Эр абынмай, эл танымаз.
- Ёзденликни джайгъан – джокълукъ.
- Аз айтсам, кёб ангылагъыз.
- Эллинг бла джау болсанг да, юйюнг бла джау болма.
- Билимден уллу байлыкъ джокъду.
- Ариуну – ауруу кёб.
- Таукел адам тау тешер.
- Байлыкъ болгъан джерде, тынчлыкъ джокъду.
- Ат да турмайды бир териде.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72