Эльбрусоид :: Форум :: Архив форумов

Къууут – джелге, берне – бошха.
Айраннга суу къош, телиге джол бош.
Къонакъ хазыр болгъанлыкъгъа, къонакъбай хазыр тюлдю.
Магъанасыз сёз – тауушсуз сыбызгъы.
Кёл – къызбай, къол – батыр.
Хар адамгъа кеси миннген тау кибик.
Къонагъынгы артмагъын алма да, алгъышын ал.
Агъач халкъгъа алтынды, иссиликге салкъынды.
Чомартха Тейри да борчлуду.
Джол бла сёзню къыйыры джокъ.
Сыфатында болмагъаны, суратында болмаз.
Айтылгъан буйрукъ, сёгюлмез
Аджалсыз ёлюм болмаз.
Таукелге нюр джауар.
Ашыкъгъанны этеги бутуна чырмалыр.
Игиге айтсанг – билир, аманнга айтсанг – кюлюр.
Ётюрюкню башын керти кесер.
Къарны аманнга къазан такъдырма, къолу аманнга от джакъдырма.
Халкъны юйю – туугъан джери.
Эркишини аманы тиширыуну джылатыр.
Эртде тургъан бла эртде юйленнген сокъуранмаз.
Къызбайны юйюне дери сюрсенг, батыр болур.
Тура эдим джата, къайдан чыкъды хата?
Эллинг бла джау болсанг да, юйюнг бла джау болма.
Къарыусузгъа кюлме, онгсузгъа тийме.
Тойгъандан сора, ашны сёкме.
Чомарт джарлы болмаз.
Аууз сакълагъан – джан сакълар.
Аджал соруб келмез, келсе, къайтыб кетмез.
Эки элинги тыйсанг, джети элде махталырса.
Джарлыны эшигин махтагъан джабар.
Аманнга алтын чыдамаз.
Тюкюрюк баш джармаз, налат кёз чыгъармаз!
Урунуу – насыбны анасы.
Шайтан алдады, тюзлюк къаргъады.
Тойгъан антын унутур.
Тёрени джагъы джокъ.
Иши джокъну, сыйы джокъ.
Этек чакъмакълары баш джаргъан, сёлешген сёзлери таш джаргъан.
Ёзденликни джайгъан – джокълукъ.
Акъыл сабырлыкъ берир.
Джумушакъ терекни къурт ашар.
Джаз бир кюнню джатсанг, къыш талай кюнню абынырса.
Ашда уялгъан – мухар, ишде уялгъан – хомух.
Иги сеники эсе да, сюйген кесимикин этеме.
Тенгни тенглиги джашай барсанг билинир.
Башда акъыл болмаса, эки аякъгъа кюч джетер.
Ач да бол, токъ да бол – намысынга бек бол.
Чарсда алчыны эл кёреди.
Аш берме да, къаш бер.

Логин:
Пароль:
	Запомнить меня на этом компьютере

Забыли свой пароль?
Регистрация