- Къыйынлы джети элге оноу этер.
- Билеги кючлю, бирни джыгъар, билими кючлю, мингни джыгъар.
- Сабийликде юретмесенг, уллу болса – тюзелмез.
- Окъ къызбайны джокълайды.
- Кеси юйюмде мен да ханма.
- Адам сёзюнден белгили.
- Кёб джашагъан – кёб билир.
- Къонакъ болсанг, ийнакъ бол.
- Адеб джокъда, намыс джокъ.
- Бети бедерден, намыс сакълама.
- Иги адам абынса да, джангылмаз.
- Ашын ашагъанынгы, башын да сыйла.
- Иги болса, тамадама – махтау, аман болса, меннге – айыб.
- Къонагъы джокъну – шоху джокъ.
- Таш ата билмеген, башына урур.
- Алтыда кюлмеген, алтмышда кюлмез.
- Ана – юйню кюн джарыгъы.
- Азыкълы ат арымаз, къатыны аман джарымаз.
- Айтхан сёзюне табылгъан.
- Айыбны суу бла джууалмазса.
- Байлыкъ тауусулур, билим тауусулмаз.
- Ана къойну – балагъа джандет.
- Башланнган иш битер, къымылдагъан тиш тюшер.
- Арпа, будай – ащды, алтын, кюмюш а – ташды.
- Элге къуллукъ этмеген, элге ие болмаз.
- Ачыкъ джюрекге джол – ачыкъ.
- Джырчы джырчыгъа – къарнаш.
- Душманны тышы – акъ, ичи – къара.
- Айранны сюйген, ийнек тутар.
- Къаллай салам берсенг, аллай джууаб алырса.
- Баланы адам этген анады.
- Шапа кёб болса, аш татымсыз болур.
- Чакъырылмай келген къонакъ сыйланмай кетер.
- Эл ауузу – элия.
- Аджашхан тёгерек айланыр.
- Эринчекни аурууу – кёб.
- Адамны сыфатына къарама, сёзюне къара.
- Джашда акъыл джокъ, къартда къарыу джокъ.
- Аджалсыз ёлюм болмаз.
- Экиндини кеч къылсанг, чабыб джетер ашхам.
- Эки къатын алгъанны къулагъы тынгнгаймаз.
- Адам боллукъ, атламындан белгили болур.
- Ач келгенни – тойдур, кеч келгенни – къондур.
- Кесине оноу эте билмеген, халкъына да эте билмез.
- Халкъны юйю – туугъан джери.
- Таш бла ургъанны, аш бла ур.
- Адамны бетине къарама, адетине къара.
- Эл элде бирер малынг болгъандан эсе, бирер тенгинг болсун.
- Хар сёзню орну барды.
- Чакъырылмагъан къонакъ – орунсуз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72