- Хаухну атма, ёнгкючню сатма.
- Арбаз сайлама да, хоншу сайла.
- Телини эшигин, махтау джабар.
- Алгъанда – джууукъ, бергенде – джау.
- Къонакъны къачан кетерин сорма, къачан келлигин сор.
- Нафысынгы айтханын этме, намысынгы айтханын эт.
- Бек ашыкъгъан меннге джетсин, дегенди аракъы.
- Аманны тукъумуна къарама, игини тукъумун сорма.
- Мал кёб болса, джууукъ кёб болур.
- Ёлген эшек бёрюден къоркъмайды.
- Ким бла джюрюсенг, аны кёзю бла кёрюнюрсе.
- Кёзюнде тереги болгъан, чёбю болгъаннга кюле эди.
- Тик ёргени, тик энгишгеси да болады.
- Бир абыннган – минг сюрюнюр.
- Билеги кючлю, бирни джыгъар, билими кючлю, мингни джыгъар.
- Джан саулукъ бермей, сан саулукъ бермезсе.
- Акъыл сабырлыкъ берир.
- Адеб джокъда, намыс джокъ.
- Адебсиз адам – джюгенсиз ат.
- Керек ташны ауурлугъу джокъ.
- Суугъа – чабакъ, къаягъа – ыргъакъ.
- Джарашыу сюйген – джалынчакъ.
- Чабакъ башындан чирийди.
- Гугурук къычырмаса да, тангны атары къалмаз.
- Джерни букъусу кёкге къонмаз.
- Баланы адам этген анады.
- Сёз сёзню айтдырыр.
- Джылар джаш, атасыны сакъалы бла ойнар.
- Баш болса, бёрк табылыр.
- Чабакъгъа акъыл, табагъа тюшсе келеди.
- Джаш къарыу бла кючлю, къарт акъыл бла кючлю.
- Акъыл аздырмаз, билим тоздурмаз.
- Джюрек кёзден алгъа кёрюр.
- Ишин билген, аны сыйын чыгъарады.
- Термилгенинги табмазса, кюлгенинге тюберсе.
- Акъыллы башны – тили къысха.
- Атынг аманнга чыкъгъандан эсе, джанынг тамагъынгдан чыкъсын.
- Кёб джат да, бек чаб.
- Суугъа – таянма, джаугъа – ийнанма.
- Къралынгы – душмандан, башынгы от бла суудан сакъла.
- Тай асырагъан, атха минер.
- Ёксюзню къалачы уллу кёрюнюр.
- Башы ишлегенни, ауузу да ишлер.
- Эки ойлашыб, бир сёлешген.
- Ач къалгъандан, кеч къалгъан къолай.
- Джырчы ёлсе, джыры къалыр.
- Мухарны эси – ашарыкъда.
- Эркишини аманы тиширыуну джылатыр.
- Адебни адебсизден юрен.
- Эки итни арасына сюек атма, эки адамны арасында сёз чыгъарма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72