- Ойнай-ойнай кёз чыгъар.
- Иги болса, тамадама – махтау, аман болса, меннге – айыб.
- Бастасын ашагъан, хантусун да ичер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Хаухну атма, ёнгкючню сатма.
- Аман эсирсе, юйюн ояр.
- Юй ишлеген балта эшикде къалыр.
- Ат басханны джер билед.
- Чакъырылгъанны аты, чакъырылмагъанны багъасы болур.
- Тилчиден кери бол.
- Байлыкъдан саулукъ ашхыды.
- Харам къарнашдан, халал тенг ашхы.
- Ёзденликни кёбю ётюрюк.
- Ишлерге уял да, ашаргъа табма.
- Чабар ат – джетген къыз.
- Акъыл неден да кючлюдю.
- Айтылгъан сёз ызына къайтмаз.
- Аууз сакълагъан – джан сакълар.
- Джолда аягъынга сакъ бол, ушакъда тилинге сакъ бол.
- Ариу сёз аурууунгу алыр.
- Рысхы – насыбха къор.
- Тойгъа алгъа да барма, тойда артха да къалма.
- Адебни адебсизден юрен.
- Аджашхан тёгерек айланыр.
- Тёрени джагъы джокъ.
- Урунуу – насыбны анасы.
- Сормай – алма, чакъырылмай – барма.
- Татлы тилде – сёз ариу, чемер къолда – иш ариу.
- Сабыр джетер муратха, сабырсыз къалыр уятха.
- Эм ашхы къайын ана мамукъ бла башынгы тешер.
- Тилчи бир сагъатха айлыкъ хата этер.
- Магъанасыз сёз – тауушсуз сыбызгъы.
- Аманны къуугъан, аманлыкъ табар.
- Байлыкъ келсе, акъыл кетер.
- Кийиминг бла танылма, адамлыкъ бла таныл.
- Тыш элде солтан болгъандан эсе, кесинги элде олтан болгъан игиди!
- Хар ишни да аллы къыйынды.
- Илму – джашауну джолу.
- Ашатыргъа иш – ашхы, ишлетирге аш – ашхы.
- Битмегеннге сакъал – танг.
- Эл тойса, тоймагъан, эл къойса, къоймагъан.
- Джигер – джаннга къыйынлыкъ.
- Эли джокъну – кёлю джокъ.
- Ачыу алгъа келсе, акъыл артха къалады.
- Минг тенг да азды, бир джау да кёбдю.
- Арба аугъандан сора, джол кёргюзтюучю кёб болур.
- Ишленмеген джаш – джюгенсиз ат, ишленмеген къыз – тузсуз хант.
- Татлы сёз – балдан татлы.
- Джиби бир къат джетмей эди да, эки къат тарта эди.
- Игини сыйлагъан адетди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72