Эльбрусоид :: Форум :: Архив форумов

Магъанасыз сёз – тауушсуз сыбызгъы.
Къалгъан ишге къар джауар.
Кёрмегеннге кебек – танг, битмегеннге сакъал – танг.
Бетинги сатма, малынгы сат.
Байлыкъ болгъан джерде, тынчлыкъ джокъду.
Накъырда – кертини келечиси.
Ишлемеген – тишлемез.
Ашын ашагъанынгы, башын да сыйла.
Билмезни кёзю кёрмез, этмезни къулагъы эшитмез.
Къайтырыкъ эшигинги, къаты уруб чыкъма.
Кенгеш болса, уруш болмаз.
Джюрекден джюрекге джол барды.
Адеб базарда сатылмаз.
Ач да бол, токъ да бол – намысынга бек бол.
Кийиминг бла танылма, адамлыкъ бла таныл.
Адамгъа аман кюн соруб келмейди.
Джыланны къуйругъундан басарынг келсе, аны башы болгъанын унутма.
Ёгюзню мюйюзюнден тутадыла, адамны сёзюнден тутадыла.
Ышармагъан – кюлмез, кюлмеген – къууанчны билмез.
Эллинг бла джау болсанг да, юйюнг бла джау болма.
Ёлген ийнек сютлю болур.
Мухарны эси – ашарыкъда.
Арыгъан къош чамчы болур.
Чарсда алчыны эл кёреди.
Ана – юйню кюн джарыгъы.
Ач келгенни – тойдур, кеч келгенни – къондур.
Дуния аламаты сен эсенг да, игиме деб айтма.
Къыз чыгъаргъан – къызыл къымжа.
Мухардан ач ычхынмаз.
Адамны аты башхача, акъылы да башхады.
Юре билмеген ит, къонакъ келтирир.
Джырына кёре эжиую.
Ичимден чыкъды хата, къайры барайым сата?
Юреннген ауруу къалмаз.
Джаш къарыу бла кючлю, къарт акъыл бла кючлю.
«Ма», - дегенни билмесенг, «бер», - дегенни билмезсе.
Кёб ант этген, кёб ётюрюк айтыр.
Аууздан келген, къолдан келсе, ким да патчах болур эди.
Джукъу тёшек сайламайды.
Эл тойса, тоймагъан, эл къойса, къоймагъан.
Тешик этген тынчды, аны джамагъан къыйынды.
Айтылгъан сёз ызына къайтмаз.
Эли джокъну – кёлю джокъ.
Эл элде бирер малынг болгъандан эсе, бирер тенгинг болсун.
Насыблы элин сюер, насыбсыз кесин сюер.
Ариу – кёзге, акъыл – джюрекге.
Ач, тоймам, дейди, тойгъан, ач болмам, дейди.
Кюл тюбюндеги от кёрюнмейди.
Акъыл аздырмаз, билим тоздурмаз.
Аякъларынгы джууургъанынга кёре узат.

Логин:
Пароль:
	Запомнить меня на этом компьютере

Забыли свой пароль?
Регистрация