- Адамны аты башхача, акъылы да башхады.
- Узун джолну барсанг, бюгюн келирсе, къысха джолну барсанг, тамбла келирсе.
- Джашлыкъ этмеген, башлыкъ этмез.
- Тюзлюк тас болмайды.
- Биреу ашаб къутулур, биреу джалаб тутулур.
- Акъыллы – эл иеси, тели – эл баласы.
- Ёлмесенг да, къарт дамы болмазса?
- Таш бла ургъанны, аш бла ур.
- Къарны аманнга къазан такъдырма, къолу аманнга от джакъдырма.
- Танг атмайма десе да, кюн къоярыкъ тюйюлдю.
- Джангызны оту джарыкъ джанмаз!
- Адамны джюреги нени кёрюрге сюйсе, кёзю да аны кёрюрге ёч болады.
- Джарашыу сюйген – джалынчакъ.
- Тюзлюк шохлукъну бегитир.
- Кёлю джокъну – джолу джокъ.
- Тин – байлыгъынг, терен саулугъунг.
- Тилде сюек болмаса да, сюек сындырыр.
- Оюмсуз атлагъан, аджалсыз ёлюр.
- Джырына кёре эжиую.
- Сагъыш – къартлыкъгъа сюйюмчю.
- Башынга джетмегенни сорма.
- Игилик игилик бла сингдирилиучю затды.
- Айранны сюйген, ийнек тутар.
- Кёб джат да, бек чаб.
- Эки элинги тыйсанг, джети элде махталырса.
- Ёзденликни джайгъан – джокълукъ.
- Юйюнгден чыкъдынг – кюнюнгден чыкъдынг.
- Чыбыкълыкъда бюгюлмеген, къазыкълыкъда бюгюлмей эди.
- Сабий кёргенин унутмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Джюрекге ариу – кёзге да ариу.
- Тойгъан джерден туугъан джер игиди.
- Ата Джуртча джер болмаз, туугъан элча эл болмаз.
- Терслик кетер, тюзлюк джетер.
- Айтылгъан буйрукъ, сёгюлмез
- Тай асырагъан, атха минер.
- Ёлюк кебинсиз къалмаз.
- Тюзню ётмеги тюзде къалса да, тас болмаз.
- Шекер бла туз – бир болмаз, ушамагъан – юй болмаз.
- Хоншуну тауугъу къаз кёрюнюр, келини къыз кёрюнюр.
- Ач уят къоймаз.
- Эркишиге тары кебек танг кёрюнюр.
- Ёмюрлюк шохлукъну джел элтмез.
- Кёбню кёрген – кёб билир.
- Къарт айтханны этмеген, къартаймаз.
- Эли джокъну – кёлю джокъ.
- Хар ишни да аллы къыйынды.
- Накъырда – кертини келечиси.
- Джол бла сёзню къыйыры джокъ.
- Къарыусузгъа кюлме, онгсузгъа тийме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72