- Джангыз терек къынгыр ёсер.
- Акъыллы башны – тили къысха.
- Игини сыйлагъан адетди.
- Къарын къуру болса, джюрек уру болур.
- Кёзюнде тереги болгъан, чёбю болгъаннга кюле эди.
- Келгинчи, къонакъ уялыр, келгенден сора, къонакъбай уялыр.
- Эр сокъур болсун, къатын тилсиз болсун.
- Дуния малгъа сатылма, кесингден телиге къатылма.
- Уллу айтханны этмеген – уллаймаз.
- Ашлыкъны арба юйге келтирир, чана базаргъа элтир.
- Бермеген къол, алмайды.
- Чакъырылмагъан къонакъ – орунсуз.
- Хунаны тюбюн къазсанг, юсюнге ауар.
- Тёгюлген тюгел джыйылмайды.
- Иги джашны ышаны – аз сёлешиб, кёб тынгылар.
- Джылкъыдан – ат чыгъар, тукъумдан – джаш чыгъар.
- Ауругъан – джашаудан умутчу.
- Къууут – джелге, берне – бошха.
- Тойгъа барсанг, тоюб бар, эски тонунгу къоюб бар.
- Атынг аманнга чыкъгъандан эсе, джанынг тамагъынгдан чыкъсын.
- Ёлген эшек бёрюден къоркъмайды.
- Ёлген ийнек сютлю болур.
- Аш кетер да бет къалыр.
- Атлыны кёрсе, джаяуну буту талыр.
- Хоншуну тауугъу къаз кёрюнюр, келини къыз кёрюнюр.
- Аллахдан тилесенг, кёб тиле.
- Ауругъаннга – кийик саулукъ, джетген къызгъа – чилле джаулукъ.
- Эки элинги тыйсанг, джети элде махталырса.
- Тиширыусуз юй – отсуз от джагъа.
- Джангызны оту джарыкъ джанмаз!
- Байны къызы баймакъ болса да, юйде къалмаз!
- «Ёгюз, джаргъа джууукъ барма, меннге джюк боллукъса», - дегенди эшек.
- Кюн кёрмеген, кюн кёрсе, кюндюз чыракъ джандырыр.
- Ишлерге уял да, ашаргъа табма.
- Кёкдеги болмаса, джердегин кёрмейди.
- Ёлмесенг да, къарт дамы болмазса?
- Аш хазыр болса, иш харам болур.
- Джыгъылгъанны сырты джерден тоймаз.
- Аманны тукъумуна къарама, игини тукъумун сорма.
- Билимден уллу байлыкъ джокъду.
- Къарт айтханны этмеген, къартаймаз.
- Хаухну атма, ёнгкючню сатма.
- Ашхы тенг джолгъа салыр, аман тенг джолдан тайдырыр.
- Эшекни не къадар тюйсенг да, ат болмаз.
- Ач уят къоймаз.
- Таукел тауну аудурур.
- Сёлеш деб шай берген, тохта деб, сом берген.
- Къазанны башы ачыкъ болса, итге уят керекди.
- Намысы джокъну – дуниясы джокъ.
- Эркишини аманы тиширыуну джылатыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72