- Аякъларынгы джууургъанынга кёре узат.
- Ариу сёз – джаннга азыкъ, аман сёз – башха къазыкъ.
- Эркишиге тары кебек танг кёрюнюр.
- Таукелге нюр джауар.
- Тёзген – тёш ашар!
- Биреуню къыйынлыгъы бла кесинге джол ишлеме.
- Дуния малгъа сатылма, кесингден телиге къатылма.
- Аш иеси бла татлыды.
- Абынмазлыкъ аякъ джокъ, джангылмазлыкъ джаякъ джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Ач, тоймам, дейди, тойгъан, ач болмам, дейди.
- Рысхы – насыбха къор.
- Ашда уялгъан – мухар, ишде уялгъан – хомух.
- Келгинчи, къонакъ уялыр, келгенден сора, къонакъбай уялыр.
- Ичимден чыкъды хата, къайры барайым сата?
- Ханнга да келеди хариблик.
- Къарнынг къанлынга кийирир.
- Къаллай салам берсенг, аллай джууаб алырса.
- Ёзденликни кёбю ётюрюк.
- Чомарт бергенин айтмаз.
- Кёбден умут этиб, аздан къуру къалма.
- Акъыл къартда, джашда тюйюлдю – башдады.
- Баш – акъыл ючюн, акъылман – халкъ ючюн.
- Бети къызарыучу адамны, джюреги харам болмаз.
- Кесинг сынамагъан затны, адамгъа буюрма.
- Сютден ауузу кюйген, суугъа юфгюре эди.
- Гугук кесини атын айтыб къычыргъанча, мен, мен деб нек тураса?
- Эте билген, этген этеди, эте билмеген, юретген этеди!
- Айранын берсенг, челегин да къызгъанма.
- Тойгъанлыкъ къойгъа джарашады.
- Адам къыйынлыгъын кёлтюрюр, зауукълугъун кёлтюрмез.
- Адамны бетине къарама, адетине къара.
- Дуния аламаты сен эсенг да, игиме деб айтма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адеб джокъда, намыс джокъ.
- Тилсиз миллет джокъ болур.
- Иги сеники эсе да, сюйген кесимикин этеме.
- Тура эдим джата, къайдан чыкъды хата?
- Къумурсхала джыйылсала, пилни да джыгъадыла.
- Аманнга игилик этсенг, юйюнге сау бармазса.
- Сибиртки да сыйлы болду, кюрек да кюнлю болду.
- Ишлемеген – тишлемез.
- Мал ёлсе, сюек къалыр, адам ёлсе, иши къалыр.
- Джарлыны тону джаз битер.
- Хатерли къул болур.
- Чомарт джарлы болмаз.
- Кирсизни – саны таза, халалны – къаны таза.
- Къатыны харакетли болса, эри къымсыз болур.
- Эшекни не къадар тюйсенг да, ат болмаз.
- Хунаны тюбюн къазсанг, юсюнге ауар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72