- Къыйынлы джети элге оноу этер.
- Насыб бютеу халкъны юлюшюдю.
- Ат басханны джер билед.
- Алим болгъандан эсе, адам болгъан къыйынды.
- Къралынгы – душмандан, башынгы от бла суудан сакъла.
- Хар зат кесини орнуна иги.
- Малны кют, джерни тюрт.
- Къазанчы аман болса, къазаны къайнамаз.
- Тура эдим джата, къайдан чыкъды хата?
- Уллу айтханны этмеген – уллаймаз.
- Чабакъгъа акъыл, табагъа тюшсе келеди.
- Аманнга алтын чыдамаз.
- Эки элинги тыйсанг, джети элде махталырса.
- Тенгни тенглиги джашай барсанг билинир.
- Джырчы ёлсе, джыры къалыр.
- Джукъу тёшек сайламайды.
- Сагъыш – къартлыкъгъа сюйюмчю.
- Намыс болмагъан джерде, насыб болмаз.
- Ашатыргъа иш – ашхы, ишлетирге аш – ашхы.
- Адам къыйынлыгъын кёлтюрюр, зауукълугъун кёлтюрмез.
- Къызбайны юйюне дери сюрсенг, батыр болур.
- Джолунга кёре – джюрюшюнг, джагъанга кёре – юлюшюнг.
- Джумушакъ сёз къаты таякъны сындырыр.
- Ишге юренсин къоллары, халкъ бла болсун джоллары.
- Aдам боллукъ, сыфатындан белгили.
- Агъач – джерни чырайы, кийим – эрни чырайы.
- Адеб этмеген, адеб кёрмез.
- Эркиши – от, тиширыу – суу.
- Байлыкъ келсе, акъыл кетер.
- Сабий болмагъан джерде, мёлек болмаз.
- Ауругъан – джашаудан умутчу.
- Онгсузну – джакъла, тенгликни – сакъла.
- Тулпарлыкъ, билекден тюл – джюрекден.
- Сёз – кюмюш, джыр – алтын.
- Билеги кючлю, бирни джыгъар, билими кючлю, мингни джыгъар.
- Чакъырылмагъан къонакъ къачан кетерин сормаз.
- Ёнгкюч къууана барыр, джылай келир.
- Кесине гебен этелмеген, биреуге черен эте эди.
- Босагъа таш юйге кирмей эди, тыбыр таш эшикге чыкъмай эди.
- Ашлыкъ – бюртюкден, джюн – тюкден.
- Ёксюзню къалачы уллу кёрюнюр.
- Биреуню къыйынлыгъы бла кесинге джол ишлеме.
- Бек ашыкъгъан меннге джетсин, дегенди аракъы.
- Джангыз терек къынгыр ёсер.
- Ханнга да келеди хариблик.
- Бастасын ашагъан, хантусун да ичер.
- Кёбге таш атма.
- Адамгъа аман кюн соруб келмейди.
- Ачлыкъда тары гырджын халыуадан татлы.
- Бозанг болмагъан джерге, къалагъынгы сукъма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72