- Джылкъыдан – ат чыгъар, тукъумдан – джаш чыгъар.
- Къартха ушагъан джаш – акъыллы, джашха ушагъан къарт – тели.
- Кенгеш болса, уруш болмаз.
- Бет бетге къараса, бет да джерге къарар.
- Игиге айтсанг – билир, аманнга айтсанг – кюлюр.
- Эшекни не къадар тюйсенг да, ат болмаз.
- Аууз сакълагъан – джан сакълар.
- Къатыны харакетли болса, эри къымсыз болур.
- Адеб джокъда, намыс джокъ.
- Гугук кесини атын айтыб къычыргъанча, мен, мен деб нек тураса?
- Гитче джилтин уллу элни джандырыр.
- Ёмюрлюк шохлукъну джел элтмез.
- Ханнга да келеди хариблик.
- Сёлеш деб шай берген, тохта деб, сом берген.
- Алгъанда – джууукъ, бергенде – джау.
- Кёб джат да, бек чаб.
- Арбаз къынгырды да, ийнек сауалмайма.
- Баланы адам этген анады.
- Ачлыкъда тары гырджын халыуадан татлы.
- Халкъны джырын джырласанг, халкъ санга эжиу этер.
- Тил – миллетни джаны.
- Къарнынг бла ёч алма.
- Ишлегенде эринме, ишде чолакъ кёрюнме.
- Суу да къайтады чыкъгъан джерине.
- Этни бети бла шорпасы.
- Ёгюзню мюйюзюнден тутадыла, адамны сёзюнден тутадыла.
- Билим ат болуб да чабар, къуш болуб да учар.
- Кёб ант этген, кёб ётюрюк айтыр.
- Суу ичген шауданынга тюкюрме.
- Гугурук къычырмаса да, тангны атары къалмаз.
- Адам сёзге тынгыла, акъыл сёзню ангыла.
- Насыблы элин сюер, насыбсыз кесин сюер.
- Джуртун къоругъан озар.
- Кесинге джетмегенни, кёб сёлешме.
- Кёрмегеннге кебек – танг, битмегеннге сакъал – танг.
- Джюз элде джюз ёгюзюм болгъандан эсе, джюз джууугъум болсун.
- Сабий кёргенин унутмаз.
- Байлыкъ болгъан джерде, тынчлыкъ джокъду.
- Шапа кёб болса, аш татымсыз болур.
- Мал ёлсе, сюек къалыр, адам ёлсе, иши къалыр.
- Аякъларынгы джууургъанынга кёре узат.
- Ойнай билмеген, оюн бузар.
- Адебни адебсизден юрен.
- Аш берме да, къаш бер.
- Биреу къой излей, биреу той излей.
- Ханы къызы буюгъа-буюгъа киштик болду.
- Джерни букъусу кёкге къонмаз.
- Баш – акъыл ючюн, акъылман – халкъ ючюн.
- Ата Джуртуму башы болмасам да, босагъасында ташы болайым.
- Джаханимни кёрмей, джандетге кёл салмазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72