- Мураты болгъанны джюрек тебюую башхады.
- Иесиз малны бёрю ашар.
- Чыкълы кюнде чыкъмагъан, чыкъса къуру кирмеген.
- Тай асырагъан, атха минер.
- Зарда марда джокъ.
- Чоюнну башы ачыкъ болса, итге уят керекди.
- Тенгинг джокъ эсе – изле, бар эсе – сакъла!
- Ач къарынны, токъ билмез
- Ишни аллы бла къууанма да, арты бла къууан.
- Гугурук къычырмаса да, тангны атары къалмаз.
- Чомартха Тейри да борчлуду.
- Хар зат кесини орнуна иги.
- Джукъу тёшек сайламайды.
- Сёз садакъдан кючлюдю.
- Хатерли къул болур.
- Ариу сёз джыланны орнундан чыгъарыр.
- Агъач халкъгъа алтынды, иссиликге салкъынды.
- Ёксюзню тилеги къабыл болур.
- Иги – алгъыш этер, аман – къаргъыш этер.
- Магъанасыз сёз – тауушсуз сыбызгъы.
- Иши джокъну, сыйы джокъ.
- Адам сёзюнден белгили.
- Болджал ишни бёрю ашар.
- Ат басханны джер билед.
- Элиб деген, элге болушур.
- Кёбден умут этиб, аздан къуру къалма.
- Къулакъдан эсе, кёзге ышан.
- Чабакъгъа акъыл, табагъа тюшсе келеди.
- Рысхы джалгъанды: келген да этер, кетген да этер.
- Ауругъаннга – кийик саулукъ, джетген къызгъа – чилле джаулукъ.
- Акъылсызны джууукъгъа алма, акъыллыны кенгнге салма.
- Ойнай-ойнай кёз чыгъар.
- Татлы сёз – балдан татлы.
- Сютню башын джалагъан къутулур, тюбюн ичген тутулур.
- Тас болгъан бычакъны сабы – алтын.
- Къыйынлы джети элни къайгъысын этер.
- Кесинг сынамагъан затны, адамгъа буюрма.
- Айтхан сёзюне табылгъан.
- Малны кют, джерни тюрт.
- Адам боллукъ, атламындан белгили болур.
- Кёб джашагъан – кёб билир.
- Аджашханны ызындагъы кёреди, джангылгъанны джанындагъы биледи.
- Аманнга алтын чыдамаз.
- Таукелге нюр джауар.
- Аджаллыгъа окъсуз шкок атылыр.
- Уруну арты – къуру.
- Тура эдим джата, къайдан чыкъды хата?
- Билмегенинги, билгеннге сор.
- Гыдай эчки суугъа къараб, мюйюзле кёрмесе, джашма алкъын, дегенди.
- Татлы тилде – сёз ариу, чемер къолда – иш ариу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72