- Чабакъ башындан чирийди.
- Алтыда кюлмеген, алтмышда кюлмез.
- Байдан умут эте, джарлыдан ёгюз багъасы къорады.
- Эки итни арасына сюек атма, эки адамны арасында сёз чыгъарма.
- «Ма», - дегенни билмесенг, «бер», - дегенни билмезсе.
- Къонагъынгы артмагъын алма да, алгъышын ал.
- Сютню башын джалагъан къутулур, тюбюн ичген тутулур.
- Ауурну тюбю бла, дженгилни башы бла джюрюген.
- Артына баргъанны, къатына барма.
- Гитче джилтин уллу элни джандырыр.
- Кёб джашагъан – кёб билир.
- Ётюрюкден тюбю джокъ, кёлтюрюрге джиби джокъ.
- Намыс сатылыб алынмайды.
- Тамырсыз терекге таянма – джыгъылырса.
- Агъач – джерни чырайы, кийим – эрни чырайы.
- Кесинге джетмегенни, кёб сёлешме.
- Таукел къуру къалмаз.
- Атынг аманнга чыкъгъандан эсе, джанынг тамагъынгдан чыкъсын.
- Чоюнну башы ачыкъ болса, итге уят керекди.
- Ишлегенден, къарагъан уста.
- Керти сёзге тёре джокъ.
- Бичгенде ашыкъма, тикгенде ашыкъ.
- Башынга джетмегенни сорма.
- Билеги кючлю, бирни джыгъар, билими кючлю, мингни джыгъар.
- Башы джабылгъан челекге, кир тюшмез.
- Рысхы джалгъанды: келген да этер, кетген да этер.
- Чыкълы кюнде чыкъмагъан, чыкъса къуру кирмеген.
- Терек ауса, отунчу – кёб.
- Къарын къуру болса, джюрек уру болур.
- Джыланны къуйругъундан басарынг келсе, аны башы болгъанын унутма.
- Ач къалгъандан, кеч къалгъан къолай.
- Иги адам абынса да, джангылмаз.
- Ана къолу ачытмаз.
- Билим ат болуб да чабар, къуш болуб да учар.
- Бети бедерден, намыс сакълама.
- Акъыл бла адеб эгизледиле.
- Тамбла алтындан бюгюн багъыр ашхы.
- Келгинчи, къонакъ уялыр, келгенден сора, къонакъбай уялыр.
- Сёлеш деб шай берген, тохта деб, сом берген.
- Ашын ашагъанынгы, башын да сыйла.
- Билмегенинги, билгеннге сор.
- Туз, гырджын аша, тюзлюк бла джаша.
- Этни да ашады, бетни да ашады.
- Къарт айтханны этмеген, къартаймаз.
- Ашхы сёз таш тешер.
- Ойнай билмеген, уруб къачар.
- Эки элинги тыйсанг, джети элде махталырса.
- Джаш къарыу бла кючлю, къарт акъыл бла кючлю.
- Ашхы болсанг, атынг чыгъар, аман болсанг, джанынг чыгъар.
- Ышармагъан – кюлмез, кюлмеген – къууанчны билмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72