- Эринчекге кюн узун.
- Кёл ашады да, кеси ашады.
- Ёлген аслан – сау чычхан.
- Тюкюрюк баш джармаз, налат кёз чыгъармаз!
- Сууда джау джокъ, кёб сёзде магъана джокъ.
- Бет бетге къараса, бет да джерге къарар.
- Аз сёлеш, кёб ишле.
- От этилмеген джерден тютюн чыкъмайды.
- Джуртун къоругъан озар.
- Сютден ауузу кюйген, суугъа юфгюре эди.
- Чарсда алчыны эл кёреди.
- Адамны бетине къарама, адетине къара.
- Атынг аманнга чыкъгъандан эсе, джанынг тамагъынгдан чыкъсын.
- Кийим тукъум сордурур.
- Экеулен сёлеше тура эселе, орталарына барыб кирме.
- Сёз садакъдан кючлюдю.
- Джангыз терек къынгыр ёсер.
- Татлы тилде – сёз ариу, чемер къолда – иш ариу.
- Ата Джуртуму башы болмасам да, босагъасында ташы болайым.
- Ёлюк кебинсиз къалмаз.
- Иги сёз – джаннга азыкъ, аман сёз башха – къазыкъ.
- Биреуню тёрюнден, кесинги эшик артынг игиди.
- Эм ашхы къайын ана мамукъ бла башынгы тешер.
- Джаз бир кюнню джатсанг, къыш талай кюнню абынырса.
- Чоюнну башы ачыкъ болса, итге уят керекди.
- Джаралыны джастыгъында сау ёлюр.
- Къызгъанчдан ычхыныр, мухардан ычхынмаз.
- Тенгни тенглиги джашай барсанг билинир.
- Тин – байлыгъынг, терен саулугъунг.
- Миллетни бойну – базыкъ, аны бла кюрешген – джазыкъ.
- Джиби бир къат джетмей эди да, эки къат тарта эди.
- Адебни адебсизден юрен.
- Игилик игилик бла сингдирилиучю затды.
- Суу кетер, таш къалыр.
- Джашда акъыл джокъ, къартда къарыу джокъ.
- Агъач – джерни чырайы, кийим – эрни чырайы.
- Къобан да къуру да къобханлай турмайды, адам да къуру да патчахлай турмайды.
- Ач уят къоймаз.
- Халкъны джырын джырласанг, халкъ санга эжиу этер.
- Къыз тиширыу кеси юйюнде да къонакъды.
- Садакъачыны джаны – къапчыгъында.
- Зар адам ашынгы ашар, кесинги сатар.
- Аманны къуугъан, аманлыкъ табар.
- Байлыкъ болгъан джерде, тынчлыкъ джокъду.
- Айраннга суу къош, телиге джол бош.
- Ашхы сёз таш тешер.
- Узун джолну барсанг, бюгюн келирсе, къысха джолну барсанг, тамбла келирсе.
- Игини сыйлагъан адетди.
- Накъырданы арты керти болур.
- Ана кёлю – балада, бала кёлю – талада.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72