Эльбрусоид :: Форум :: Архив форумов

Иги сеники эсе да, сюйген кесимикин этеме.
Туз, гырджын аша, тюзлюк бла джаша.
Ётюрюкден тюбю джокъ, кёлтюрюрге джиби джокъ.
Ач къарным, тынч къулагъым.
Адам боллукъ, атламындан белгили болур.
Билгенни къолу къарны джандырыр.
Джюз элде джюз ёгюзюм болгъандан эсе, джюз джууугъум болсун.
Ёлюк кебинсиз къалмаз.
Арбаз сайлама да, хоншу сайла.
Акъыл неден да кючлюдю.
Джан саулукъ бермей, сан саулукъ бермезсе.
Кечеси – аяз, кюню – къыш, джарлы къаргъагъа бир аш тюш!
Магъанасыз сёз – тауушсуз сыбызгъы.
Джуртун къоругъан озар.
Кёзден кетген, кёлден да кетеди.
Къартны сыйын кёрмеген, къартлыгъында сыйлы болмаз.
Джаш болсун, къыз болсун, акъылы, саны тюз болсун.
Джюрекден джюрекге джол барды.
Джырына кёре эжиую.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Намыс болмагъан джерде, насыб болмаз.
Сабийни джумушха джибер да, ызындан бар.
Аш берме да, къаш бер.
Уллу атлама – абынырса, уллу къабма – къарылырса.
Къая джолда джортма, ачыкъ сёзден къоркъма.
Ишни ахырын ойламай, аллын башлама.
Терек ауса, отунчу – кёб.
«Ёгюз, джаргъа джууукъ барма, меннге джюк боллукъса», - дегенди эшек.
Ашарыкъда сайлагъаннга – чий гырджын.
Ашаса, ашамаса да, бёрюню ауузу – къан.
Адамны адамлыгъы къыйынлыкъда айгъакъланады.
Келинни – келгинчи, бёркню кийгинчи кёр.
Чомарт бергенин айтмаз.
Тюз сёз баргъан сууну тыяр.
Ата Джуртча джер болмаз, туугъан элча эл болмаз.
Байлыкъдан саулукъ ашхыды.
Aдам боллукъ, сыфатындан белгили.
Аманны тукъумуна къарама, игини тукъумун сорма.
Ана кёлю – балада, бала кёлю – талада.
Тёзген – тёш ашар!
Башсыз урчукъ тюзюне айланмаз.
Накъырда – кертини келечиси.
Эрни эр этерик да, къара джер этерик да, тиширыуду.
Байны къызы баймакъ болса да, юйде къалмаз!
Таукелге нюр джауар.
Гырджын – тепсини тамадасы.
Илму – джашауну джолу.
Тойгъандан сора, ашны сёкме.
Ишлемеген – тишлемез.
Эл ауузу – элек, анга ийнаннган – халек.

Логин:
Пароль:
	Запомнить меня на этом компьютере

Забыли свой пароль?
Регистрация