- Экеулен сёлеше тура эселе, орталарына барыб кирме.
- Акъыл бла адеб эгизледиле.
- Къызны минг тилер, бир алыр.
- Кёб ант этген, кёб ётюрюк айтыр.
- Этни да ашады, бетни да ашады.
- Кесине гебен этелмеген, биреуге черен эте эди.
- Ач отунчуну ачыуу – бурнунда.
- Азыкъ аз болса, эртде орун сал.
- Джыгъылгъанны сырты джерден тоймаз.
- Къарт болгъан джерде, берекет болур, сабий болгъан джерде, оюн болур.
- Игиге айтсанг – билир, аманнга айтсанг – кюлюр.
- Аш кетер да бет къалыр.
- Джаш болсун, къыз болсун, акъылы, саны тюз болсун.
- Къартны сыйын кёрмеген, къартлыгъында сыйлы болмаз.
- Къонагъынгы артмагъын алма да, алгъышын ал.
- Аман адам этегингден тутса, кес да къач.
- Билеги кючлю, бирни джыгъар, билими кючлю, мингни джыгъар.
- Эте билген, этген этеди, эте билмеген, юретген этеди!
- Ана – юйню кюн джарыгъы.
- Ётюрюкден тюбю джокъ, кёлтюрюрге джиби джокъ.
- Уруну арты – къуру.
- Ичимден чыкъды хата, къайры барайым сата?
- Келинни – келгинчи, бёркню кийгинчи кёр.
- Агъач – джерни чырайы, кийим – эрни чырайы.
- Кюн кёрмеген, кюн кёрсе, кюндюз чыракъ джандырыр.
- Ата – билек, ана – джюрек!
- Сабий болмагъан джерде, мёлек болмаз.
- От кюйдюрген, сау болса да, тот кюйдюрген, сау болмаз.
- Аманнга алтын чыдамаз.
- Тюзлюк тас болмайды.
- Джахил болса анасы, не билликди баласы?
- Ашхы болсанг, атынг чыгъар, аман болсанг, джанынг чыгъар.
- Дуния аламаты сен эсенг да, игиме деб айтма.
- Къолу уллу – асыу, аягъы уллу – джарсыу.
- Къарыусузгъа кюлме, онгсузгъа тийме.
- Ачыу алгъа келсе, акъыл артха къалады.
- Иесиз малны бёрю ашар.
- Адамны сабийин сюйген джюреги, бычакъча, джитиди.
- Чакъырылмагъан къонакъ – орунсуз.
- Кесинг сынамагъан затны, адамгъа буюрма.
- Хар зат кесини орнуна иги.
- Намысы болмагъанны, сыйы болмаз.
- Къазанчы аман болса, къазаны къайнамаз.
- Кёпюр салгъан кеси ётер, уру къазгъан кеси кетер.
- Кийиминг бла танылма, адамлыкъ бла таныл.
- Кюлме джашха – келир башха.
- Баш – акъыл ючюн, акъылман – халкъ ючюн.
- Акъыллы эркиши атын махтар, акъылсыз эркиши къатынын махтар.
- Эрни эр этерик да, къара джер этерик да, тиширыуду.
- Тик ёргени, тик энгишгеси да болады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72