- Келинин тута билмеген, къул этер, къызын тута билмеген, тул этер.
- Тойгъан антын унутур.
- Мураты болгъанны джюрек тебюую башхады.
- Бёрю да ач къалмасын, эчки да ашалмасын.
- Мухар, кеси тойса да, кёзю тоймаз.
- Тил – миллетни джаны.
- Чалманны аллы къалай башланса, арты да алай барады.
- Къартны бурнун сюрт да, оноугъа тут.
- Ауурну тюбю бла, дженгилни башы бла джюрюген.
- Сютден ауузу кюйген, суугъа юфгюре эди.
- Арпа, будай – ащды, алтын, кюмюш а – ташды.
- Хар ишни да аллы къыйынды.
- Насыб бютеу халкъны юлюшюдю.
- Къралынгы – душмандан, башынгы от бла суудан сакъла.
- Абынмазлыкъ аякъ джокъ, джангылмазлыкъ джаякъ джокъ.
- Аллахдан тилесенг, кёб тиле.
- Мухардан ач ычхынмаз.
- Аманны тукъумуна къарама, игини тукъумун сорма.
- Акъыллы башны – тили къысха.
- Тенги кёбню джау алмаз, акъылы кёбню дау алмаз.
- Кютгени беш эчки, сызгъыргъаны уа, джерни джарады.
- Урунуу – насыбны анасы.
- Ётюрюкню къуйругъу – бир тутум.
- Эринчекни аурууу – кёб.
- Эл тойса, тоймагъан, эл къойса, къоймагъан.
- Чомартны къолу берекет.
- Сёз – кюмюш, джыр – алтын.
- Келинни – келгинчи, бёркню кийгинчи кёр.
- Сабий болмагъан джерде, мёлек болмаз.
- Аджал соруб келмез, келсе, къайтыб кетмез.
- Таукел тауну аудурур.
- Биреуге кёлтюрген таягъынг, кесинги башынга урур.
- Арба аугъандан сора, джол кёргюзтюучю кёб болур.
- Джылкъыдан – ат чыгъар, тукъумдан – джаш чыгъар.
- Къатыны харакетли болса, эри къымсыз болур.
- Зарда марда джокъ.
- Къайтырыкъ эшигинги, къаты уруб чыкъма.
- Аш иеси бла татлыды.
- Джашда акъыл джокъ, къартда къарыу джокъ.
- Къарын къуру болса, джюрек уру болур.
- Къумурсхала джыйылсала, пилни да джыгъадыла.
- Гырджын – тепсини тамадасы.
- Адамны адамлыгъы къыйынлыкъда айгъакъланады.
- Тамырсыз терекге таянма – джыгъылырса.
- От этилмеген джерден тютюн чыкъмайды.
- Джылар джаш, атасыны сакъалы бла ойнар.
- Ач келгенни – тойдур, кеч келгенни – къондур.
- Джылыгъа джылан илешир.
- Адеб джокъда, намыс джокъ.
- Кюн кёрмеген, кюн кёрсе, кюндюз чыракъ джандырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72